ارنايى وپەراتسيا كەشە, 9-نان 10-نا قاراعان ماۋسىم كۇنى «پانتەرا» دۇكەنىنىڭ ماڭىندا بولدى. قۇقىق قورعاۋشىلار ى.التىنسارين كوشەسىن جانقوجا باتىرعا دەيىنگى ارالىقتى قورشاۋعا الدى. كۋاگەرلەردىڭ ايتۋىنشا, مىلتىق داۋىسى تۇنگى ساعات 02:00 شاماسىندا ەستىلگەن. ال رەسمي ەمەس مالىمەتتەر سۇيەنسەك, اسكەريلەر ارنايى وپەراتسيانى قارۋ-جاراق ساتاتىن «پاتەرا» جانە «وتىرار» دۇكەندەرىنىڭ ماڭىندا جۇرگىزگەن. مۇنداعى كوپقاباتتى ءۇيدىڭ تۇرعىندارى قاۋىپسىز جەرگە كوشىرىلىپ, جەكە ۇيلەردىڭ ادامدارىنا سىرتقا شىقپاۋ تاپسىرىلدى.
ازىرگە شابۋىل جاساعان لاڭكەستەردىڭ ناقتى سانى انىقتالعان جوق. ارنايى وپەراتسيا تاڭعا دەيىن جالعاسقان. تۇرعىندار مىلتىق داۋىسىن ازاڭعى ساعات 08:00 شاماسىندا ەستىگەن.
«قازىر لاڭكەستەردى قۇرىقتاۋ شارالارى جالعاسۋدا. ولار قارسىلىق تانىتۋدا. وقيعاعا بايلانىستى قوسىمشا اقپاراتتاردى تاعى دا جاريالايتىن بولامىز», – دەيدى ۇقك رەسمي سايتىندا.
تالعات رايىمبەك.
دەرەك, فوتو: diapazon.kz.