ەجەلگى ءداۋىر ەلەسى

1980 جىلى قازاق كسر عىلىم اكادەمياسى تاريح, ارحەولوگيا جانە ەتنوگرافيا ينستيتۋتىنىڭ وڭتۇستىك قازاقستان كەشەندى ارحەولوگيالىق ەكسپەدي­تسياسى اتاقتى ارحەولوگ ك.بايپاقوۆتىڭ جە­تەك­شىلىگىمەن قۇيرىق توبە قالاشى-­
عىنداعى (وتىراردان باتىسقا قاراي
6 كم جەردە ورنالاسقان) قازبا جۇمىس­تارى كەزىندە بەتىندە ورنەكتەر بەينە­لەن­گەن اعاش تاقتايلار انىقتالعان. وتى­رار القا­بىندا قازىلعان قۇيرىق توبە سا­رايى تارباند-وتىرار يەلىگىندە وتىر­عان تۇركى بيلەۋشىلەرىنىڭ ورداسى بولىپ تابىلادى.

قۇيرىق توبە قالاشىعى اۋماعىندا ءتورت ءزاۋلىم عيباداتحانا مەن تۇرعىن جاي ورىندارى اشىلعان. سارايداعى قاز­با جۇمىستارى بارىسىندا ورتالىق سال­تانات بولمەسىنەن تابىلعان اعاش تاق­تايلاردا ءدىني جانە زايىرلى ءومىر ساح­­نالارىنىڭ بەينەلەرى ويىلىپ سالىنعان.

ءىح-ءحى عع. فاراب ءوڭىرىنىڭ استاناسى بولعان قۇيرىق توبە قالا­سىن­دا جۇر­گى-­
زىلگەن ارحەولوگيالىق قازبا جۇ­مىس­­تا­رىنىڭ ناتيجەسىندە ساراي كە­شە­نى­نىڭ ورنى اشىلعان. تۇتاس كوم­پو­زي­­تسيا بەينەلەنگەن سالتانات بول­مە­سى­­نىڭ قابىرعاسىن كورىنىسپەن بەزەن­دى­رى­­لۋى ەرەكشە. عالىمداردىڭ پىكىرىن­شە, تاق­­تايشالارداعى بەينەلەر تۇركى تايپا­لارىنىڭ بەلگىلى اقسۇيەك وكىلدەرى بولعان.