قوعام • بۇگىن, 16:30
جانۋارلاردى قورعاۋ جانە قوعام قاۋىپسىزدىگى: قاڭعىباس يتتەردىڭ شابۋىلىنا قالاي توسقاۋىل قويامىز؟
8 ءساۋىر كۇنى ءماجىلىستىڭ جالپى وتىرىسىندا «جانۋارلارعا جاۋاپكەرشىلىكپەن قاراۋ تۋرالى» زاڭعا ەنگىزىلەتىن تۇزەتۋلەر قابىلداندى. دەپۋتاتتار قولدانىستاعى زاڭنىڭ نيەتىن ەمەس ناقتى ناتيجەسىن تالداپ, جانۋارلاردى قورعاۋ مەن ازاماتتاردىڭ قاۋىپسىزدىگى اراسىنداعى تەپە-تەڭدىكتى تابۋدى العا تارتتى. ءماجىلىس ۇسىنعان دەرەككە دەن قويساق, سوڭعى ءبىر جىلدا يتتەردىڭ شابۋىلىنان شامامەن 41 مىڭ ادام زارداپ شەككەن. ولاردىڭ جارتىسىنان كوبى قاراۋسىز يتتەردىڭ كەسىرىنەن بولعان. ماجىلىسمەندەر ەلدىڭ باستى بايلىعىنا بالانعان ادام تاعدىرىنا تونگەن قاۋىپكە مەملەكەت مىندەتتى تۇردە جاۋاپ بەرۋى ءتيىس ەكەنىن جەتكىزدى. ال جوعارىدا اتالعان زاڭعا ەنگىزىلگەن تۇزەتۋلەر قاڭعىباس يتتەردىڭ قوعامعا قاۋىپىن قالاي سەيىلتەدى؟ قۇجات يت يەلەرىنە قانداي جاۋاپكەرشىلىك جۇكتەپ وتىر؟ زاڭعا ەنگىزىلگەن وسى جانە وزگە دە ماڭىزدى مىندەتتەر مەن جاڭاشىلدىقتاردى دەپۋتات, «اۋىل» پارتياسى فراكتسياسىنىڭ مۇشەسى اناس باققوجاەۆ تارقاتا ءتۇسىندىردى, دەپ جازادى Egemen.kz.
قوعام • بۇگىن, 11:33
كولىك كوپ, ورىن از: اۆتوتۇراق ماسەلەسى قالاي رەتتەلەدى؟
ەلىمىزدە كولىك تىزگىندەۋشىلەر سانى ارتقان سايىن اۆتوتۇراق ماسەلەسىنىڭ دە وزەكتىلىگى ارتىپ كەلەدى. بۇل بۇگىندە مەگاپوليستەردەن وزگە قالالاردىڭ دا «باس اۋرۋىنا» اينالىپ وتىر. اتالعان ماسەلە قوعام بەلسەندىلەرى مەن جاۋاپتى ورگاندار تاراپىنان بىرنەشە مارتە تالقىعا ءتۇسىپ, سوڭعى جىلدارى استانا مەن الماتى قالالارىندا وڭ وزگەرىستەرگە قول جەتكىزىلىپ وتىر. دەگەنمەن تۇراقتاردىڭ جەتىسپەۋشىلىگى ەسكى تۇرعىن ۇيلەردىڭ تۇراقتى پروبلەمالار تىزىمىنەن ءالى دە تۇسپەي كەلەدى.
شارۋاشىلىق • بۇگىن, 09:15
حالقىمىزدىڭ تانىمىندا قامبار اتا تۇقىمى عاسىرلار بويى بايلىقتىڭ ولشەمى بولىپ قانا قويماي, كوشپەلى تىرشىلىكتىڭ سەنىمدى سەرىگىنە اينالدى. بۇگىندە دە جىلقى شارۋاشىلىعىنىڭ الەۋەتى جوعارى, ول – ءارى كولىك, ءارى ازىق, سونىمەن قاتار ەكونوميكالىق ماڭىزى ارتىپ وتىرعان تابىستى سالا.
ۆولونتەر • بۇگىن, 09:10
ەرىكتىلەر ەڭبەگى قالاي باعالانادى؟
قوعام مەيىرىمدى, جومارت جانداردان كەندە ەمەس. ءبىرى يگى ىسىمەن, ەندى ءبىرى جىلى سوزىمەن اينالاسىنداعى جۇرتقا جاناشىرلىق تانىتىپ ءجۇر. الەمدە وسىنداي 860 ملن ۆولونتەر بار. ال ەلىمىزدە وسىدان جەتى جىل بۇرىن بەلسەندى ەرىكتىلەر 50 مىڭ بولسا, قازىر ولاردىڭ قاتارى 300 مىڭعا جەتتى. مۇنداي ستاتيستيكا ۆولونتەرلىك قىزمەتتىڭ كەڭ تارالعانىن, وسى باعىتتاعى قاجەتتىلىكتى كورسەتەدى.
قارجى • بۇگىن, 09:05
زەينەتاقى قورىنداعى قاراجات بەيبەرەكەت جۇمسالماۋعا ءتيىس
كەيىنگى بەس جىلدا ەل ازاماتتارىنا زەينەتاقى قورىنداعى شەكتى مەجەدەن اسقان قارجىنى ءوز قاجەتىنە جۇمساۋعا مۇمكىندىك بەرىلدى. 2021 جىلعى اقپاننان بەرى بىرىڭعاي جيناقتاۋشى زەينەتاقى قورىنان 5,7 ترلن تەڭگە مەرزىمىنەن بۇرىن شەشىپ الىنعان. الايدا بۇل قادام تۇرعىن ءۇي باعاسىنىڭ قىمباتتاۋىنا, ينفلياتسيانىڭ ۇدەۋىنە اسەر ەتتى. باستاپقىدا «ارتىقشىلىق» رەتىندە ۇسىنىلعان مۇمكىندىككە حالىقتىڭ نەبارى 10–20 پايىزى عانا قول جەتكىزسە, باسپانا باعاسىنىڭ ءوسۋى كوپشىلىككە ورتاق سالماق سالدى.
