قازاقستان پرەزيدەنتى نۇرسۇلتان نازارباەۆ اقش پرەزيدەنتى باراك وباماعا كوڭىل ايتۋ جەدەلحاتىن جولدادى.
مەملەكەت باسشىسى ورلاندو قالاسىنداعى تەرروريستىك اكت سالدارىنان كوپتەگەن ادامنىڭ قازا بولعانى جانە زارداپ شەككەنى تۋرالى حاباردى زور كۇيزەلىسپەن قابىلدادى.
جەدەلحاتتا: «قازاقستان تەرروريزمنىڭ كەز كەلگەن ءتۇرىن قاتاڭ ايىپتايدى, قانداي ماقساتتا بولسا دا جازىقسىز قان توگۋدى اقتاۋعا بولمايدى دەپ سانايدى», – دەپ ايتىلعان.
نۇرسۇلتان نازارباەۆ بارشا قازاقستاندىقتاردىڭ جانە جەكە ءوزىنىڭ اتىنان باراك وباماعا, امەريكا حالقىنا, قازا بولعانداردىڭ وتباسىلارىنا جانە جاقىندارىنا كوڭىل ايتىپ, زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.
تالعات رايىمبەك.
دەرەك, فوتو: akorda.kz.