توتەنشە جاعداي • 12 ماۋسىم, 2023
اباي وبلىسىنداعى الاپات ءورت ون ءتورت ادامنىڭ ءومىرىن جالمادى
توتەننەن تۇتانعان ءورتتىڭ دە, ايتپاي كەلەتىن اپاتتىڭ دا ۇلكەن-كىشىسى بولمايدى. قاي-قايسىسى دا قاۋىپتى, قاي-قايسىسى دا زالالعا تولى. ءبىر وكىنىشتىسى, ورنى تولماس وراسان اپات كەزىندە ادام شىعىنى دا بولىپ جاتادى. سەگىز كۇننەن بەرى ەلدى سەرگەلدەڭگە سالعان اپات الدىڭعىسىنا قاراعاندا الدەقايدا اۋقىمدى. جالىن جايپاعان جەر كولەمى وتكەن جولعى ورتتەن 20 ەسەگە ۇلكەيىپ, جايىلىپ كەتكەن. سونىمەن, سالعىرتتىقتىڭ سالدارىنان سەمەي وڭىرىندەگى 60 مىڭ گەكتاردان استام ورمان القابى ءبىر-اق ساتتە كۇلگە اينالدى. رەسمي دەرەك بويىنشا «سەمەي ورمانى» رەزەرۆاتىنىڭ جالپى اۋماعى 650 مىڭ گەكتاردان اسادى. مىنە, سونىڭ وننان ءبىرىن وت شارپىدى. ءتىلسىز جاۋدىڭ كەسىرىنەن 200 ادام سەمەي قالاسىنداعى جاتاقحانالاردى پانالاۋعا ءماجبۇر بولدى.
اسكەر • 12 ماۋسىم, 2023
اسكەر دايىندىعى – ۇزدىكسىز جۇرەتىن ءۇردىس
ەلىمىزدىڭ قارۋلى كۇشتەرى قۇرامىندا جاۋىنگەرلەر سانى مەن اتقاراتىن مىندەتتەرىنىڭ اۋقىمى جاعىنان ەڭ ءىرى قۇرىلىم – قۇرلىق اسكەرلەرى. ولاردىڭ اسكەري دايىندىعى مەن سوڭعى ۇلگىدەگى قارۋ-جاراقپەن قامتاماسىز ەتىلۋى – ارميامىزدىڭ كۇش-قۋاتىن ايقىندايتىن نەگىزگى فاكتورلاردىڭ ءبىرى. قۇرلىق اسكەرلەرىنىڭ باس قولباسشىسى, گەنەرال-لەيتەنانت تالعات قويباقوۆ اتالعان قۇرىلىمنىڭ باستى ماقسات-مىندەتتەرى مەن دايىندىعى جايلى كەڭىنەن ايتىپ بەردى.
سپورت • 12 ماۋسىم, 2023
مەرگەندەردىڭ مۇمكىندىگى قانداي؟
وليمپيا ويىندارىنىڭ باعدارلاماسىنا ەنگەن سپورت تۇرلەرىنىڭ تاريحىنا كوز جۇگىرتەر بولساق, كوپ سپورت ءتۇرى وليمپيادانىڭ اجىراماس بولىگىنە اينالعانىن بايقايمىز. سولاردىڭ ءبىرى – نىسانا كوزدەۋ سپورتى. 1896 جىلى العاش رەت افينادا ۇيىمداستىرىلعان جازعى وليمپيا ويىندارىنىڭ باعدارلاماسىنا ەنگەن ساتتەن باستاپ بۇگىنگى كۇنگە دەيىن نىسانا كوزدەۋ سپورتىنان جۇلدەلەر ساراپقا سالىنىپ كەلەدى. تەك 1904 جانە 1928 جىلدارداعى ويىنداردى ەسەپكە الماعاندا.
فورۋم • 11 ماۋسىم, 2023
جاساندى ينتەللەكت جانە جاڭا تەحنولوگيا
استانا حالىقارالىق فورۋمىنىڭ ەكىنشى كۇنىندە پانەلدىك سەسسيالار جالعاستى. سونداي-اق بريفينگتەر, قۇجاتتارعا قول قويۋ جانە كەزدەسۋلەر ءوتتى. ىرگەلى جيىننىڭ كەزەكتى جۇمىس كۇنى «ەنەرگەتيكالىق قاۋىپسىزدىكتى قايتا قاراۋ: ايقىن شەشىمدەردىڭ شەڭبەرىنەن شىعۋ قاجەتتىلىگى» پانەلدىك سەسسيامەن باستالادى.
سپورت • 11 ماۋسىم, 2023
بىرىككەن كۇرەس الەمىنىڭ (UWW) رەيتينگى قايتا جاڭارتىلدى. جەر-جاھاننىڭ ەڭ مىقتى بالۋاندارىنىڭ توپ-10-دىعىنا قازاقستاننىڭ توعىز بالۋانى ەندى. ەڭ ۇزدىك كورسەتكىش ءجاميلا باقبەرگەنوۆاعا تيەسىلى. قازاق قىزى قازىرگى كەزدە 72 كيلو سالماق دارەجەسىندە بەلدەسىپ جۇرگەن بۇرىمدىلار اراسىندا تەڭدەسسىز دەپ تانىلىپ وتىر.
