باس رەداكتورلار كلۋبى ەۋرازيالىق توپتىڭ (ERG) قولداۋىمەن قازاق ءتىلدى جۋرناليستەر اراسىندا وتكىزىلەتىن ءداستۇرلى VI «التىن قالام» بايقاۋى جاريالانعانى تۋرالى حابارلايدى.
بايقاۋعا رەسپۋبليكالىق جانە وڭىرلىك باسىلىمداردىڭ, تەلەديدار, راديو جانە ينتەرنەت باسىلىمدارىنىڭ جۋرناليستەرى قاتىسا الادى.
بايقاۋدىڭ ماقساتى – قاراپايىم ەڭبەك ادامدارىن بۇگىنگى بەيبىت زاماننىڭ قاھارماندارى رەتىندە ۇلگى ەتىپ, ناسيحاتتاۋ. مانساپتىق جوعارىلاۋعا ءوز ەڭبەگىمەن قول جەتكىزگەن, ىسكەر دە بىلىكتى مامانداردىڭ تاجىريبەسىن جۇرتقا تانىستىرۋ. جۇمىسشى ماماندىقتارىن ناسيحاتتاۋ.
بايقاۋ قورىتىندىسى مەن جەڭىمپازداردى ماراپاتتاۋ ءراسىمى 2016 جىلعى شىلدەدە مەتاللۋرگتەر كۇنىنىڭ قارساڭىندا وتەدى.
بايقاۋعا قاتىساتىن ماتەريالدارعا قويىلاتىن تالاپتار:
* بايقاۋعا قاتىساتىن ماقالالار مەن ۆيدەو-اۋديو ماتەريالدار ءوندىرىستەگى ەڭبەك ادامدارى, ەۋرازيالىق توپ كاسىپورىندارىنداعى جۇمىسشى ماماندىقتار تۋرالى بولۋى شارت (جانرعا شەكتەۋ جوق).
*ماقالالار مەن اۋديو-ۆيدەو ماتەريالدار 2016 جىلعى 1 ناۋرىز بەن 30 ماۋسىم ارالىعىندا جاريالانۋى ءتيىس. ماتەريالدار «التىن قالام» بايقاۋىنا» دەگەن بەلگىمەن 2016 جىلعى 30 ماۋسىمعا دەيىن جولدانادى (مەرزىمدى ءباسپاسوز ماتەريالدارى جارىق كورگەن باسىلىم تۇپنۇسقاسىمەن بىرگە, باسىلىم اتاۋى, جارىق كورگەن ۋاقىتى, اۆتوردىڭ ءوزى تۋرالى مالىمەتتەر تولىق كورسەتىلۋى كەرەك; ەلەكتروندى باق ءۇشىن – اۋديو-ۆيدەو ماتەريالدار, جاريالانىم مەن اۆتور تۋرالى مالىمەتتەردى قامتيتىن ەفيرلىك انىقتامامەن بىرگە جىبەرىلۋى شارت; ينتەرنەت-باسىلىمدارى ءۇشىن – ماتەريالدىڭ سكرينشوتى, جاريالانعان مەرزىمى مەن ونىڭ ينتەرنەتتەگى دەرەك كوزىنە سىلتەمە قوسا جىبەرىلۋى كەرەك).
* ءۇش ماتەريالدان از بولماۋى كەرەك (تۇپنۇسقالار), اۋديو-ۆيدەو ماتەريالدار (ەلەكتروندى تاسىمالداعىش قۇرالدا);
* ماتەريالدار 2016 جىلعى 30 ماۋسىمعا دەيىن قابىلدانادى;
*ماقالا/سيۋجەت كولەمىنە شەكتەۋ قويىلمايدى;
* ماتەريالدار وڭدەلمەيدى جانە قايتارىلمايدى;
بايقاۋ ماتەريالدارىن باعالاۋ شارتتارى:
كونكۋرستىق كوميسسيا ماتەريالداردى باعالاۋ بارىسىندا تومەندەگى تالاپ-شارتتارعا جۇگىنەدى:
* ساراپتاما ء(جۋرناليستىڭ ءوز بەتىنشە ساراپتاۋ قابىلەتى نازارعا الىنادى).
* جان-جاقتىلىق (قوعامدىق ماسەلەلەردى ۇتىمدى جەتكىزە ءبىلۋ, ەڭبەك ادامىنىڭ تاجىريبەسى مەن جەتىستىكتەرىن, جان-جاقتى قىرىنان اشا ءبىلۋ).
* كاسىبيلىك (مالىمەتتەردى وقىرمانعا قىزىقتى ءارى ناقتى ەتىپ جەتكىزە ءبىلۋ شەبەرلىگى, قوعامدىق ماسەلەلەردەن جان-جاقتى ساۋاتتىلىعى).
جۇلدە قورى
بايقاۋدىڭ جۇلدە قورى – 2 ملن. تەڭگە.
بايقاۋدىڭ قورىتىندىسىنا سايكەس كوميسسيا جەڭىمپازداردى تومەندەگى اتالىمدار بويىنشا انىقتايدى:
1-ورىن «ۇزدىك ماقالا/سيۋجەت» (2 جەڭىمپاز, 1-مەرزىمدى ءباسپاسوز, 1-ەلەكتروندى باق)
جەڭىمپازداردىڭ ارقايسىسىنا – 500 000 تەڭگە.
2-ورىن «ۇزدىك ماقالا/سيۋجەت» (2 جەڭىمپاز, 1-مەرزىمدى ءباسپاسوز, 1-ەلەكتروندى باق)
جەڭىمپازداردىڭ ارقايسىسىنا – 300 000 تەڭگە.
3-ورىن «ۇزدىك ماقالا/سيۋجەت» (2 جەڭىمپاز, 1-مەرزىمدى ءباسپاسوز, 1-ەلەكتروندى باق)
جەڭىمپازداردىڭ ارقايسىسىنا – 200 000 تەڭگە.
بايقاۋعا قاتىسۋعا نيەتتى باق وكىلدەرى ماتەريالدارىن «بايقاۋعا» بەلگىسىمەن مىنا مەكەنجايعا جىبەرۋ كەرەك: استانا ق., سەيفۋللين كوشەسى, 31 ءۇي, 204 كاب. («جەتىنشى ارنا» عيماراتى).
بايقاۋدىڭ ەرەجەلەرى مەن تالاپتارى تۋرالى تولىمدى اقپارات ۇيىمداستىرۋشىلاردىڭ www.kgr.kz جانە www.erg.kz رەسمي سايتتارىندا جاريالانعان.