مىڭ جىل بۇرىنعى جادىگەرلەر تابىلدى

استانا. 12 مامىر. فينليانديانىڭ وڭتۇستىگىندەگى حيامەەنكوسكي  پروۆينتسياسىنان مىڭ جىل ۋاقىت بۇرىنعى تيىندار تابىلدى. بۇل تۋرالى 24.kz-كە سىلتەمە جاساعان egemen.kz ءتىلشىسى حابارلادى. مامانداردىڭ ايتۋىنشا, تاريحي جادىگەرلەر ۆيكينگتەرگە تيەسىلى بولعان. قازبا جۇمىستارى كەزىندە بارلىعى 300 تيىن تابىلدى. عالىمدار ولاردىڭ جاقسى كۇيدە ساقتالعانى زەرتتەۋ جۇمىستارىنىڭ دا ناتيجەلى بولۋىنا ىقپالىن تيگىزەتىنىن ايتتى. سونىمەن قاتار, اراسىنان ۆيزانتيالىق تيىنداردىڭ دا بار ەكەنى انىقتالدى. ارحەولوگتاردىڭ بولجامى بويىنشا, قۇندى زاتتاردىڭ سول تۇستاعى يەسى ادەيى جاسىرىپ قويعان. ول كەزەڭدەگى تۇرعىندار مۇنداي قادامعا ءجيى بارىپ تۇرعان. ايتا كەتەيىك, ۆيكينگتەر – نورۆەگتەردىڭ, داتتاردىڭ, شۆەدتەردىڭ ارعى اتا-بابالارى بولىپ ەسەپتەلەدى. مالىمەتتەر بويىنشا, بۇل ءسوزدىڭ تىكەلەي اۋدارماسى «قويناۋدان شىققان ادام» دەگەن ماعىنا بەرەدى. سول تۇستارى قويناۋلار مەن شىعاناقتاردا جاسىرىنىپ جۇرەتىن تەڭىز قاراقشىلارىن وسىلاي اتاعان. ايان ءابدۋالي. دەرەك, فوتو: 24.kz.