اقش-تا ءوتىپ جاتقان امەريكا كۋبوگى جارىسىندا پەرۋ قۇراماسىنان 0:1 ەسەبىمەن ۇتىلىپ قالىپ, 1983 جىلدان بەرى ءبىرىنشى رەت پلەي-وففتان اسا الماعان برازيليا قۇراماسىنىڭ تاعدىرىن شەشكەن جالعىز گولدىڭ قولمەن سوعىلعانى بەلگىلى بولدى.
ماتچتاعى جالعىز گولدى پەرۋ قۇراماسىنىڭ شابۋىلشىسى راۋل رۋيدياس 75-مينۋتتا سالعان. فورۆارد ونى قۇددى 1986 جىلعى الەم چەمپيوناتىنداعى مارادونا سياقتى قولىمەن قاقپا ىشىنە بۇرىپ جىبەرگەن.
ءتارتىپ بۇزۋشىلىقتىڭ ايدان انىق كوزگە ۇرىپ تۇرعانىنا قاراماستان, ۋرۋگۆايلىق تورەشى اندرەاس كۋنيا وسى گولدان كەيىن الاڭ ورتاسىن كورسەتكەن. دەمەك, گولدىڭ سوعىلعانىن تانگە العان.
بۇدان كەيىن برازيليالىقتاردىڭ ەسەپتى تەڭەستىرۋگە جۇمسالعان كۇش-جىگەرىنەن ەشتەڭە شىققان جوق.
وسى جەڭىلىستەن كەيىن برازيليا ءوز توبىندا پەرۋ مەن ەكۆادوردان كەيىنگى 3-ورىنعا جايعاستى. ءسويتىپ, كەلەسى كەزەڭگە شىعا المادى.
ال الداعى تامىز ايىندا دۋنگانىڭ شاكىرتتەرى ءوز ەلىندە وتەتىن وليمپيالىق ويىنداردا التىن مەدال ءۇشىن كۇرەسكەلى وتىر. پەنتاكامپەوندار قۇرامىن ويىنداردا نەيمار كۇشەيتەتىن بولادى.
اقش-تا ءوتىپ جاتقان امەريكا كۋبوگى 26 ماۋسىمدا مارەگە جەتەدى.
دامير قوجامقۇل.
دەرەك, فوتو: Life.ru
https://youtu.be/iWWOmyL08_E