قوستاناي. 16 مامىر. وبلىستاعى جوعارى وقۋ ورىندارى اراسىندا XXII ءداستۇرلى «ستۋدەنت كوكتەمى» فەستيۆالى ءوتتى. وعان ءبىرىنشى رەت ىشكى ىستەر مينيسترلىگىنىڭ ش.قابىلباەۆ اتىنداعى قوستاناي اكادەمياسى دا قاتىستى. بۇل تۋرالى قوستاناي اكادەمياسى ءباسپاسوز قىزمەتىنە سىلتەمە جاساعان وتىرىپ, egemen.kz ءتىلشىسى حابارلادى.
فەستيۆال بيىل قوستاناي اكادەمياسىنىڭ بازاسىندا ءوتتى. ونىڭ شارالارىنا تىكەلەي قاتىسقان وبلىستاعى 8 جوعارى وقۋ ورىندارى ستۋدەنتتەرىنىڭ سانى 1500-دەن اسادى. مۇنىڭ سىرتىندا كورەرمەندەر دە كوپ بولدى. جاستىق ورتاعا ءتان دەبات, كونفەرەنتسيالار, ءداستۇرلى بايقاۋلار جانە سپورتتىق جارىستارمەن قاتار, بيىل الاڭ يەسى سانالعان قوستاناي اكادەمياسى فەستيۆال مازمۇنىن جاۋىنگەرلىك ەستافەتامەن تولىقتىرا ءتۇستى. فەستيۆالدىڭ اشىلۋىنا وبلىس اكىمى ارحيمەد مۇحامبەتوۆ قاتىسىپ, ستۋدەنت قاۋىمىن قۇتتىقتادى. سونىمەن قاتار, ول «ستۋدەنت كوكتەمىن» تالانتتى جاستارعا قانات بايلايتىن شارا ەكەنىن ايتتى. ايتپاقشى, باستاۋ العان وسىنشا جىلداردىڭ ىشىندە جاستاردىڭ وسى شاراسىنىڭ اشىلۋىنا وبلىس باسشىلىعى ءبىرىنشى رەت قاتىستى.
«مادەني مۇرا» شىعارماشىلىق بايقاۋىندا رۋدنىي يندۋستريالىق ينستيتۋتىنىڭ كومانداسى ۇزدىك دەپ تانىلدى. قوستاناي مەملەكەتتىك پەداگوگيكالىق ينستيتۋتىنىڭ كومانداسىنىڭ «ەڭ ۇزدىك شىعارماشىلىق ۇجىم» ەكەنىن ايتىلدى. م.دۋلاتوۆ اتىنداعى قوستاناي ينجەنەرلىك-ەكونوميكالىق ۋنيۆەرسيتەتىنىڭ كومانداسى ۆوكالدىق شىعارمالارىمەن ەرەكشەلەندى. ا.بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتى كومانداسىنىڭ ورىنداعان ءبيى «ۇزدىك بي» اتالىمىنا يە بولسا, ارقالىق مەملەكەتتىك پەداگوگيكالىق ينستيتۋتىنىڭ ستۋدەنتتەرى «ۇزدىك مۋزىكالىق اسپاپپەن ورىندالعان شىعارما» اتالىمى كۋبوگىن الدى.
قازاق جانە ورىس تىلەرىندە وتكەن كوڭىلدى تاپقىرلار كلۋبىنىڭ جەڭىمپازدارى انىقتالدى. قازاق ليگاسىندا الاڭ يەلەرى ش.قابىلباەۆ اتىنداعى قوستاناي اكادەمياسىنىڭ كومانداسى ءبىرىنشى ورىندى الدى. بەكجات ەسەتوۆ ۇزدىك ويىنشى بولسا, «ەڭ ۇزدىك قىز ءرولى» اتالىمى قمپي-ءدىڭ ستۋدەنتى اكىمبەك يناباتقا لايىق دەپ تانىلدى. ال ورىس ليگاسىندا م.دۋلاتوۆ اتىنداعى قينەۋ كومانداسى ۇزدىك دەپ تانىلدى. ۇزدىك ويىنشى الەكساندر راچينسكي, قىزداردان ايدانا ەسمۇرزينا بولدى.
سپورتتا شاعىن فۋتبول بويىنشا قوستانايلىق بولاشاق پەداگوگتار ءبىرىنشى ورىندى يەلەنسە, ۆولەيبولدان ولاردىڭ ارقالىقتىق ارىپتەستەرى جۇلدەنى الىپ كەتتى. جاۋىنگەرلىك ەستافەتادا, ارينە, قوستاناي اكادەمياسى كوماناسىنىڭ الدىنا ەشكىم تۇسە العان جوق. «ۇزدىك گرانا لاقتىرۋشى» اتالىمى بويىنشا اكادەميا كۋرسانتى باقتيار سادۋاقاسوۆ, مەرگەندىكتەن چەليابى مەملەكەتتىك ۋنيۆەسريتەتى قوستاناي فيليالىنىڭ ستۋدەنتى يۆان اۋلوۆ پەن الينا زايتسەۆا ءبىرىنشى ورىندى الدى. «جاستار – قازاقستاننىڭ بولاشاعى» دەبات ءتۋرنيرىنىڭ قازاق, ورىس ليگالارىنداعى باس جۇلدە قوستاناي مەملەكەتتىك ۋنيۆەسريتەتىنىڭ كومانداسىنىڭ قانجىعاسىندا كەتتى.
فەستيۆال كىلتى م.دۋلاتوۆ اتىنداعى قوستاناي ينجەنەرلىك-ەكونوميكالىق ۋنيۆەرسيتەتىنىڭ باسشىلىعىنا سالتاناتتى تۇردە تاپسىرىلدى. كەلەر جىلى ولار فەستيۆال الاڭىنىڭ يەسى بولماق.
ءنازيرا جارىمبەتوۆا
دەرەك, فوتو: قوستاناي اكادەمياسىنىڭ ءباسپاسوز قىزمەتى.