ءVىى قىسقى ازيا ويىندارىنىڭ استانا مەن الماتىدا ءوتۋى ەل ومىرىندەگى ەلەۋلى جاڭالىق. ونىڭ ۇستىنە ءتورت جىلدا وتەتىن ءدۇبىرلى جارىس ازيا ەلدەرى ىشىندە تۇڭعىش رەت تاۋەلسىزدىكتىڭ 20 جىلدىعىن اتاعالى وتىرعان قازاقستاندا بولۋى كەز كەلگەن وتانداسىمىزدى قۋانىشقا بولەيتىنى ءسوزسىز. ازيا ويىندارىنىڭ سالتاناتتى اشىلۋىنا جاسىم 74-تەن اسىپ كەتسە دە كىندىك قانىم تامعان لۋگوۆويدان ارنايى كەلدىم.
بۇكىل قازاقستاندىقتار جانە شەتەلدىكتەر ازيادانىڭ سالتاناتتى اشىلۋىن ءوز كوزدەرىمەن كورىپ, ەرەكشە تەبىرەنگەنى ءسوزسىز. ەلىمىزدىڭ كەشەگىسى مەن بۇگىنگىسىنەن تەرەڭ سىر شەرتەتىن ساحنالىق كورىنىس ەرەكشە اسەرلى ءوتتى. ءتىپتى, بۇل كورىنىستەن ەلىمىزدىڭ نەبارى 20 جىل ىشىندە تالاي اسۋلار مەن بەلەستەردەن وتكەنىن اڭعارتسا كەرەك. مەن دە ازيا ويىندارىنىڭ اشىلۋ سالتاناتى كەزىندە ەرەكشە تەبىرەندىم, كەلەشەكتە دە قازاقستاننىڭ اتاق-داڭقىنىڭ اسقاقتاي بەرەتىنىنە كوز جەتكىزدىم. دەمەك, ءوز جەرىمىزدە ءوتىپ وتىرعان ازيادا دا كوماندالىق ەسەپتە العاشقى ءۇشتىكتەن كورىنسەك, ابىروي بولار ەدى.
ەلباسى ن.نازارباەۆتىڭ اشىلۋ سالتاناتىندا سويلەگەن ءسوزدەرى تاۋەلسىز قازاقستاننىڭ الار اسۋلارىنىڭ ءالى بيىك ەكەنىن اڭعارتسا كەرەك. ەڭ سوڭىندا جەتى بىردەي ايتۋلى ازاماتتارىمىزدىڭ ازيا ويىندارىنىڭ الاۋىن جاققانى قانداي اسەرلى بولدى دەسەڭىزشى. جەتى تسيفرى جامباسىمىزعا وڭ كەلەدى. دەمەك, ۇشتىكتى قويىپ, كوماندالىق ەسەپتە توپ جارساق, ايىپ ەمەس شىعار. ەرماحان – مەنىڭ جەتىنشى بالام. اناسى ەكەۋمىز 10 بالانى تاربيەلەپ, وسىردىك. الاۋ جاققان ەرماحانىمنىڭ ءىزباسارلارى بولاشاقتا دا كوبەيە بەرسە دەگەن ويدامىن.
ساعي ىبىرايىموۆ, بوكستان سيدنەي وليمپياداسىنىڭ چەمپيونى ەرماحان ىبىرايىموۆتىڭ اكەسى.
سۋرەتتە: ساعي اقساقال ازيادانىڭ اشىلۋ سالتاناتىن تاماشالاپ وتىر.