مەملەكەتتىك قىزمەت ىستەرى جونىندەگى وبلىستىق دەپارتامەنت شەنەۋنىكتەردىڭ بۇرىن ءىستى بولعان ادامدى قىزمەتكە قابىلداعان ءىس-ارەكەتىنە ءوز باعاسىن بەردى.
قۇرىلىمنىڭ ادەپ جونىندەگى وتىرىسىندا م.جۇماباەۆ اۋدانىنىڭ اكىمى اسقار بەگمانوۆتىڭ جەمقورلىقتىڭ الدىن الۋ, مەملەكەتتىك قىزمەتشىلەردىڭ ءتارتىبىن نىعايتۋ باعىتىندا اتقارىلىپ جاتقان شارالار جايلى حابارلاماسى تىڭدالىپ, ولقىلىقتاردى جويۋ ءمىندەتتەلدى. ەكى جىل ىشىندە اۋداندا لاۋازىمدى تۇلعالار تاراپىنان 427 زاڭ بۇزۋشىلىقتىڭ تىركەلگەنى بەلگىلى بولدى.
سولاردىڭ ءبىرى – وبلىستىق مادەنيەت باسقارماسىنىڭ بۇرىنعى باسشىسى تالعات اقىلبەكوۆتىڭ سىبايلاس جەمقورلىققا جول بەرىپ, اباقتىدا وتىرعانىنا قاراماستان, حالىق شىعارماشىلىعى ورتالىعىنىڭ جەتەكشىسى بولىپ ورنالاسۋى. مۇنداي بارماق باستى, كوز قىستى ارەكەت گازەتتە لاۋازىمدىق قىزمەتكە تاعايىنداۋ تۋرالى كونكۋرس جاريالانعاننان كەيىن جۇرگىزىلگەن تەكسەرىس بارىسىندا اشكەرەلەنگەن. وسىلايشا سوت شەشىمىمەن «مەملەكەتتىك قىزمەت تۋرالى» زاڭ تالاپتارىن ورەسكەل بۇرمالاعان اۋداندىق مادەنيەت جانە تىلدەردى دامىتۋ ءبولىمىنىڭ مەڭگەرۋشىسى تامارا گريبوۆاعا 100 ايلىق ەسەپتىك كورسەتكىش كولەمىندە ايىپپۇل سالىنعان.
تالقىلاۋ بارىسىندا ونىڭ زاڭعا قايشى ارەكەتتەرى موينىنا قويىلىپ, بەتىنە باسىلدى.
باقىت رامازان,
جۋرناليست
سولتۇستىك قازاقستان وبلىسى