وليمپيادا • 06 قازان, 2023
بەيسەنبى ەل سپورتشىلارى ءۇشىن ءساتتى كۇندەردىڭ ءبىرى بولدى. وسىعان دەيىن حانچجوۋداعى سايىستاردا جەرلەستەرىمىز ءبىر كۇندە 3 التىن جەڭىپ كورمەگەن ەدى. ال كەشە ءانۇرانىمىز 3 مارتە قىتاي تورىندە شىرقالدى. التىن مەدال بۇدان دا كوپ بولار ما ەدى, ەگەر دە چەمپيونداردان بولەك فينالعا شىققان كاراتەشىلەر مەن بوكسشىلارىمىز جەڭىسكە جەتكەندە. جالپى, كەشە قازاقستان قورجىنىنا 3 التىن, 4 كۇمىس جانە 3 قولا مەدال ءتۇستى.
الەم • 05 قازان, 2023
كەشە ازيا ويىندارىن ۇيىمداستىرۋ كوميتەتىنىڭ ۇيىتقى بولۋىمەن جۋرناليستەرگە ارنالعان مەديا تۋر ءوتتى. ءىس-شاراعا قاتىسۋعا بىرنەشە ەلدىڭ باق وكىلدەرى نيەت ءبىلدىرىپتى. ونىڭ ىشىندە وسى جولدىڭ اۆتورى دا بار.
وليمپيادا • 05 قازان, 2023
بۇگىندە كوپتىڭ كوكەيىندە «التىن سانى قانشا بولادى؟» دەگەن ساۋالدىڭ جۇرگەنى انىق. ول زاڭدى دا. سەبەبى 2018 جىلى جاكارتادا وتكەن ازيا ويىندارىندا ەل سپورتشىلارى 15 التىن مەدال جەڭىپ العان ەدى. سول مەدالدىڭ ءوزى قازاقستاندى بەيرەسمي جالپىكوماندالىق ەسەپتە 9-ورىنعا ءبىر-اق سىرعىتقان-دى. حانچجوۋعا اتتانار الدىندا تۋريزم جانە سپورت ءمينيسترى ەرمەك مارجىقپاەۆ ماقساتىمىز بەس جىل بۇرىنعى ازيا ويىندارىنان جوعارى ناتيجە كورسەتۋ دەگەن ەدى. بۇگىندە 15 التىن المايتىنىمىز بەلگىلى بولدى. بىراق كىمدەرگە ءۇمىت ارتۋعا بولادى, دەگەن ساۋالعا جاۋاپ ىزدەپ كورەلىك.
وليمپيادا • 04 قازان, 2023
ءانۇراندى بەسىنشى رەت شىرقاتقان جۇيرىك
كەشە بوكسسۇيەر قاۋىم ءۇشىن اۋىر كۇن بولدى. ازيا ويىندارىنداعى قازاقستان بوكسشىلارىنا دەگەن تورەشىلەردىڭ شەشىمى كۇمان تۋعىزدى. بۇل دودادا اسلانبەك شىمبەرگەنوۆتىڭ جەرەبەسى تىم اۋىر ءتۇستى. العاشقى جەكپە-جەكتە جەرگىلىكتى بوكسشىمەن كەزدەستى. ەكىنشى جەكپە-جەگىندە الەم چەمپيونى وزبەك بوكسشىسىن ءۇش رەت نوكداۋن اشىپ جەڭىسكە جەتتى. ەندى مىنە, تاعى ءبىر الەم چەمپيونى جاپوندىق سەۆون وكازاۆامەن اراداعى ايقاسىنا الىپ-قوسارىمىز وتە كوپ. تورەشىلەر ءبىزدىڭ بوكسشىلارىمىزعا قيانات جاساپ, بۇرا تارتۋدان تايىنار ەمەس... ...ال جۋرناليستەر اراسىندا «التىن بالا» دەپ اتانىپ كەتكەن ۆەلوشاباندوزىمىز الەكسەي لۋتسەنكو ازيادادا ۇزدىك ناتيجە كورسەتىپ, قورجىنىمىزعا بەسىنشى التىندى سالدى.
سپورت • 02 قازان, 2023
بۇرناعى كۇنى حانچجوۋ قالاسىندا ءباسپاسوز ءماسليحاتى ءوتتى. وعان ازيا ويىندارىنىڭ كۇمىس جۇلدەگەرى بەكادىل شايمەردەنوۆ (كۋراش), قولا جۇلدەگەرلەر ساعىندىق توعامباي (بوكس) مەن سۋ دوبىنان قۇراما كاپيتانى ۆيكتوريا حريتانكوۆا قاتىسىپ, ازيا ويىندارىندا جۇرگەن ەلىمىزدىڭ باق وكىلدەرىنىڭ ساۋالدارىنا جاۋاپ بەردى.
وليمپيادا • 02 قازان, 2023
ازيا ويىندارى باستالار الدىندا ەسكەك ەسۋشىلەردەن تولاعاي تابىس كۇتكەنىمىز راس. سەبەبى العاشقى دەلەگاتسيانى الماتىدان حانچجوۋعا شىعارىپ سالۋ ءىس-شاراسى كەزىندە ماماندار بوكس, دزيۋدو, كۇرەس, نىسانا كوزدەۋ, سونىمەن قاتار كانوەدە ەسكەك ەسۋدەن بىرنەشە التىن مەدال الۋعا بولاتىنىن ايتقان ەدى. مامانداردىڭ بولجامى ءدال كەلدى دەسەك تە بولادى. ارينە, ەسكەك ەسۋشىلەر توپىرلاتىپ بىرنەشە التىن مەدال الماسا دا, كوڭىل كونشىتەرلىك ناتيجە كورسەتىپ جاتىر. جالپى, كەشە سپورتشىلارىمىز ەل قورجىنىنا 1 التىن, 2 كۇمىس جانە 5 قولا مەدال سالدى.
وليمپيادا • 02 قازان, 2023
قىتايدىڭ حانچجوۋ قالاسىندا ءوتىپ جاتقان ازيا ويىندارى بەل ورتاسىنان استى. جۇما, سەنبى, جەكسەنبى كۇندەرى قازاقستان قورجىنىنا 2 كۇمىس جانە 6 قولا مەدال ءتۇستى. ال بوكس كەشىندە قازاق-وزبەك تەكەتىرەسى قايتا جالعاستى. بۇل جولى 71 كيلو سالماقتا جۇدىرىقتاسقان اسلانبەك شىمبەرگەنوۆ شيرەك فينالدا وزبەكستاندىق اساحودجا مۋسوحودجاەۆتى ۇتتى. ۇتقاندا قالاي ۇتتى دەسەڭىزشى؟ ءۇشىنشى راۋندتا 3 نوكداۋن تىركەپ, كەزدەسۋدى مەرزىمىنەن بۇرىن اياقتادى. راس, ەكى راۋند بويى اسلانبەك قارسىلاسىن قانشا توپەلەسە دە, تورەشىلەر جەڭىستى وزبەك بوكسشىسىنا بەرىپ تۇرعان. الايدا شىمبەرگەنوۆ مىنەز كورسەتىپ, جەڭىستى ج ۇلىپ الدى.
سپورت • 29 قىركۇيەك, 2023
ازيا ويىندارىنىڭ بەسىنشى جارىس كۇنى ەل قۇراماسىنىڭ قورجىنىنا 2 التىن, 1 كۇمىس, 6 قولا مەدال ءتۇستى. بۇل جولى دا مەرگەندەرىمىز ءمۇلت كەتكەن جوق. قىزدار اراسىندا ەل نامىسىن قورعاعان زۋحرا يرنازاروۆا 10 مەترگە جىلجىمالى نىسانا كوزدەۋدەن ۇزدىك شىعىپ, التىن جۇلدەگە يە بولدى. ال ستەند اتۋ بويىنشا (Skid-ءمىح) ەدۋارد ەششەنكو مەن اسەم ورىنباي فينالدا كۋۆەيت قۇراماسىنان بەس ۇپاي ارتىق جيناپ, قازاقستان قورجىنىنا ءۇشىنشى التىن مەدال سالدى.
وليمپيادا • 27 قىركۇيەك, 2023
ازيادانىڭ ءتورشىنشى جارىس كۇنى ەل قۇراماسى ءۇشىن وتە ءساتتى باستالدى. ستەند اتۋدىڭ سكيد باعدارلاماسى بويىنشا قازاقستاننىڭ قىزدار قۇراماسى ەڭ كوپ ۇپاي جيناپ, سارى قۇرلىق ويىندارىنىڭ جەڭىمپازى اتاندى. سونداي-اق بۇل كۇنى 47 مەدال جيىنتىعى ساراپقا سالىنسا, سونىڭ 21 سپورت تۇرىنەن ءبىزدىڭ ساڭلاقتار سىنعا ءتۇسىپ, 1 التىن, 3 قولا مەدال جەڭىپ الدى.
وليمپيادا • 26 قىركۇيەك, 2023
الاش جۇرتى اقجولتاي حاباردى اسىعا كۇتىپ وتىر
حانچجوۋداعى ءدۇبىرلى دودانىڭ ءۇشىنشى كۇنىنەن دە تىم ءۇمىتسىز ەمەس ەدىك. بۇل كۇنى 31 مەدال جيىنتىعى ساراپقا سالىنسا, قازاقستان سپورتشىلارى 18 سپورت تۇرىنەن باق سىنادى. كەشە سپورتشىلارىمىز 1 كۇمىس جانە 3 قولا مەدال ەنشىلەپ, مەدالدار جيىنتىعىن كوبەيتىپ جاتقانىمىزدا, قىرعىزستان مەن تاجىكستان العاشقى التىندى جەڭىپ الدى. التىننىڭ اۋىلى الىستاعان سايىن ۋايىمدا كۇشەيە باستادى. دەگەنمەن, دودادا جۇرگەن ماماندار التىن الاتىن سپورتشىلارىمىز ءالى كوپ دەپ وتىر.
