2015 جىلعى 23 اقپان,استانا قالاسى
تەڭىزدە, ىشكى سۋ ايدىندارىندا, توتەنشە ەكولوگيالىق جاعداي ايماقتارىندا جانە ەرەكشە قورعالاتىن تابيعي اۋماقتاردا مۇناي وپەراتسيالارىن جۇرگىزۋ قاعيداسىن بەكىتۋ تۋرالى
«جەر قويناۋى جانە جەر قويناۋىن پايدالانۋ تۋرالى» 2010 جىلعى 24 ماۋسىمداعى قازاقستان رەسپۋبليكاسىنىڭ زاڭى 18-بابىنىڭ 11) تارماقشاسىنا سايكەس بۇيىرامىن:
1. قوسا بەرىلىپ وتىرعان تەڭىزدە, ىشكى سۋ ايدىندارىندا, توتەنشە ەكولوگيالىق جاعداي ايماقتارىندا جانە ەرەكشە قورعالاتىن تابيعي اۋماقتاردا مۇناي وپەراتسيالارىن جۇرگىزۋ قاعيداسى بەكىتىلسىن.
2. قازاقستان رەسپۋبليكاسى ەنەرگەتيكا مينيسترلىگىنىڭ مۇناي-گاز كەشەنىندەگى ەكولوگيالىق رەتتەۋ, باقىلاۋ جانە مەملەكەتتىك ينسپەكتسيا كوميتەتى زاڭنامادا بەلگىلەنگەن تارتىپپەن:
1) قازاقستان رەسپۋبليكاسىنىڭ ادىلەت مينيسترلىگىندە وسى بۇيرىقتىڭ مەملەكەتتىك تىركەلۋىن;
2) قازاقستان رەسپۋبليكاسىنىڭ ادىلەت مينيسترلىگىندە ونىڭ مەملەكەتتىك تىركەلگەنىنەن كەيىن كۇنتىزبەلىك ون كۇن ىشىندە وسى بۇيرىقتى رەسمي جاريالاۋعا «ادىلەت» اقپاراتتىق قۇقىقتىق جۇيەسىنە, سونىمەن بىرگە مەرزىمدى باسپا باسىلىمدارىنا جولدانۋىن;
3) وسى بۇيرىقتى قازاقستان رەسپۋبليكاسى ەنەرگەتيكا مينيسترلىگىنىڭ رەسمي ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋىن;
4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ەنەرگەتيكا مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى ەنەرگەتيكا ۆيتسە-مينيسترىنە جۇكتەلسىن.
4. وسى بۇيرىق ونىڭ العاش رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى ەنەرگەتيكا ءمينيسترى ۆ.شكولنيك
«كەلىسىلگەن»
قازاقستان رەسپۋبليكاسى اۋىل شارۋاشىلىعى ءمينيسترى
______________ا. مامىتبەكوۆ
2015 جىلعى 13 ناۋرىز
«كەلىسىلگەن»
قازاقستان رەسپۋبليكاسى ينۆەستيتسيالار جانە دامۋ ءمينيسترى
ء________________ا. يسەكەشەۆ
2015 جىلعى 27 اقپان
قازاقستان رەسپۋبليكاسى ەنەرگەتيكا ءمينيسترىنىڭ
2015 جىلعى 23 اقپانداعى №130 بۇيرىعىمەن بەكىتىلگەن
تەڭىزدە, ىشكى سۋ ايدىندارىندا, توتەنشە ەكولوگيالىق جاعداي ايماقتارىندا جانە
ەرەكشە قورعالاتىن تابيعي اۋماقتاردا مۇناي وپەراتسيالارىن جۇرگىزۋ
قاعيداسى
1. جالپى ەرەجەلەر
1. وسى تەڭىزدە, ىشكى سۋ ايدىنداردا, توتەنشە ەكولوگيالىق جاعداي ايماقتارىندا جانە ەرەكشە قورعالاتىن تابيعي اۋماقتاردا مۇناي وپەراتسيالارىن جۇرگىزۋ قاعيداسى (بۇدان ءارى - قاعيدا) «جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسىنىڭ 2010 جىلعى 24 ماۋسىمداعى زاڭىنا (بۇدان ءارى - زاڭ), قازاقستان رەسپۋبليكاسىنىڭ ەكولوگيالىق كودەكسىنە (بۇدان ءارى - كودەكس) جانە «ەرەكشە قورعالاتىن تابيعي اۋماقتار تۋرالى» قازاقستان رەسپۋبليكاسىنىڭ 2006 جىلعى 7 شىلدەدەگى زاڭىنا سايكەس ازىرلەندى جانە تەڭىزدە, ىشكى سۋ ايدىنداردا, توتەنشە ەكولوگيالىق جاعداي ايماقتارىندا جانە ەرەكشە قورعالاتىن تابيعي اۋماقتاردا مۇناي وپەراتسيالارىن جۇرگىزۋ ءتارتىبىن انىقتايدى.
2. تەڭىز بەن ىشكى سۋ ايدىندارداعى مۇناي وپەراتسيالارى مۇنايدى بارلاۋ, ءوندىرۋ, قاجەتتى تەحنولوگيالىق جانە ىلەسپە وبەكتىلەردى سالۋ جانە (نەمەسە) پايدالانۋ جونىندەگى جۇمىستاردى قامتيدى.
3. كاسپي جانە ارال تەڭىزدەرىنىڭ قازاقستاندىق سەكتورىنداعى جەر قويناۋى ۋچاسكەلەرىندە جانە قازاقستان رەسپۋبليكاسىنىڭ ىشكى سۋ ايدىنداردا, توتەنشە ەكولوگيالىق جاعداي ايماقتارىندا جانە ەرەكشە قورعالاتىن تابيعي اۋماقتاردا مۇناي وپەراتسيالارى بەلگىلى ءبىر تەرەڭدىكپەن شەكتەلۋى مۇمكىن.
2. تەڭىزدە, ىشكى سۋ ايدىنداردا, توتەنشە ەكولوگيالىق جاعداي ايماقتارىندا جانە
ەرەكشە قورعالاتىن تابيعي اۋماقتاردا مۇناي وپەراتسيالارىن جۇرگىزۋ ءتارتىبى
4. تەڭىزدە, ىشكى سۋ ايدىندارىندا, توتەنشە ەكولوگيالىق جاعدايلار ايماقتارىندا جانە ەرەكشە قورعالاتىن تابيعي اۋماقتاردا مۇناي وپەراتسيالارىن جۇرگىزۋ مۇمكىندىگى تۋرالى جالپى رۇقساتتى مەملەكەتتىك ەكولوگيالىق ساراپتاما قورىتىندىسى نەگىزىندە قازاقستان رەسپۋبليكاسى ۇكىمەتىنىڭ ۇسىنۋى بويىنشا قازاقستان رەسپۋبليكاسىنىڭ پرەزيدەنتى بەرەدى.
5. سۋ وبەكتiلەرiندە جانە ولاردىڭ سۋ قورعاۋ ايماقتارىندا جۇمىستاردى جۇرگiزۋ ءتارتiبi قازاقستان رەسپۋبليكاسى سۋ كودەكسىنىڭ 126-بابىنا سايكەس جۇزەگە اسىرىلادى.
6. جوبالاۋ قۇجاتتارىنىڭ كورسەتكىشتەرىن وزگەرتكەن كەزدە جەر قويناۋىن پايدالانۋشى جۇمىس باعدارلاماسىنا ءتيىستى وزگەرىستەر ەنگىزەدى.
جوبالاۋ قۇجاتتارى (ولارعا وزگەرىستەر جانە/نەمەسە تولىقتىرۋلار) جەر قويناۋىن زەردەلەۋ جانە پايدالانۋ جونىندەگى ۋاكىلەتتى ورگان بەكىتكەنگە دەيىن پايدالى قازبالاردى بارلاۋ جانە يگەرۋ جونىندەگى ورتالىق كوميسسيادا قارالادى.
پايدالى قازبالاردى بارلاۋ جانە يگەرۋ جونىندەگى ورتالىق كوميسسيا قارالعان جوبالاۋ قۇجاتتارىن بەكىتۋگە ۇسىنعان كەزدە جەر قويناۋىن زەردەلەۋ جانە پايدالانۋ جونىندەگى ۋاكىلەتتى ورگان جوبالاۋ قۇجاتتارىن بەكىتەدى.
7. جەر قويناۋىن پايدالانۋشى تەڭىزدە مۇناي وپەراتسيالارىن جۇرگىزۋ كەزىندە بۇل وپەراتسيالاردى تەڭىز كەمە قاتىناسىنا, بالىق اۋلاۋعا جانە ادەتتە, زاڭنىڭ 93-بابىنا سايكەس تەڭىزدىڭ ناقتى ۋچاسكەسىندە جۇزەگە اسىرىلاتىن وزگە دە زاڭدى قىزمەتكە كەدەرگى مەن زيان كەلتىرمەيتىندەي ەتىپ جۇزەگە اسىرادى.
تەڭىزدە مۇناي وپەراتسيالارىن جۇزەگە اسىراتىن جەر قويناۋىن پايدالانۋشى زاڭنىڭ 93-بابىنا سايكەس تەڭىزدىڭ لاستانۋىن بولدىرماۋ جونىندەگى ارناۋلى باعدارلامالاردى ازىرلەيدى جانە ولاردى جوبالاۋ قۇجاتتارىنىڭ قۇرامىندا بەكىتەدى.
بۇل باعدارلامالار:
1) جۇرگىزىلەتىن مۇناي وپەراتسيالارىن ىشكى باقىلاۋ;
2) پەرسونالدى وقىتۋ;
3) ۇڭعىمالاردى باقىلاۋعا الۋ, اۆاريالىق جانە وزگە دە قاۋىپتى جاعدايلار تۋىنداعان جانە تەڭىز لاستانعان جاعدايدا قاجەتتى جابدىقتارمەن جانە ماتەريالدارمەن قامتاماسىز ەتۋ;
4) تەڭىزدە اۆاريالاردى جانە ولاردىڭ زارداپتارىن جويۋعا ماماندانعان وزگە دە ۇيىمداردى تارتۋ;
8. قازاقستان رەسپۋبليكاسىنىڭ ۇكىمەتى بەلگىلەگەن كاسپي تەڭىزىنىڭ سولتۇستىك بولىگىندەگى مەملەكەتتىك قورىق ايماعى شەگىندە فۋنكتسيونالدىق ايماققا ءبولۋ نەگىزىندە كودەكستىڭ جانە «ەرەكشە قورعالاتىن تابيعي اۋماقتار تۋرالى» قازاقستان رەسپۋبليكاسىنىڭ 2006 جىلعى 7 شىلدەدەگى زاڭىنىڭ تالاپتارىنا سايكەس شارۋاشىلىق نەمەسە وزگە قىزمەتكە تولىق تىيىم سالىنعان جانە جۇمىستاردىڭ جەكەلەنگەن تۇرلەرىن جۇرگىزۋگە قوسىمشا ۋاقىتشا شەكتەۋلەر سالىنعان قورىقتىق ۋچاسكەلەر بولىنەدى.
كەن ورىندارىن پايدالانعان كەزدە كاسپي تەڭىزدىڭ سولتۇستىك بولىگىندەگى مەملەكەتتىك قورىق ايماعىندا مۇناي تاسىمالداۋ قازاقستان رەسپۋبليكاسىنىڭ ەكولوگيالىق زاڭناماسىندا بەلگىلەنگەن تالاپتار ساقتالعان جاعدايدا قۇبىر جولدار ارقىلى جۇزەگە اسىرىلادى.
9. توتەنشە ەكولوگيالىق جاعداي ايماقتارىندا مۇناي وپەراتسيالارىن جۇرگىزۋ كودەكستىڭ 176-بابىندا بەلگىلەنگەن قۇقىقتىق رەجيمدى ساقتاۋمەن جۇزەگە اسىرىلادى.
10. جەر قويناۋىن پايدالانۋشىلارمەن تەڭىزدەگى, ىشكى سۋ ايدىندارداعى, توتەنشە ەكولوگيالىق جاعداي ايماقتارىنداعى جانە ەرەكشە قورعالاتىن تابيعي اۋماقتارداعى مۇناي وپەراتسيالارى زاڭنىڭ 19-بابىنىڭ 5) تارماقشاسىنا سايكەس بەكىتىلەتىن پايدالى قازبالاردى بارلاۋ مەن ءوندىرۋ كەزىندە جەر قويناۋىن ۇتىمدى جانە كەشەندى پايدالانۋ جونىندەگى تالاپتارىنا سايكەس جۇرگىزىلەدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 17 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10756 بولىپ ەنگىزىلدى.