تۇلعا • 14 قىركۇيەك, 2023
تۇڭعىشباي جامانقۇلوۆ دەگەن ەسىم بۇل كۇندە بار قازاققا, ءتىپتى وزگە ۇلتتار ءۇشىن دە ايگىلى بولىپ وتىر. ونىڭ ايگىلىلىگى سونداي, كوشەدە كەلە جاتسا دا نازار اۋدارمايتىن, رەتى كەلسە ءيىلىپ سالەم بەرمەيتىن ادام جوق. ءساتى تۇسكەندەرى ونىڭ قولىن الىپ, سول ءۇشىن وزدەرىن باقىتتى جانداي سەزىنەدى. تەاتردا, كينو زالىندا نەمەسە كوپشىلىك جينالعان جەردە جۇرتتىڭ جاپا-تارماعاي ونىمەن امانداسىپ, رەتى كەلسە ءبىر جاپىراق قاعازعا قول قويدىرىپ الىپ جاتقانىن كورگەندە مەنىڭ ەسىمە ءسابيت مۇقانوۆتىڭ: «وسى دا جەتتى دەگەن تىلەگىنە, جول تاپتىم بار قازاقتىڭ جۇرەگىنە» دەگەن ولەڭ جولدارى ەرىكسىز تۇسەدى.
زەردە • 14 قىركۇيەك, 2023
تەمىر اۋدانى ءشيلىسۋ وزەنى بويىندا ءحىح عاسىردىڭ سوڭىندا اقتوبە وڭىرىندە بىرنەشە جەردەن مەشىت-مەدرەسە سالعان كورنەكتى رۋحاني ۇستاز, ءدىن قايراتكەرى دوسمۇحامەد (دوسجان) يشان قاشاق ۇلىنىڭ مەموريالدىق كەشەنى اشىلدى. ەلىمىزدىڭ باتىس ولكەسىندە ءدىني-اعارتۋشىلىق قىزمەتپەن اينالىسىپ, ەلگە ۇستاز بولا بىلگەن جۇزدەگەن حازىرەت, احۋن, يشان ەسىمدەرى وتارلاۋ كەزەڭىندە تاسادا قالدى.
سۇحبات • 14 قىركۇيەك, 2023
– اسسالاۋماعالەيكۋم, اعا! – ۋاعالەيكۋماسسالام!– قاي بالاسىڭ؟– استاناداعى «Egemen Qazaqstan» گازەتىنەن حابارلاسىپ تۇرمىن, – دەپ ەدىم, پەرنەباي اعانىڭ داۋىسى جادىراپ: – اينالايىن, سوناۋ باس قالادان قوڭىراۋ شالىپ تۇر ەكەنسىڭ, مىڭ العىس. مەن ەلىمىزدەگى باس باسىلىمنىڭ وقىرمانى عانا ەمەسپىن, تۇراقتى اۆتورىمىن. تالاي تانىمدىق ماقالالارىم, ەسسەلەرىم جارىق كوردى. جاسىم ۇلعايسا دا تۇگىن قالدىرماي وقيمىن, –دەپ اقتارىلا جونەلدى.بالا كەزىمنەن جەتكىنشەكتەرگە ارناپ جازعان شىعارمالارىن ءسۇيىپ وقىعان جازۋشىمەن ەكەۋارا اڭگىمەمىز وسىلاي باستالدى. اۋىلدا تۇرىپ-اق ادەبيەتىمىزدىڭ قازىناسىن بايىتىپ, قانشاما بالانىڭ ساناسىنا كوركەمسوز ساۋلەسىن تۇسىرگەن سىرشىل سۋرەتكەرمەن كەزدەسىپ, اڭگىمەلەسسە عوي دەپ ويلاۋشى ەدىم. سونىڭ ءساتى دە ورايىمەن كەلىپ, قابىرعالى قالامگەرمەن ءومىر جولى مەن شىعارماشىلىعى تۋرالى اڭگىمەلەستىك.
ادەبيەت • 14 قىركۇيەك, 2023
«اباي جولىندا» قانشا كەيىپكەر بار؟
«اباي جولى» رومان-ەپوپەياسىن نەشە رەت قايتالاپ وقىسام دا, ءالى كۇنگە دەيىن كەيىپكەرلەر مەن جەر-سۋ اتتارىنان شاتاسا بەرەمىن. الەم ادەبيەتىن زەرتتەۋشىلەردىڭ ءبىرىنىڭ ەڭبەگىندە (ەسىمىن ۇمىتىپ وتىرمىن) «اباي جولى» رومانى كوركەم ادەبيەتتەردىڭ ىشىندەگى ەڭ كوپ كەيىپكەرى بار, جەر-سۋ اتتارى مەن رۋ اتاۋلارى مولىنان بەرىلگەن كۇردەلى شىعارما» دەگەندى وقىپ ەدىم. وسى جاڭا جىلدان باستاپ 26 تاراۋدان, ەكى ەپيولوگتەن تۇراتىن ءتورت تومدىق «اباي جولى» رومان-ەپوپەياسىن قايتادان وقۋعا بەل بۋىپ, اسىقپاي قاراپ, كەيىپكەرلەردى تاراۋعا ءبولىپ, رۋ اتاۋلارىن بولەك, جەر-سۋ اتتارىن بولەك تىزىمدەپ شىقتىم.
تانىم • 14 قىركۇيەك, 2023
الدەبىر سايتتان الەم جاڭالىقتارىن وقىپ وتىرىپ, بۇۇ-نىڭ «جاھاندىق جىلىنۋ ءبىتتى, ەندى جاھاندىق قايناۋ باستالادى» دەگەن پىكىرىن وقىدىم. اڭداساق, بۇل – ادامزاتقا ۇلكەن ەسكەرتۋ. جىل سايىن جاز باستالىسىمەن الەمدە قانشاما ورمان مەن جايىلىم ورتكە ورانىپ, ونسىز دا توزىپ جاتقان تابيعات ودان سايىن ءب ۇلىنىپ, جەر-انانىڭ جۇرەگى جارالانادى. وسىدان ون شاقتى جىل بۇرىن الەم عالىمدارى ادامزات بولاشاقتا جاھاندىق جىلىنۋدان زارداپ شەگەتىنىن ايتىپ, دابىل قاقتى. جاپان دالادا بوزتورعايدىڭ شىرىلىن ەشكىم ەستىمەيتىنى سياقتى, الگى عالىمداردىڭ دا ەسكەرتۋىن ەستىگەن قۇلاق از بولعان سىڭايلى.
