بوستاندىق كوشەسىندەگى «داريا» اتتى ىرگەلى بازاردى قىزىل ءتىلى سۋماڭداعان ءورت جايلادى. بۇل جايلى حابار تۇسىسىمەن توتەنشە جاعدايلار جونىندەگى دەپارتامەنتتىڭ «ءورت ءسوندىرۋ جانە اپاتتىق قۇتقارۋ» مەملەكەتتىك مەكەمەسىنىڭ بىرنەشە بولىمشەسى وقيعا بولعان جەرگە شۇعىل جەتىپ, بىردەن اۋىزدىقتاۋعا كىرىستى.
ءورت سوندىرۋگە 11 تەحنيكا, 38 ادام جۇمىلدىرىلىپ, قاۋىرت قيمىلدىڭ ارقاسىندا ودان ءارى ورشۋىنە جول بەرىلمەدى.
بازاردى جايلاعان جالىن كەزىندە ءۇش ساۋدا پاۆيلونى, ساۋدا ورنىنىڭ ەكىقاباتتى عيماراتىنا قوسالقى جاپسارجايتىڭ شاتىرىنا زاقىم كەلدى. قۇرباندار مەن زارداپ شەككەندەر جوق. ءورتتىڭ شىعۋ سەبەپتەرى مەن كەلتىرىلگەن زيان مولشەرى انىقتالۋدا.
ەۆگەني جۋراۆلەۆ,
وتجد-ءنىڭ باس مامانى
پەتروپاۆل