دجەيمس كۋك كەمەسىنىڭ قاڭقاسى

امەريكا جاعالاۋىنان تابىلدى اعىلشىننىڭ اتاقتى تەڭىزشىسى, كارتوگرافى جانە جاڭا جەرلەر اشۋشى-زەرتتەۋشىسى دجەيمس كۋكتىڭ «يندەۆور» كەمەسىنىڭ قاڭقاسى تابىلدى. داڭقتى كاپيتان 1770 جىلى اۆستراليا قۇرلىعىن اشقاننان كەيىن امەريكاعا بەتتەگەن ەكەن. بۇدان ءۇش عاسىرعا جۋىق ۋا­قىت بۇرىن مۇحيت ايدىنىندا سايران سالعان كورابلدىڭ قال­دىقتارىن Rhode Island Marine Archeology Project (RIMP) اتتى كوممەرتسيالىق ەمەس ۇيىم قىز­مەتكەرلەرى اقش-تىڭ رود-اي­لەند شتاتىنداعى نيۋ­پورت قالا­سىنا جاقىن جەردەن كەزىك­تىرگەن. RIMP اتقارۋشى ديرەكتورى كەتي ابباسستىڭ ايتۋىنشا, كۋك ەكسپەديتسياسىنان كەيىن «يندەۆورعا» «لورد سەندۆيچ» دە­گەن جاڭا اتاۋ بەرىلگەن. ۇيىم مۇشەلەرى 1778 جىلى رود-ايلەندكە شابۋىل جاساۋ قارساڭىندا نارراگانسەتت بۇعازىن بلوكاداعا الۋ كەزىندە بريتانيالىقتار كورابلدى تاعى 12 كەمەمەن بىرگە سۋعا باتىرىپ جىبەرگەن دەگەن بولجامدى العا تارتادى. قازىر ولار سۋ كولىگىنىڭ توعىز جەرىنەن جارىلعانىن ايتادى. ءبىرىنشى تالپىنىستا بىردەن بەس كەمە سۋعا باتىرىلعان. سولاردىڭ اراسىندا«لورد سەندۆيچ» تە بولعان. «نيۋپورتتا رەۆوليۋتسيا كە­زىندە سۋعا باتىرىلعان بارلىق 13 كەمەنىڭ دە امەريكا تاريحىندا الاتىن ورنى زور», – دەپ ەسەپتەيدى زەرتتەۋشىلەر. قازىر ولار كەمەلەر مەن ولاردىڭ باتىرىلعان جەرلەرىن مۇقيات تەكسەرىپ شىعىپ, بۇلاردىڭ ناقتى قايسىسى «يندەۆورعا» تيە­سىلى ەكەنىن انىقتاعالى وتىر.  رۋسلان يگىلىك