ازەربايجان ادامداردىڭ سوقىر بولىپ قالۋ جاعدايلارىمەن كۇرەسۋدىڭ جاڭا ءتاسىلى ومىرگە كەلدى. رەسپۋبليكا ميللي مەدجليسى دەنساۋلىق ساقتاۋ كوميتەتى توراعاسىنىڭ ورىنباسارى يسا گۋليەۆ وسىنى جەتكىزدى.
ونىڭ ايتۋىنشا, بۇگىنگى تاڭداعى ماڭىزدى ماسەلەلەردىڭ ءبىرى كوز اۋرۋلارىنىڭ الدىن الۋ ماقساتىندا كوز قاراشاعىن الماستىرىپ سالۋ بولىپ وتىر. بۇل ءۇشىن ولگەن ادامنىڭ كوزىن پايدالانۋ ۇسىنىلادى.
«ازەربايجاندا قازىرگى تاڭدا وپەراتسيانىڭ ۋاقىتىندا جاسالماۋىنان مىڭداعان ادام كورۋ قابىلەتتەرىنەن ايرىلىپ قالىپ جاتقان شىعار. ءبىزدىڭ كوز اۋرۋلارى ينستيتۋتىندا ونىڭ تۇزەتۋدىڭ بارلىق جاعدايلارى جاسالعان, جاقسى كادرلار دا جەتكىلىكتى. مىنە, ولار ولكەن ادام كوزىنىڭ قاراشىعىن اۋرۋ كىسىگە الماستىرىپ سالىپ بەرە الادى», - دەدى ول.
يسا گۋليەۆ ونداي پراكتيكانىڭ كورشىلەس يران مەملەكەتىندە بار ەكەنىن اۋىزعا الدى. وندا كوز قاراشىعىنىڭ ارنايى بانكى جاسالعان.
«بانك كوز قاراشىقتارىن شەتەلدەرگە دە ساتادى. جانە باعالارى ونشالىقتى قىمبات تا ەمەس. وسىعان بايلانىستى ءبىزدىڭ زاڭناما مەن كەدەن تارتىبىنە ازداعان وزگەرىس ەنگىزۋ كەرەك, سول كەزدە ازەربايجانعا سول جاقتان كوز قاراشىقتارىن ەش كەدەرگىسىز الىپ كەلە الامىز. وسىلايشا مىڭداعان ادامدى سۋ قاراڭعى سوقىر بولىپ قالۋدان ساقتار ەدىك. بۇل – وزەكتى ماسەلە, سوندىقتان مەن ونى كۇن تارتىبىنە ەنگىزۋدى سۇرايمىن», - دەدى دەپۋتات.
تالعات رايىمبەك.
دەرەك: oxu.az.
فوتو: bnews.kz.