اعايىندى سيقىرشىلار

ەكى جىگىت ساحناعا شىقتى دا, الدىمەن ۇستارانىڭ ءجۇزىن كو­رەر­مەندەرگە ۇستاتىپ, قاعاز ءتىلىپ كورسەتتى. سونان كەيىن ونىڭ بىرنەشەۋىن شىقىرلاتىپ جەپ قويدى, ارتىنان اۋزىنا ءجىپ سالىپ جىبەرىپ, الگىلەردى ءتىزىپ شىعاردى. بۇل كورىنىس نەشە رەت كورسە دە, كورەرمەننىڭ دەنەسىن تىتىركەندىرەدى, تاڭعالدىرادى. وسىنداي ءتۇرلى كورىنىستەرمەن ءبىر ساتتە كوپتىڭ كوڭىلىن الۋان ءتۇرلى قۇبىلتاتىن سيقىرشىلار تورەحان جۇمانوۆ پەن اسان تايىراليەۆتىڭ ەسىمدەرىن قازىر قوستاناي جۇرتشىلىعى جاقسى ءبىلىپ قالدى. جاپ-جاس بالالاردىڭ وسى ونەرمەن اينالىسا باستاعانىنا بەس جىلداي ۋاقىت بولدى. بۇگىندە تورەحاننىڭ جاسى 21-دە بولسا, اسان 16-عا ەندى تولدى. جاستىعىنا قاراماستان, ولار الماتى, استانا قالالارى مەن رەسەي ساحنالارىندا ونەر كورسەتىپ ۇلگەردى. سيقىر الەمىنىڭ جۇلدىزى سانالاتىن اعايىندى سافرونوۆتارمەن, كومەديالىق اكتريسا مارينا فەدۋن­كيۆپەن ءبىر ساحنادا ونەر كورسەتتى. ەڭ قىزىعى, سيقىرشىلىقتى ەكى جاسقا ەش­كىم ۇيرەتكەن جوق, ولار ءتۇرلى ادە­بيەتتەن, ينتەرنەتتەن وزدەرى ىزدەنىپ, مەڭگەرگەن. – ءبىز اتاقتى سيقىرشىلار باس قوسقان جيىندارعا بارىپ تۇرامىز. ولارمەن بىرگە ساح­ناعا شىعامىز. نەگىزىنەن, سيقىر­شىلىقتىڭ سىرىن اشاتىن ادە­بيەتتەردەن ۇيرەنىپ, ءوزىمىز جات­تىقتىق. سيقىرشىلىق ءتۇر-تۇرگە بولىنەدى. ءبىز سونىڭ ءار تۇرىنە ماشىقتانىپ كەلەمىز, – دەيدى اسان تايىراليەۆ. قوس جىگىت سيقىرشىلىق ونەردى ءومىر, تۇرمىس سالتىنا اي­نال­دىرىپتى. بىراق وزدەرى باسقا ماماندىق العىسى كەلەدى. اسان قوستاناي ەكونوميكالىق كوللەدجىندە وقيدى, تورەحان كوللەدج ءبىتىرىپ, جۇمىس ىستەيدى. سيقىرشىلىق – بىزدە اسا دامىپ كەتپەگەن ونەر. قوستاناي وڭىرىندە وسى كەزگە دەيىن بۇل ونەرمەن ساحناعا شىققان ەشكىم بولا قويعان جوق. بۇل ونەر ۇزاق جاتتىعۋدى, ەڭبەكتى قاجەت ەتەدى. سيقىرشىلار الداعى ۋاقىتتا شەبەرلىگىن دامىتىپ, ۇلكەن ساحنالارعا شىعۋدى ماقسات تۇتىپ ءجۇر. ولار بوس ۋاقىتتارىندا ىزدەنىستەن جالىقپايدى. ءنازيرا جارىمبەتوۆا, «ەگەمەن قازاقستان» قوستاناي