استانا. 31 مامىر. Cabot Guns قارۋ شىعاراتىن كومپانياسى مەتەوريت سىنىعىنان دايىندالعان الەمدەگى ەڭ قىمبات م1911 ماركالى ەكى تاپانشانى ساتىلىمعا شىعاردى. بۇل تۋرالى inform.kz-كە سىلتەمە جاساعان egemen.kz ءتىلشىسى حابارلادى.
مالىمەتتەر بويىنشا, اسپان دەنەسى جەرگە جارتى ميلليون جىل بۇرىن قۇلاعان. الايدا, ونىڭ سىنىعى كومپانيا قىزمەتكەرلەرىنىڭ قولىنا جاقىندا عانا ءتيىپتى. قازىر ولاردىڭ ارقايسىسىنىڭ قۇنىن 4,5 ميلليون دوللارعا باعالاپ وتىر.
مامانداردىڭ ايتۋىنشا, تاپانشانىڭ تەك سىرتى عانا ەمەس, ىشكى تەتىكتەرى دە مەتەوريت سىنىقتارىنان ازىرلەنگەن. ال سىرتقى فورماسىنىڭ ادەمى كورىنۋىنە ۆيدمانشتەتتىك قورىتپا پايدالانىلدى. قازىرگى تاڭدا تاپانشا سىناقتان وتكەن. وزگە قارۋلاردان ەش ايىرماشىلىعى جوق. كومپانيانىڭ حابارلاۋىنشا, بۇل اتىس قارۋىنىڭ ەڭ قىمبات ءتۇرى بولىپ ەسەپتەلەدى.
ايان ءابدۋالي.
دەرەك, فوتو: inform.kz.