ونەر • 02 شىلدە, 2021
ءبىزدىڭ ءباھادۇر بابالارىمىز جاۋىن جەر جاستاندىرماي مايدان دالاسىن بوساتپاعان. اتقا قونسا اتويلاپ العا شىعار, تاقىمىنداعى تۇلپارى تۋلاسا تالاي ەلدىڭ تۋ-تالاقايىن شىعارار الىپ رۋحتىڭ يەسى ولار. سول الىپ رۋحتىڭ كورىنەر تاعى ءبىر تۇسى – كوكپار ويىنى. باتىر دا ەرجۇرەك ەرلەردىڭ مايداننان بولەك سىنالار ءساتى – سول نامىس دودا. قاراڭىزشى, جۇرتتىڭ جانىن راحاتقا بولەيتىن كونە ويىننىڭ كەنەپ بەتىندەگى كەسكىنى قانىڭدى قىزدىرادى.
ونەر • 02 شىلدە, 2021
قاسيەتىڭنەن اينالايىن, دومبىرا!
شەجىرەلى شاناعىڭا تالايلى تاريحىمدى سىيعىزعان سەن امان بول – دومبىرا! ۇلى دالانى داڭققا بولەگەن سەنىڭ بولمىسىندا قازاقتىڭ ناركەسكەن نامىسى بار. الپ-الپ باسقان اتانداي بۋىرقانعان بابالاردىڭ مىڭجىلدىقتان بەرى سەنىمى سەن ەدىڭ, سەرىگىڭ مەن ەدىم! سەنى سول ءۇشىن دە جانىما مەدەت, رۋحىما سايا تۇتامىن. قاسيەتىڭنىڭ سالماعىن قاراتاۋمەن ولشەمەسەم, ماعان سەرت, قادىرىمدى الاتاۋعا تەڭگەرمەسەڭ, ساعان سەرت. باعزىدان ايان, ءناسىلى اسىل ەلىم سەن دەگەندە كوڭىلىن كوكجيەككە سۇڭگىتىپ, سازىڭنان جانىنا شيپا ىزدەگەن. قوس ىشەگىڭنەن توگىلگەن تولقىن ساقي دۇنيەنىڭ ءتىلى مەن ءتىنى بولىپ مىنا قۇس تۇمسىعىنداي قىسقا جالعاننىڭ جان جاراسىن جازعان جوق پا؟! سەن سول ءۇشىن دە قىمباتسىڭ ماعان! قاسيەتىڭنەن اينالايىن, دومبىرا!
ادەبيەت • 17 ماۋسىم, 2021
قيماس كوزدەردىڭ قاراشىعىندا...
بىزدىڭشە ەڭ مىقتى اقىن – قالپاعىن قايدا جانە قالاي ىلەتىنىن بىلەتىن اقىن. قالعانى كەلەسى ءبىر اڭگىمەنىڭ باسى عانا. ءدال قازىر پوەزياعا پايدام ءتيسىن دەپ جازۋدىڭ قاجەتى جوق. جۇرەكتەگى ءجۇزى جىلى ويلار كەلەسى ءبىر جۇرەككە جۇپ بولعاننان ارتىق ءسات بار ما ءوزى؟! ادەتتەگى ولەڭدى ءومىردىڭ وزىمەن تۇتاستىرىپ, جۇرەكتى شىمشىلاتىپ كەز كەلگەن ادام جازا الادى. ادەتتەگى ولەڭ – جاقسى ولەڭ بولۋى دا مۇمكىن, بىراق سۇلۋدىڭ ءبارى سۇلۋ ما؟ ونى دا ويلانىڭىز. سوندىقتان دا شىعار ونىڭ ولەڭى ءومىردى, ءومىرى ولەڭدى ەسكە سالادى. ءبىزدى دە ەلىتەتىنى سول.
ەلباسى • 11 ناۋرىز, 2021
ءتاۋ ەتەر تاۋەلسىزدىككە قول جەتكەن سوڭ ۇلتتىق مادەنيەت پەن ۇلان-بايتاق ءداستۇردى تانۋعا ۇمتىلىس باستالدى. ۇلتتىق دامۋدىڭ سەمىپ قالعان تامىرىنا قايتا ءنار قۇيىلىپ, وركەنيەتتىڭ ءتاجى تۇعىرعا قوندى. وتكەندى مۇقيات زەردەلەمەي كەلەشەكتىڭ كەمەلدەنبەسىن ۇقتىق. مەملەكەتىمىزدىڭ تاريحي باستاۋلارىنا ساپار شەگىپ, قۇس قاناتى تالاتىن ۇلى دالانى قورعاپ قالعان باعزى بابالارىمىزعا تاعزىم جاسادىق. سول تيەكتى تاعىلىمعا «مادەني مۇرا» مەملەكەتتىك باعدارلاماسى مۇرىندىق بولدى. بۇل تاۋەكەل ەل مۇددەسىن كوزدەگەن ەڭ ۇلى وقيعالار شەرۋىنە ۇلاستى.
