ازيادا الامانى

استانا مەن الماتىدا VII قىسقى ازيا ويىندارىنىڭ جارىستارى ءوتىپ جاتىر

وتانداستار ولجاسى

استانادا الاۋى تۇتانعان  اق  ازيادانىڭ جارىستارى قوس قالا­مىزدا دۇرىلدەپ ءوتىپ جاتىر. كەشە كەشكىسىن ەلوردا جۇرتشىلىعى مەن قالا قوناقتارى  «قازاقستان» سپورت سارايىندا شايبالى حوككەيدەن ەرلەر اراسىنداعى  قازاق­ستان مەن  قى­تاي قۇراما كوماندا­لارى ارا­سىن­­داعى كەزدەسۋدى تاما­شا­لادى. وتان­داس­تارىمىز    قار­سى­­لاس­تارىن 14:1 ەسەبىمەن وي­سىرا­تا ۇتىپ, جان­كۇيەر­لەرگە تاماشا جەڭىس سىيلادى. قىسقى  ازيادانىڭ اياسىنداعى بۇل حوككەي ماتچىنا  ەلباسى  نۇرسۇل­تان  نازارباەۆ كەلدى. ءپاتريوتيزمدى كۇشەيتىپ, ادام­دى رۋحتاندىراتىن نارسە ءىرى سپورتتىق جارىستاردا ولجا سالۋ ەكەنى بەلگىلى. ال سونداي ءدۇبىرلى دودا ءوز جەرىڭدە ءوتىپ جاتسا شە.  وندا ونىڭ سالماعى تىپتەن ارتا تۇسپەك. ەلىمىزدە بايراعى كوتەرىل­گەن قىس­قى  ازيا ويىندارىنداعى ءاربىر جەڭىس ەلگە, جەرگە دەگەن وتانشىل­دىق رۋحىن تىپتەن كوتەرە تۇسەرىنە كۇمان جوق. سونىڭ ىشىندە قىسقى ويىنداردىڭ پاتشاسى سانالاتىن شايبالى حوككەيدىڭ ورنى تىپتەن ەرەكشە. سپورت جانا­شىرلارى ارا­سىن­دا الدەقاشان مو­يىندالعان بۇل ويىننىڭ جان­كۇيەرلەرى كوپ بولاتىنى سوندىق­تان زاڭدىلىق تا. مۇنىڭ دالەلىن الىستان ىزدە­مەي-اق, جوعارىدا اتالعان كەزدەسۋگە كەلگەن ءيىن تىرەسكەن جۇرتشى­لىقتى ايتساق تا جەتىپ جاتىر. ەندى ويىن بارىسىنا كەلەيىك. كەزدەسۋدىڭ العاشقى كەزەڭىنەن ۇلت­تىق قۇراما قارقىندى شا­بۋىل­دارىمەن جانكۇيەرلەرىن جەلپىندىرۋمەن بولدى. ويىننىڭ العاشقى ءۇشىنشى مينوتىندە-اق  ۆاديم  كرا­س­­نو­سلوبودتسەۆ العاشقى شايبانى قوناقتار قاقپاسىنا ءدال باعىتتاسا, ونىڭ كوماندالاسى  رومان  ستارچەنكو  كوپ  ۇزاماي ەكىنشى شايبا­نىڭ اۆتورى اتاندى. بۇل جەڭىستى جول العاشقى اينالىمدا ەسەپتى 4:0-گە جەتكىزۋمەن اياقتالدى. ەۆگەني  رىمارەۆ پەن الەكسەي  ۆا­سيل­چەنكونىڭ    سوققان  قوس شايبا­سى وسى كەزەڭدى قورىتىندىلادى. ەكىنشى اينالىمدا قوناقتار شيراق قيمىلداۋعا بارىن سالا كىرىسىپ كەتتى. ولاردىڭ وسىلاي ويىن ءور­نەگىن كورسەتۋى جەرلەستەرىمىزگە وسى كەزەڭنىڭ 10 ءمينوتى وتكەنشە شايبا سالۋعا مۇمكىندىك بەرمەدى. قاقپا الدىندا قاربالاس شابۋىل­دار ورىن الدى وسى تۇستا. قىزىعى مەن قيىن­دىعى قاتار ءجۇرىپ, جان­كۇيەرلەردى بىردە جەلپىندىرسە, ەندى بىردە جۇرە­گىن سىزداتاتىپ اتتەگەن-اي دەگىزەتىن حوككەي سپورتى كومان­دالىق ويىن بول­عاندىقتان, ەشكىم­نىڭ دە ناشار وي­ناۋعا قاقىسى جوق. ءويت­كەنى, ءبىردىڭ جىبەرگەن قاتەلىگى ءبارى­نە ءتيىپ كەتۋى ابدەن مۇمكىن. ال جەڭىس بولسا, ءبارى­مىزگە ورتاق. سوندىقتان دا كوماندا­نىڭ ءدۇبىر­لى سىندا بارىن سالىپ, قاتەلىك­تەرگە بوي الدىرىپ الماۋى قا­زىرگى تاڭدا باستى نازاردا تۇر­عانى ايتپاسا دا تۇسىنىكتى. وتانداس­تارى­مىزدىڭ ءوز­دەرى­نىڭ العا قوي­عان تەك قانا جەڭىس دەگەن جىگەرلى ماقسات­تارى­نىڭ ارقا­س­ىندا وسى كەزەڭنىڭ اياق­تالۋىن التى ءمينوت قالعاندا  رومان  ستار­چەنكونىڭ ءوزىنىڭ كوماندالاس ات­تاسى  رومان  ساۆچەنكودان ال­عان پاسىن قىتاي­لىقتار قاقپا­سىنا ءبىر-اق سالدى.  ىلە بۇل جەڭىستى جولدى  ەۆگەني  فادەەۆ ادەمى جالعاستىر­دى. ەسەپ – 6:0.  وسى اينالىم بىتۋگە تاياعان تۇستا  الەكسەي  ليتۆينەنكو ەسەپتى تاعى ءبىر ەسەلەپ, كورەر­مەندەر ىقىلاسىنا بولەندى. ءسوي­تىپ, بۇل كە­زەڭ دە قازاقستاندىق حوككەيشىلەر پاي­داسىنا 7:0 دەگەن ەسەپپەن تىركەلدى. ءۇشىنشى كەزەڭنىڭ باسى الما-كەزەك شابۋىلدارمەن ۇدەي ءتۇستى. سپورت سارايىنىڭ ىشىندەگى جان­كۇيەر جۇرتتىڭ  «شايبا!, شايبا!, قازاقستان العا!» دەگەن داۋىس­تارى­نان قۇلاق تۇنىپ قالدى.  بۇل ادەمى ويىن ورنەگىن كورسەتىپ جات­قان وتان­داستارىمىز تۇرماق, جيىلعان جۇرت­تىڭ بارلىعىن دا رۋحتان­دىرۋ­مەن بولدى. قولدارى­نا  قازاقستان جا­لاۋىن ۇستاعان جاس­تار جاعىنىڭ جالىندى ۇران­دارى جەرلەستەرىمىز جىگەرىن جاني تۇسكەندەي. شەشۋشى ۋاقىتتىڭ تارتىستى دا, قىزىقتى وتەتىنى بەلگىلى عوي. مۇنداعى ەكى جاقتىڭ دا جانتا­لاسىن ابدەن تۇسىنۋگە بولاتىن سياقتى. ءبىزدىڭ قۇراما تاعى دا ەكى شايبانى قارسىلاس كومانداعا ءدال باعىتتاپ, ەسەپتى 9:0-گە جەتكىزدى. اشۋعا بۋلىققان قارسىلاستارى­مىز قارقىندى شابۋىل جاسادى. وسى تۇستا قىتاي قۇراماسىنىڭ ويىنشىسى ۋانك ءبىزدىڭ قاقپاشى­نىڭ وسال تۇسىن تاۋىپ, ەسەپتى 9:1-گە جەتكىزدى. وسىدان كەيىن ولار كوبىنە قورعانىسقا قاراي ىعىسا باستادى. ساسقانى ما, الدە شىن قۋانعانى ما, كوماندا مۇشە­لەرى­نىڭ جۇزدەرىنە كۇلكى ءۇيىرىلىپ, ءو­ز­دەرىنە دەگەن ريزالىق سەزىمدەرىن كورسەتكەندەي بولدى. تاعى دا قار­بالاس ءسات. كىم وڭاي جەڭىلگىسى كەلەدى دەيسىڭ. ونىڭ ۇستىنە ميللياردتان استام جان­كۇيەر ەلىندە تاقى­مىن قىسىپ وتىر­عانىن ەسكەرسەك, ولاردىڭ دا جانتالاسىپ جاتقان­دىقتارىن ءتۇسى­نۋ­گە بولاتىن سەكىلدى. سوڭعى اينالىمداعى بۇل تار­تىستى شابۋىلداردا تالعات جاي­لاۋ­وۆ قارسىلاستار قاقپاسىنا ونىن­شى شايبانى ءدال باعىتتاسا, ون ەكىنشى جانە ون ءۇشىنشى شاي­بالار­دى ستارچەنكو مەن گاۆريلين قى­تاي­لىقتار قاقپاسىنا وڭاي با­عىت­تاپ ۇلگەردى. ويىن اياقتا­لارعا ءبىر ءمينوت قالعانداعى فادەەۆتىڭ ەرلىگىن جان­كۇيەرلەر سۇيسىنە باعالادى.  ءسويتىپ, 14:1 ەسەبىمەن قازاقستان قۇراماسى بۇل كەزدەسۋدى ءساتتى اياق­تاپ, جەرلەستەرىنە جەڭىس سىيلادى. بۇگىن بۇيىرتسا, ەلىمىز قۇرا­ماسى تايپەي  قۇراما كومانداسى­مەن  شەبەرلىك بايقاسادى. بۇل سىن­دا دا وتانداستارىمىز نامىس­تى قول­دان بەرمەيدى دەگەن سەنىمدەمىز. وسى كۇنى جاپونيا مەن قى­تايلىق تايپەي كومانداسىن 18:0, قىرعىزستان مالايزيانى 23:2 ەسەبىمەن جەڭسە, تايلاند پەن كۋۆەيت اراسىنداعى كەزدەسۋ 5:3 ەسەبىمەن اياقتالدى. ءابدىراحمان قىدىربەك.