شورت-ترەك
استاناداعى جاڭادان سالىنعان ۆەلوترەك كەشەنىندە شورت-ترەك جارىسى ودان ءارى جالعاسۋدا.
كەشە ازيا قۇرلىعىنداعى مىقتىلار سانالاتىن كورەيا, جاپونيا مەن قىتاي جانە سولارمەن يىق تىرەستىرىپ باسەكەلەسىپ جاتقان قازاقستان سپورتشىلارىنىڭ قاتىسۋىمەن 500 مەتر قاشىقتىقتاعى جارىستار ءوتتى. وسى سىندا قازاقستان قۇراماسىندا باس باپكەر مادىعالي قارسىبەكوۆتىڭ شاكىرتتەرى داريا ۆولوكيتينا, يننا سيمونوۆا, ايدار بەكجانوۆ, ارتۋر سۇلتانعاليەۆ سىندى ەل نامىسىن حالىقارالىق ارەنادا قورعاپ جۇرگەن سپورتشىلار ايدىنعا شىقتى. جارىستا ايەلدەر 500 مەتردە دە ءساتتى ونەر كورسەتتى. ناتيجەسىندە, 500 مەتردى 43,964 سەكونتتە جۇگىرىپ وتكەن قىتايلىق سپورتشى ليۋ تسيۋحون چەمپيون اتانسا, كۇمىس جۇلدە دە ونىڭ جەرلەسى فان كەسينگە بۇيىردى. ونىڭ ناتيجەسى – 44,070 سەكونت. ال ءۇشىنشى ورىندى جاپون ساكاي يۋي جەڭىپ الدى. بۇل جارىستا قازاقستاندىق شورت-ترەكشىلەرگە جۇلدەلى ورىن بۇيىرمادى. ال, ەرلەر اراسىندا ەڭ جاقسى ناتيجەنى تاعى دا قىتايلىق ليان ۆەنحاو كورسەتتى. ول اتالمىش قاشىقتىقتى 41,983 سەكونتتە جۇگىرىپ ءوتىپ, قارسىلاستارىن قاپىدا قالدىردى. ەكىنشى جانە ءۇشىنشى ورىنداردى جاپوندىق فۋدزيموتو تاكاحيرو مەن ساكادزۋمە رەسۋكە جەڭىپ الدى. ءسويتىپ, بۇل سپورت تۇرىنەن ەكى التىن جۇلدەنى بىردەي قىتايلىقتار ەنشىلەدى. 2 اقپاندا قازاقستان قۇراماسى تاعى ايدىنعا شىعادى. باس باپكەر م.قارسىبەكوۆتىڭ ايتۋىنشا, وسى جولى ونىڭ شاكىرتتەرى ۇزدىكتەر قاتارىنان كورىنۋ ءۇشىن بارىن سالادى. دەگەنمەن, قازىر بىزگە قۇرامىندا وليمپيادا چەمپيونى بار قىتاي, قۇرلىقتىڭ ازۋلى سپورتشىلارى سانالاتىن وڭتۇستىك كورەيا مەن جاپونيا كومانداسىمەن كۇش سىناسۋ وڭاي بولمايتىنى ءسوزسىز. ازيادانىڭ جابىلۋىنا دەيىن وتانداستارىمىز ولاردىڭ الدىن وراپ الۋ ءۇشىن نامىستى قولدان بەرمەيدى. جۇلدىز ءبايدىلدا.