قىستىڭ قاھارلى كۇندەرىن جان جادىراتاتىن يگىلىكتى باستامالار جىلىتىپ, مۇناي وندىرۋمەن اينالىساتىن كومپانيانىڭ كومەگى ەلەڭ ەتكىزدى. ناتيجەسىندە وتكەن جىلعى سۋ تاسقىنىنان زارداپ شەككەن اقسۋ اۋدانىنا «نورت كاسپيان وپەرەيتينگ» كومپانياسى ۇجىمى 10 «گازەل» اۆتوكولىگىن سالتاناتتى تۇردە تاپسىردى. قايىرىمدىلىق شارادا اتالعان كومپانيا ديرەكتورى پەر دەلپون جاڭا اۆتوكولىكتەردىڭ شالعاي ەلدى مەكەندەردەگى تۇرعىندارعا دارىگەرلىك كومەك كورسەتۋ مەن وقۋشىلاردى مەكتەپكە تاسىمالداۋعا بەرىلگەنىن ايتتى.
ۇجىم قايىرىمدىلىق پەن دەمەۋشىلىك باعدارلاماسىمەن ەلىمىزدەگى – ءبىلىم بەرۋ, دەنساۋلىق ساقتاۋ, مادەنيەت, سپورت جانە باسقا دا سالالاردى قامتىعان. تەك قىزىلاعاشقا 30 ملن. تەڭگەنىڭ اۆتوكولىكتەرى بەرىلسە, تاسقىننان زارداپ شەككەن اقتوعان, ەگىنسۋ ەلدى مەكەندەرىندەگى ءبىلىم شاڭىراقتارىنداعى شاكىرتتەرگە 500-دەن استام قىسقى جانە سپورتتىق كيىمدەر سىيلاپ, ءبۇلدىرشىندەرگە سىيلىق جاسادى.
كۇمىسجان بايجان.
الماتى وبلىسى.