استانا. 16 مامىر. استانا قالاسى اكىمدىگىنىڭ جاستار تەاترى وسى جىلدىڭ 26-27 مامىر كۇندەرى سايا قاسىمبەكتىڭ «تەكسىزدەر» پەساسىنىڭ نەگىزى بويىنشا قويىلعان «ليفت» پسيحولوگيالىق دراماسىنىڭ پرەمەراسىن وتكىزەدى. بۇل تۋرالى جاستار تەاترىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
قويىلىمنىڭ قويۋشى رەجيسسەرى – ەلىمىزدىڭ ەڭبەك سىڭىرگەن قايراتكەرى بەكبولات قۇرمانعوجاەۆ. ال قويۋشى سۋرەتشىسى – ەرلان تۇياقوۆ.
درامادا جاڭا زاماننىڭ ەڭ ۇلكەن ماسەلەسى – ۇلتسىزدانۋ مەن ۇرپاق تەكسىزدەنۋىنىڭ نەگىزگى تۇيتكىلدەرى ايتىلىپ, پسيحولوگيالىق تۇرعىدان تەرەڭ تالداۋ جاسالادى. وندا قوعامداعى وزەكتى ماسەلەگە اينالعان ۇلتتىڭ بولاشاعى, بۇگىنگى ۇرپاقتىڭ مادەنيەتسىزدىككە ۇمتىلۋى سەكىلدى تۇستارى استارلى ويمەن سۋرەتتەلەدى. سونداي-اق, وسكەلەڭ ۇرپاقتى اتالعان دەرتتەن ارىلتۋعا, ساناسىنا جاقسى قاسيەتتەردى سىڭىرۋگە ۇمتىلادى.
ايان ءابدۋالي.
دەرەك: جاستار تەاترىنىڭ ءباسپاسوز قىزمەتى.
فوتو: el.kz.