اقتوبەدە ىزدەۋ سالىنعان لاڭكەستەردىڭ ۇشەۋى دە قولعا ءتۇستى. ۇلتتىق قاۋىپسىزدىك كوميتەتىنىڭ حابارلاۋىنشا, الدىمەن 33 جاستاعى باقىت قۋانىشباەۆ پەن 27 جاستاعى الىبەك اقپانبەتوۆ قولعا تۇسكەن. مۇنان كەيىن 26 جاستاعى ارسەن تاڭاتاروۆ تا كۇشتىك قۇرىلىمنىڭ قىراعىلىعىنىڭ ارقاسىندا ۇستالعان. سونىمەن قاتار, ولاردان 5 ماۋسىم كۇنى «پاللادا» دۇكەنىنەن تونالعان 2 قارۋ تاركىلەندى. بۇل تۋرالى رەسپۋبليكالىق انتيتەررورلىق ورتالىق وكىلدەرى حابارلادى.
ايتا كەتەيىك, جاراقات العان قىلمىسكەردىڭ بىرەۋى قازىر اۋرۋحانادا جاتىر. قۇرىقتاۋ وپەراتسياسى تۇندە جۇرگىزىلگەن. قاشىپ جۇرگەن لاڭكەستەر وبلىس ورتالىعىنداعى جامانقۇلوۆ كوشەسىندە ورنالاسقان جاتاقحانادا قولعا تۇسكەن. تۇرعىندار الدىن الا قاۋىپسىز جەرگە شىعارىلدى. ابىروي بولعاندا, ەشكىم زارداپ شەككەن جوق. ۇلتتىق قاۋىپسىزدىك كوميتەتى سايتىنىڭ حابارلاۋىنشا, قازىر تەرگەۋ امالدارى جۇرگىزىلىپ جاتىر.
تالعات رايىمبەك.
دەرەك, فوتو: 24.kz.