پىكىر • 08 ماۋسىم, 2023
مەملەكەت باسشىسى وتكەن جىلدىڭ اياعىندا «جاڭا ادامدار» اتتى جاستار قوزعالىسىنىڭ بەلسەندى وكىلدەرىمەن جۇزدەستى. قازىرگى جاستاردىڭ قوعام ومىرىنە بەلسەنە ارالاسىپ, ءوز ۇستانىمىنا بەرىك بولۋى تۋرالى ءسوز قوزعادى. سوندا پرەزيدەنت: ء«بىزدىڭ كورنەكتى اقىنىمىز ماعجان جۇماباەۆتىڭ «مەن جاستارعا سەنەمىن» دەگەن ولەڭى بار. شىن مانىندە, مەن دە جاستارعا سەنەمىن. بارشاڭىزدى قولدايمىن. راسىندا, ءبىزدىڭ ەلىمىزگە بەلسەندى, ءبىلىمدى, كوزى اشىق, كوكىرەگى وياۋ جاستار كەرەك. ەلىمىزدىڭ بولاشاعى جاستاردىڭ قولىندا», دەگەن ەدى.
جادىگەر • 07 ماۋسىم, 2023
اۋعان مۇحامەد سۇلتاننىڭ كەسەنەسى
رەسەي فەدەراتسياسى ريازان وبلىسىنا قاراستى قاسىموۆ ولكەسىندە ەجەلگى تاريحىمىزدىڭ ءىزى جاتىر. سونىڭ ءبىرى – اۋعان مۇحامەد سۇلتان كەسەنەسى. بۇل تاريحي نىساندى سۇلتان دۇنيەدەن وتكەننەن كەيىن ءبىر جىلدان سوڭ, ياعني 1649 جىلى جارى التىن حانشا تۇرعىزعان ەكەن.
تاريح • 06 ماۋسىم, 2023
وتكەن حح عاسىر باسىندا الەم تاريحىندا اسا كۇردەلى وزگەرىستەر ورىن الدى. سونىڭ العاشقىسى – 1905-1907 جىلدارى پاتشالىق رەسەيدە تولقۋ تۋدىرعان ءبىرىنشى توڭكەرىس بولسا, ەكىنشىسى – 1911 جىلى تسيندىك قىتاي ەلىندە ءۇش ءجۇز جىل ۇستەمدىك جۇرگىزگەن ءمانجى بيلىگى قۇلاپ, قوعامدىق-ساياسي احۋالدىڭ وزگەرۋى. وسى تۇستا جاڭادان قۇرىلعان قىتاي مەملەكەتىن ىقپالدى اسكەري گەنەرالدار, ساياساتكەرلەر جەكە-جەكە ءبولىپ الىپ بيلەۋگە كوشتى. اتاپ ايتقاندا, سىچۋان پروۆينتسياسىن ءبىر گەنەرال مەنشىكتەپ السا, تاعى ءبىر گەنەرال يۋان شيكاي پارلامەنتتى تاراتىپ, ەلدىڭ نەگىزگى بولىگىن ءوزىنىڭ باسقارۋىنا كوشىردى. ال شىڭجان ولكەسى مەن موڭعوليا ۋاقىتشا بۋفەرلىك كۇيدە بولدى.
پىكىر • 01 ماۋسىم, 2023
اتامىز قازاق «بىرلىك بار جەردە – بەرەكە بار» دەپ تەگىن ايتپاعان. سول سياقتى ويشىل-كەمەڭگەر اباي اتامىز ءوزىنىڭ التىنشى قاراسوزىندە, «بىرلىك دەگەنىمىز – مالعا (دۇنيەگە) بىرلىك ەمەس, اقىلعا بىرلىك» دەگەن كورەگەن تۇجىرىمىن ايتا وتىرىپ: «بىرلىك مالعا ساتىلسا, ناعىز انتۇرعاندىقتىڭ باسى وسى», دەيدى. ال اتاقتى بۇقار جىراۋ بابامىز, التى الاشتىڭ بالاسىن بەرەكە-بىرلىككە شاقىرىپ: «اينالا الماي ات ءولسىن, ايىرا الماي جات ءولسىن, جات بويىنان ءتۇڭىلسىن, ءبارىڭىز ءبىر ەنەدەن تۋعانداي بولىڭىز!», – دەپ تولعاسا, شىعىس حالىقتارى كوپ ايتاتىن: «بىرلىگى مىعىم ساۋىسقان – بۇعى اۋلايدى», دەگەن ءتامسىلدىڭ دە ماڭىزى زور.
تانىم • 30 مامىر, 2023
جامبى كونە تۇرىك تىلىندە «يامبۋ», ياعني قۇيمالى التىن نەمەسە كۇمىس ۇعىمىن بىلدىرەدى. جامبى ءىرى قارا نەمەسە ۇساق مالدىڭ تۇياعى مۇسىندەس بولعاندىقتان, تايتۇياق, قويتۇياق, اتتۇياق, اسىق جامبى, بەسىك جامبى, تۇيەكوز جامبى, قويباس جامبى, ت.ب. دەپ اتالعان.
رۋحانيات • 23 مامىر, 2023
اتام قازاقتىڭ اۋىزەكى سوزىندە «جۇيرىك باپتاپ, شايقالتىپ جورعا مىنگەن» دەگەن تەڭەۋ بار. مۇنداعى «جورعا» ۇعىمى جىلقىنىڭ قوزعالىسىن بىلدىرەتىن ءجۇرىس ءتۇرى.
جادىگەر • 22 مامىر, 2023
استانا قالاسىنداعى يۋنۋس ەمرە اتىنداعى تۇرىك مادەني ورتالىعى وتكەن جىلدارى ەلوردا تورىندە «وسمانلى مەملەكەتى مەن ورتا ازيا حاندىقتارى قارىم-قاتىناس قۇجاتتارى» اتتى كورمە ۇيىمداستىردى. وسىندا 1703 جىلدان 1730 جىلعا دەيىن وسمانلى يمپەرياسىنا بيلىك جۇرگىزگەن ءىىى احمەت سۇلتانعا جولدانعان قازاق حانى قايىپتىڭ حاتتارى قويىلدى.
پىكىر • 21 مامىر, 2023
مەملەكەت باسشىسى قاسىم-جومارت توقاەۆ جۋىردا ەلىمىزدىڭ الەۋمەتتىك-ەكونوميكالىق دامۋ ماسەلەلەر جونىندەگى كەڭەيتىلگەن كەڭەستە كۇردەلەنگەن ەكونوميكالىق سالالارعا توقتالا وتىرىپ, بۇگىنگى قوعامداعى وتباسى تاربيەسىنە قاتىستى مىناداي وي ايتتى:
تاريح • 11 مامىر, 2023
قازاق ورداسىنداعى حان سايلاۋ ءداستۇرى
قازاق قوعامىنىڭ بەرىك ۇستىندارىنىڭ ءبىرى – حان سايلاۋ ءداستۇرى. بيلىك الماسۋدىڭ مۇنداي وزگەشە ۇلگىسى ەركىندىگى مول كوشپەلى اسكەري جاۋىنگەرلىك ورتادا ايرىقشا ۇتىمدى بولىپ شىعادى, اعايىننىڭ تاتۋلىعىن, ەلدىڭ بىرلىگىن قامتاماسىز ەتەدى, ولگەن ءامىرشىنىڭ ارتىندا قالعان بالالاردىڭ نەمەسە كولدەنەڭ ۇمىتكەرلەردىڭ ءوزارا قىرقىسىنا جول بەرمەيدى. ەڭ باستىسى, ۇلىس بيلىگى بارلىق ۋاقىتتا دا كامەلەتتەن وزعان, ءبىرشاما تاجىريبە جيناقتاعان, بەدەلدى, جاۋىنگەر ادامنىڭ قولىندا بولادى.
رۋحانيات • 11 مامىر, 2023
رەسەي ساۋداسى كەلمەي تۇرعاندا شىعىستا قىتايدان, تۇستىكتە بۇحار ولكەسىنەن كەلەتىن كەرۋەندەر حالىقتىڭ سۇرانىسىن قاناعاتتاندىرىپ تۇرعان. ءارى كۇزدە سولتۇستىكتەگى قازاق مالشىلارى ءوزىنىڭ ءجۇن-جۇرقاسىن تۇيەگە قومداپ, وڭتۇستىككە اتتاناتىن. ءار ۇيدەن, اۋىلدان بەلگىلى ازاماتتار ەرە شىعادى. وسى كەرۋەندى حالىق اراسىندا «اق شوم» دەپ اتاعان.
