ەلوردادا «مادەني ازيادا» باعدارلاماسى اياسىندا – «سارىارقا» ساۋدا ورتالىعىندا سپورتتىق تاۋارلار مەن كادەسىي ونىمدەرىنىڭ كورمە-جارمەڭكەسى ۇيىمداستىرىلۋدا.
ونى تاماشالاۋشى جۇرتشىلىق سپورتتىق كيىم ۇلگىسىنىڭ سان تۇرىمەن تانىسىپ, ول جايىندا ارنايى مامان-ساتۋشىلاردان كەڭەس الۋدا. «ازيا سپورت» دۇكەنىنىڭ ساتۋشىسى, كورمەگە كادەسىيلارمەن كەلگەن سەرىك ماتاەۆ ەلىمىزدە بايراعى كوتەرىلگەن قىسقى ازيا ويىندارى وتاندىق سپورتشىلارعا تىڭ سەرپىن بەرەدى دەگەن سەنىمدە ەكەنىن ايتا كەلە, بۇل ءوتىپ جاتقان شارا اق ازياداعا دەگەن ەل قۇرمەتىنىڭ بەلگىسى ەكەنىن جەتكىزدى.
ازياداعا ارنالعان اتالمىش شارادا كەلگەن قوناقتارعا قولدارىنان كەلگەنشە قولعابىس جاساپ ەلگەزەكتىك تانىتىپ جۇرگەن ەرىكتىلەردى دە جولىقتىردىق. وزدەرىن ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتتەرىمىز دەپ تانىستىرعان گۇلجيھان وزدەنباەۆا مەن زارينا اساباەۆا ەلىمىزدىڭ ابىرويىن كوتەرەتىن ءدۇبىرلى دودادا قىزمەت كورسەتۋ ۇلكەن باقىت دەيدى ك ۇلىمسىرەگەن قالىپتارى. بۇلارعا بولىنگەن جۇمىس ازياداعا ارنالعان ءتۇرلى مادەني شارالاردىڭ باسى-قاسىندا بولىپ, وعان كەلۋشى جۇرتقا جول كورسەتۋ ەكەن. ءبىز ولاردىڭ ءوز مىندەتتەرىن ءمىنسىز اتقارىپ ءجۇرگەندەرىنىڭ كۋاسى بولدىق. وسى رەتتە جان-تاندەرىمەن بەرىلە جۇمىس جاساپ جۇرگەن ەرىكتىلەرگە ەرىكسىز ريزا بولاسىڭ.
«مادەني ازيادا» شەڭبەرىندە وتكىزىلىپ جاتقان بۇل شارا 10 اقپانعا دەيىن جالعاسپاق.
ءابدىراحمان قىدىربەك.