الماتى. 31 مامىر. الماتىدا مادەنيەت سالاسىنىڭ ۇزدىگى ەستاي الىكەەۆتىڭ «شەر» اتتى جىر جيناعىنىڭ تۇساۋكەسەرى ءوتتى. بۇل تۋرالى egemen.kz ءتىلشىسى حابارلادى.
ءانشى, اقىن, كومپوزيتور رەتىندە تانىلعان الىكەەۆتىڭ بۇعان دەيىن «تاعدىرىم مەنى, كەشىرشى», «اناما», «جۇرەگىم – سازدى ساندىعىم», «ەستاي الىكەەۆتىڭ اندەرى», «ءان-جۇرەگىمدە», «ازىرگە ايتارىم» سياقتى جيناقتارى جارىق كورگەن. 100 دەن استام ليريكالىق جانە پاتريوتتىق اندەردىڭ اۆتورى. ءشومىشباي ساريەۆ, مۇقاعالي ماقاتاەۆتىڭ ولەڭدەرىنە باسا نازار اۋدارادى.
سونىمەن قاتار, اندەرىن قازاق ەستراداسىنىڭ شوق جۇلدىزدارى روزا رىمباەۆا, ماقپال ءجۇنىسوۆا, تۇڭعىشباي جامانقۇلوۆ, ديلناز احماديەۆا, «كاسپي» توبى, «نۇر-مۇقاسان» توبى, جۇبانىش جەكسەن ۇلى, ەسەت سادۋاقاسوۆ, دينارا قىرىقباەۆا, ايگەرىم قالاۋباەۆا, ومىرقۇل اينيازوۆ, دينا حامزينا, قايىرجان بەردىباەۆتار ورىنداپ ءجۇر.
ول بالالارعا دا ارناپ ولەڭ جازادى. ولەڭدەرى رەسپۋبليكالىق مەرزىمدى باسىلىمداردا جاريالانىپ تۇرادى.
وسىلايشا جاڭا جىر جيناعىن ولەڭسۇيەر قاۋىممەن قاۋىشتىرعان تالانت يەسىنىڭ كىتاپ-تۇساۋكەسەرى تاماشا ءوربىدى. شىعارماشىلىق كەزدەسۋدە «شەر» كىتابىنا ارقاۋ بولعان ءورشىل ولەڭدەر وقىلىپ, جينالعاندار جاقسى اسەرمەن تارادى.
«جاڭا زاماننىڭ ەستايى» اتانعان الىكەەۆ وزگەنى قايتالامايتىن ەرەكشە قولتاڭباسى ارقىلى تىڭدارماندار سۇيىسپەنشىلىگەنە بولەنىپ, شىعارماشىلىق ىزدەنىس پەن ەڭبەكقورلىقتىڭ ۇلگىسىن كورسەتىپ ءجۇر. «جاسا, ماڭگى قازاعىم», «جاقسى-جامان», «تالدىقورعان», «اق تىلەك», «سەمەيىم», «مىنا دۇنيە», «وكىنبە», «سەن عانا», «ابىلاي حان» اندەرىنە بەينەبايان تۇسىرىلگەن.
ايناش ەسالي.
دەرەك, فوتو: egemen.kz.