تەاتر • 09 ءساۋىر, 2024
ءدال قازىر «استانا وپەرادا» 11-12 ءساۋىر كۇندەرى وتەتىن گ.دونيتسەتتيدىڭ «قوڭىراۋ نەمەسە ءدارىحاناشىنىڭ نەكە ءتۇنى» وپەراسىنىڭ پرەمەراسىنا قىزۋ دايىندىق ءجۇرىپ جاتىر. شىمىلدىقتىڭ ار جاعىندا سوزبەن ايتىپ جەتكىزگىسىز شىعارماشىلىق تولقىنىس پەن عاجايىپ اتموسفەرا ورناعان.
ونەر • 08 ءساۋىر, 2024
ەلمار بورىباەۆ: شىنايى ونەردە شەكارا جوق
ايگىلى مۋزىكالىق اۋلەتتىڭ ءىزباسارى ەلمار بورىباەۆ – جوعارى كاسىبيلىگى مەن شەبەرلىگىن پاش ەتىپ كەلە جاتقان دارىندى ديريجەر. سوڭعى جىلدىڭ وزىندە ول يرجي كيلياننىڭ «كىشى ءولىم» بىرەگەي بالەتىنىڭ, تسەزار كيۋيدىڭ «ەتىك كيگەن مىسىق» وپەراسىنىڭ قويۋشى ديريجەرى اتانىپ, گاەتانو دونيتسەتتيدىڭ «دون پاسكۋالە» وپەراسىندا ديريجەرلىك دەبيۋتىن جۇزەگە اسىردى. ول «شوپەنيانا», «شەحەرازادا», «سيلفيدا» سپەكتاكلدەرىنە عانا ەمەس, سونىمەن قاتار گالا-وپەرالار مەن گالا-بالەتتەرگە دە ديريجەرلىك ەتەدى. ال بۇل – كوپشىلىك بىلەتىندەي, ايرىقشا ىجداھاتتىلىق پەن اۋقىمدى ماتەريالدى زەرتتەۋدى تالاپ ەتەتىن اسا كۇردەلى مىندەت. ەندى مىنە, 13-14 ءساۋىر كۇندەرى جاس ماەسترو ل.مينكۋستىڭ «دون كيحوت» بالەتىمەن ديريجەر تۇعىرىنا كوتەرىلەدى. اتالعان سپەكتاكلدەگى ەلمار ەڭبەگى – ونىڭ دەبيۋتى. ماحاببات پەن ەرلىك تۋرالى ايتۋلى كلاسسيكالىق حيكايا جاس ماەسترونىڭ جەتەكشىلىگىمەن جاڭا بوياۋلارعا يە بولماق. وپەرانىڭ قىر-سىرىن ديريجەردىڭ وزىنەن سۇراعان ەدىك.
سۇحبات • 04 ءساۋىر, 2024
گۇلسينا مەرعاليەۆا: ونەر ورەسىمەن ومىرشەڭ
ادەتتە رەجيسسۋرا تەك قانا ەر ادامنىڭ ءتول ماماندىعىنداي قابىلدانادى. سەبەبى سىرتتاي سۇلۋ كورىنگەنىمەن, شىن مانىندە, بۇل سالانىڭ سالماعى ءزىل باتپان, ال جۇكتەيتىن جاۋاپكەرشىلىگى ودان دا زور. سوندىقتان بولسا كەرەك, تالابى تاۋداي, تالعامى تەرەڭ ونەردىڭ بۇل باعىتىنا باتىلى باراتىندار كوپ ەمەس. ال باعىڭ جانىپ كەلدىڭ ەكەن, قاتارداعى كوپتىڭ ءبىرى بولماي, جانارتاۋداي اتقىلاپ ساحنادا جاڭالىق جاساي الاتىندار تىپتەن از. وسىدان شيرەك عاسىر بۇرىن رەجيسسۋرانىڭ تابالدىرىعىن يمەنە اتتاپ, ءا دەگەننەن-اق تىڭ وي, باتىل كوزقاراسىمەن ونەردە توڭكەرىس جاساعان گۇلسينا مەرعاليەۆا ەسىمى بۇگىندە ەلىمىزدەگى ەڭ ۇزدىك رەجيسسەرلەردىڭ كوشىن باستايدى. سانانى سىلكىنتەر سپەكتاكل قويىپ قانا قويماي, ءبىر توپ كۋرستاسىمەن كەلىپ سوناۋ ماڭعىستاۋدىڭ ماڭ دالاسىندا تەاتر اشىپ, تىڭنان تۇرەن سالعان گۇلسينانىڭ ەرەن ەڭبەگىن ەرلىك دەمەسكە شاراڭ جوق. ن.ءجانتورين اتىنداعى ماڭعىستاۋ وبلىستىق مۋزىكالىق دراما تەاترىندا اشىلعاننان بەرى باس رەجيسسەر ءارى كوركەمدىك جەتەكشى, كەيىن ديرەكتورى قىزمەتىن ابىرويمەن اتقارىپ, ءجانتورين تەاترىن جاڭاشا جاڭعىرتقان رەجيسسۋرا رەفورماتورىمەن ورەلى ونەر تۋراسىندا سىر-سۇحبات قۇرعان ەدىك.
تەاتر • 02 ءساۋىر, 2024
«قاللەكي تىنىسىن» سەزىنگەن ءسات
حالىقارالىق تەاتر كۇنى قارساڭىندا ساحنا الەمىنىڭ ءبىر سىلكىنىپ الاتىنى راس. ويناپ-ك ۇلىپ, كوڭىل سەرگىتۋ عانا ەمەس, ءجۇرىپ وتكەن جولىنا ەسەپ بەرىپ, جەتكەن جەتىستىگى مەن كەتكەن كەمشىلىگىن سارالاۋعا باعىتتالىپ وتكىزىلەر ونەگەلى ءىس-شارالار دا مەيرامنىڭ كاسبي ماڭىزىن ارتتىرىپ, تەاتر تاعىلىمىن تەرەڭدەتە تۇسەتىندەي.
تۇلعا • 31 ناۋرىز, 2024
«كوركەم ادەبيەت ەش ۋاقىتتا ولمەيدى. ول ولسە, ءومىر ولەدى» دەگەن ءسوزدى عۇمىرلىق مۇراتىنا اينالدىرعان جازۋشى, دراماتۋرگ, پۋبليتسيست, مەملەكەتتىك سىيلىقتىڭ جانە م.شولوحوۆ اتىنداعى حالىقارالىق سىيلىقتىڭ لاۋرەاتى, قازاقستاننىڭ ەڭبەك سىڭىرگەن قايراتكەرى, «پاراسات» وردەنىنىڭ يەگەرى, سانالى عۇمىرىن ءسوز ونەرىنە ارناعان ءسابيت دوسانوۆ ومىردەن ءوتتى. ءوزى ءجيى ايتاتىن ولمەيتىن ءومىردى شىعارماشىلىعىنىڭ التىن ارقاۋىنا اينالدىرعان قالامگەردىڭ عۇمىرى – وسى عيبراتىمەن قۇندى, وسى ونەگەسىمەن ماڭگىلىك.
سۇحبات • 28 ناۋرىز, 2024
حۇسەين ءامىر-تەمىر: الدىمەن شاحتەر, كەيىن اكتەر بولدىق
«ونەردەن وزگە ويى جوق». بەلگىلى تەاتر سىنشىسى, مارقۇم اشىربەك سىعاي كەزىندە رەجيسسەر, قازاقستاننىڭ ەڭبەك سىڭىرگەن قايراتكەرى حۇسەين ءامىر-تەمىردىڭ ازاماتتىق بولمىسى مەن تەاترداعى تەگەۋرىندى ەڭبەگىنە ءدال وسىلاي باعا بەرگەن ەكەن. ءدوپ ءسوز! ويتكەنى قاشان جولىقتىرا قالساڭ دا, اڭگىمەسىن ارىدەن, ساحنا سىرىنان تەرەڭ سۋىرتپاقتايتىن سىرباز جاننىڭ ونەر دەسە كوڭىلى دە وزگەشە ورەكپىپ تۇرادى. سەكسەننەن اسسا دا, سەرگەك قالپىن جوعالتپاعان ساحنا ساڭلاعى ءالى دە تەاترىن تۋعان بالاسىنداي وبەكتەيدى. كەزدەسۋدىڭ ءساتىن كوپتەن بەرى ورايلاستىرا الماي جۇرگەن كەيىپكەرىمىزدى قىزىلوردادان استاناعا كەلگەن ساپارىندا ارنايى ىزدەپ بارىپ, اسەرلى اڭگىمەسىن تىڭداپ قايتتىق.
تەاتر • 26 ناۋرىز, 2024
جاراتقاننىڭ بەرگەن جارىق دۇنيەدەگى ءار مەزەتى قىمبات دەگەنىمىزبەن, پەندەۋي تىرلىكتى كۇندەلىكتى كۇيبەڭنەن ءبىر ساتكە بولسىن الشاق اكەتىپ, ارمان الەمىنە بويلاتاتىن تاڭعاجايىپ الەم – ول تەاتر! سيقىرعا تولى عالامات عيماراتقا كۇن سايىن, كۇن سايىن بولماسا دا اي سايىن, ءتىپتى اراعا جىل سالىپ ءبىر كىرىپ شىققان جان ءدال سول ساتتە جۇرەككە وشپەس سەزىم سىيلاعان كەشكى جەتىدەگى ادەمى اسەرىن ەش ۇمىتپاسى حاق. سەبەبى ونەر دەگەنىمىزدىڭ ءوزى ءومىردىڭ ءۇزىلىپ تۇسكەن ءمولدىر تامشىسى, وزەگى ەمەس پە؟
مەرەكە • 22 ناۋرىز, 2024
ناۋرىز - تاريحتان تامىر تارتقان مەرەكە
قىستان قالعان قاسات قارمەن قاتار كوڭىلدىڭ دە توڭى ءجىبىپ, ادامزات اتاۋلىنىڭ ايرىقشا كۇتەتىن ۇلىق مەيرامى بار, ول – ناۋرىز. كوكتەممەن بىرگە ومىرىنە دە شۋاق, شاپاعات كىرەدى دەپ سەنگەن حالقىمىز ناۋرىز مەرەكەسىن « ۇلىستىڭ ۇلى كۇنى», ء«از ناۋرىز» دەپ ايرىقشا اسپەتتەگەن. سوندىقتان بولسا كەرەك, قازاقتا ناۋرىز ءبىر كۇن ەمەس, تۇتاس اي بويى تويلانادى. 14 ناۋرىز – امال, كورىسۋ كۇنىنەن باستالعان مەيىرىم مەيرامى ايدىڭ سوڭىنا دەيىن جالعاسادى. ءار ساتىنە ماعىنا سىيدىرعان كوشپەلى حالىقتىڭ كونەدەن جەتكەن ءتول مەرەكەسىنىڭ تۇتاس ۇلتتىڭ ۇستىنىن ايقىنداۋداعى ءمانى دە, ماڭىزى دا زور.
مەرەكە • 20 ناۋرىز, 2024
مادەنيەت جانە اقپارات مينيسترلىگىنىڭ قولداۋىمەن ۇلتتىق مۋزەي ۇجىمى «قوعامدىق كەلىسىم» رمم-مەن بىرلەسە وتىرىپ, «ناۋرىز – ەل ۇلىقتاعان ۇلى كۇن» اتتى ناۋرىز مەرەكەسىنە وراي كەشەندى ءىس-شارا وتكىزدى.
تەاتر • 19 ناۋرىز, 2024
قاليبەك قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى 27 ناۋرىز – حالىقارالىق تەاتر كۇنى مەرەكەسىنە وراي, ناۋرىز ايىنىڭ 16–26-سى كۇندەرى ارالىعىندا «قاللەكي تىنىسى» اتتى سپەكتاكلدەر شەرۋىن ۇسىنادى.
