ۇشەمدەر اياداي بولمەدە تۇرادى

وسىدان ءبىر-ەكى اي شاماسى  بۇرىن ەكىباستۇز قالاسىنا قا­راستى سولنەچنىي كەنتىندە ۆيلەن, ەلەن, گەنريح اتتى ۇشەمدەر ومىرگە كەلگەنىن, ولار­دىڭ اتا-انالارىمەن بىرگە قيىن جاعدايدا تۇرىپ جاتقاندارىن جازعان بولاتىنبىز. كوپ ۇزاماي-اق ۇشەمدەردىڭ اكەلەرى ۆالەنتين تولماچەۆ جۇمىس جاسايتىن گرەس-2 ستانساسىنىڭ باسشىلىعى بۇل وتباسىنا 5 بولمەلى پاتەر كىلتىن تاپسىرعان ەدى. ەندى, مىنە, اللانىڭ شاپاعاتى ءتيىپ, جانار اتتى كىشكەنتاي سۇيكىمدى قىزدارى بار مەدەت پەن قارلىعاش تانكەشوۆتەردىڭ وتباسىندا دا ۇشەم دۇنيەگە كەلدى. پاتەرلەرى جوق جاستار قازىر وبلىس ورتالىعىنداعى  جاتاقحانانىڭ اياداي عانا بولمەسىندە تۇرىپ جاتىر.  ۇشەمنىڭ اكەسى مەدەت بولسا الپاۋىت  زاۋىت – «قازاقستان ءاليۋمينيى» اق-تا ەڭبەك ەتەدى. ازىرگە ول جاقتان كەلگەن كومەكتىڭ قۇنى 100 مىڭ تەڭگەمەن شەكتەلىپتى... ۇشەم تابۋ قازىر تاڭسىق ەمەس دەگەندەي, جەرگىلىكتى اكىم-قارالاردىڭ ءوزى توبە كورسەتە قويماپتى. بۇگىندە بۇل سابيلەردى جۋىندىرىپ, باعىپ-قاعۋدىڭ ءوزى جاس اناعا ابدەن قيىنعا تۇسەتىنى كورىنىپ تۇر. ءبىز الداعى ۋاقىتتا قالا اكىمدىگى مەن كاسىپورىن وكىلدەرى ۇشەمدەر تۇرىپ جاتقان اياداي بولمەنى ءوز كوزدەرىمەن كورىپ, ويلانار, كومەكتەسەر دەگەن جاقسى ويدامىز. فاريدا بىقاي, پاۆلودار.