ەلباسى نۇرسۇلتان نازارباەۆ دۇنيەجۇزىلىك ساۋدا ۇيىمىنىڭ باس ديرەكتورى روبەرتو ازەۆەدونى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
كەزدەسۋدە تاراپتار قازاقستاننىڭ دسۇ-عا مۇشەلىگى اياسىندا ءوزارا ءتيىمدى ىنتىماقتاستىقتى دامىتۋدىڭ بۇدان ارعى پەرسپەكتيۆالارىن تالقىلادى.
مەملەكەت باسشىسى ءبىزدىڭ ەلدىڭ ۇيىمعا قوسىلۋ جولىنداعى ۇمتىلىسى جونىندەگى كەلىسسوزدەر ۇدەرىسى كەزىندە كورسەتكەن قولداۋى ءۇشىن ر.ازەۆەدوعا العىس ايتىپ, بىرلەسە جۇمىس جۇرگىزگەن جىلداردا قول جەتكىزىلگەن ءوزارا ءىس-قيمىلدىڭ دەڭگەيى جوعارى بولعانىن اتاپ ءوتتى.
ر.ازەۆەدو قابىلداۋ ءۇشىن ريزاشىلىق ءبىلدىرىپ, ءبىزدىڭ ەلمەن ىنتىماقتاستىقتىڭ تيىمدىلىگى زور ەكەنىن ايتتى.
قازاقستان پرەزيدەنتى كەزدەسۋ بارىسىندا ر.ازەۆەدونى دوستىقتى نىعايتۋعا جانە ىنتىماقتاستىقتى جولعا قويۋعا قوسقان ۇلەسى ءۇشىن II دارەجەلى «دوستىق» وردەنىمەن ماراپاتتادى.
ر.ازەۆەدو نۇرسۇلتان نازارباەۆقا ەستەلىك كادەسىي رەتىندە قازاقستاننىڭ دسۇ-عا ەنۋى جونىندەگى حاتتاماعا قول قويۋعا قولدانىلعان قالامساپتى تارتۋ ەتتى.