جاۋاپكەرشىلىك. تۇسىنىستىك. جەدەلدىك.

استانا قالاسى ءباسپاسوز ور­تا­لىقتارىنىڭ جۇمىس­ىن ۇيلەس­تىرۋشى مەدەۋ قار­ساق­باەۆ­پەن اڭگىمە. – استانا قالاسىنىڭ ازيا­داعا ارنالعان باس­پا­س­وز ورتا­لىقتارىنىڭ قىز­مەتى جاي­لى ايتىپ وتسەڭىز. – ەلوردادا قىسقى ازيا ويىن­دارىنا ارنالعان ءباسپاسوز ورتا­لىق­تارىنىڭ سانى تورتەۋ. ەڭ باس­تى ورتالىق «دۋمان» قوناق ءۇيىنىڭ عيماراتىندا ورنا­لاسقان. ول ءوز جۇمىسىن 28 قاڭ­تاردان باستاپ كەتكەن بولاتىن. بۇل جەردە 150 باق وكىلدەرى ءبىر مەزەتتە جۇمىس ىستەي الادى. 30 تەلەوپەراتورلار مەن فوتوتىلشىلەرگە ار­نال­عان «اريستوكرات» جۇمىس كابينەتىمىز دە بار. ول جەردەن بەينە ما­تەريالداردىڭ جۇمىستارىن جا­ساي­ت­ىن بارلىق تەحنيكالاردى تا­باسىز. سونداي-اق, ويىن ءناتي­جە­لەرىنە ارنالىپ جۇمىس ىستەيتىن «INFA – 2011» باعدارلا­مالىق 7 كومپيۋتەر جاب­دىقتال­عان. 10 مونيتور ءبىر مەزەتتە ءار­تۇر­لى ج­ا­رىس الاڭ­دارىندا بولىپ جاتقان دودا­لاردى كور­سەتىپ تۇ­را­دى.  بار­لىق ورىنعا ارنال­عان كومپيۋتەرلەر عالامتور جەلىسىنە قوسىلىپ, تەلەفوندار دا حالىقارالىق باي­لانىس مۇمكىن­دىگىن جۇزەگە اسىرا الادى. مۇن­دا شتاب بويىنشا 7 قاداعا­لاۋشى قىزمەتكەر جۇمىس ىستەيدى. ەڭ نەگىزگى جاۋاپتى ادام ول – باس­پاسوز ورتالىعىنىڭ جۇمى­سىن ۇيلەستىرۋشى. سونى­مەن قاتار, سايت­قا سالاتىن ما­تەريال­داردىڭ ءۇستى­نەن قارايتىن قو­سىم­­شا رەداكتورلار, «قازاق­تەلە­كوم» اق-تىڭ جاۋا­پتى قىز­مەتكەرلەرى, كابەل سىم­دارىن جۇرگىزگەن مەردىگەرلىك فيرما­نىڭ جۇمىسشى­لارى, شەتەلدىك جۋرناليستەرمەن جۇمىس ىستەيتىن مەنەدجەرلەر دە قاراستىرىلعان. بۇدان باسقا ورتالىقتار «قا­زاق­ستان» سپورت كەشەنى, كونكيمەن سىرعاناۋ ستاديونى مەن رەس­پۋبليكالىق ۆەلوترەكتە جۇ­مىس ىستەيدى. «قازاقستان» سپورت كە­شەنىن­دە 95 ورىندى بولسا, كون­كيمەن سىر­عاناۋ ستاديو­نىن­دا 40, رەسپۋب­ليكالىق ۆەلوترەكتە 55 ورىن بار. ولاردىڭ دا تەح­نيكالىق جاعداي­لارى بىزدىكىمەن بىردەي. بارلىعىن­دا جيىن وتكى­زەتىن ارنايى ورىندار بار. ول جەرلەر سينحروندى قۇرىل­عىلار­مەن جابدىقتالعان. – مەدەۋ سەرىك ۇلى, جۇمىس بارىسىندا قيىن­­شى­لىقتار نە­­مەسە ەستە قالار­لىقتاي وقي­عا­لار بولدى ما؟ – قيىنشىلىقتار بولمادى ەمەس, بولدى. بىراق شەشىلمەيتىن ءما­سە­لە جوق قوي. ولاردىڭ ءبارى جۇمىس بارىسىندا شەشىلىپ جاتتى. ال ەندى ەستە قالا­تىن وقيعا تۋرالى ايتسام, ەسىمە بىردەن باس ءباسپاسوز ورتالىق جۇمىس ىستەگەن كۇننەن بۇرىن بول­عان ءبىر جايت تۇسەدى. باسپا­سوز ورتا­لىق­تارىنداعى بەزەندىرىلۋ جۇمىس­تارىنا جاۋاپتى ادام­­دار وزدەرى­نىڭ جۇمىستارىن 28-ءى كۇنى تاڭەر­تەڭ بىزگە كور­سەتۋگە ءتيىس بولاتىن. الايدا ءبىز الدىن-الا ءبا­رىن تو­لىعىمەن تەكسەرىپ شى­عايىق دەگەن ويمەن ءبىر كۇن بۇرىن ولار­دىڭ جۇ­مىستارىن كور­دىك. سول كەزدە اق­پاراتتىق تاقتاي­شا­لاردىڭ, ار­نايى ستەندتەردىڭ بەزەندىرىلۋى بىزگە ونشا ۇناي قويمادى. ءسوي­تىپ, قايتادان جاساۋ كەرەك بول­دى دا كەلەسى كۇنى قايتادان دايىن­دا­لىپ, كوڭىلگە قونىمدى بولىپ شىقتى. – شەتەلدىك اقپارات قۇرال وكىلدەرىنىڭ كومەك سۇراپ, سىزدەرگە جۇگىنگەن كەزدەرى بولدى ما؟ – ونداي جاعدايلار كوپ بول­دى. جاسىراتىنى جوق, ولاردىڭ تاراپتارىنان كىشىگىرىم ەسكەرتۋ دە الدىق. ارينە كەمشىلىكسىز ءنار­­سە بولمايدى عوي. قاربالاس­تىقتان كەيبىر اقپاراتتىق شيكىلىكتەر بولدى. ازياداعا ار­نال­عان ۆەب-سايت بەتىندە حوككەيگە ارنال­عان اقپاراتتار تىزبەگىندە حوككەي­دىڭ قاي تۇرىنەن بولاتىن­دىعى جايىندا جازىل­ماپتى. ءبىر جاعى­نان  انىقتاپ الۋ ءۇشىن ءبىز­دىڭ كو­مەگىمىزگە جۇگىندى. ال ەكىنشى جاعىنان ءبىز ءۇشىن بۇل ۇلكەن ءبىر تاجىريبە بولدى. ەندى ونداي شيكىلىكتەردى بولدىر­ماۋعا ساباق العانداي بولدىق. – ازياداعا ارنالعان سايت­تاعى مالىمەتتەر قانشا ۋا­قىت­تا جاڭارتىلىپ وتىرا­دى؟ – 10-15 ءمينوتتىڭ ىشىندە. اڭگىمەلەسكەن اراي ۇيرەنىشبەكقىزى.