جانىمىزدى جادىراتقان جاڭالىق

پرەمەر-مينيستر كارىم ءماسىموۆتىڭ قاتىسۋىمەن وتكەن ءبىلىم جانە عىلىم مينيس­تر­لىگىنىڭ القا ءما­جىلىسى ءبىزدىڭ كو­كەيىمىزدە ءجۇر­گەن ماسەلە­لەر­دى ءدوپ باسىپ, كوڭىلىمىزدەن شىقتى. باسەكەگە قابىلەتتىلىكتىڭ باس­تى كورسەتكىشى – ستۋدەنت جاستاردىڭ ءبىلىم دەڭگەيىنىڭ حا­لىقارالىق تالاپتارعا ساي بو­لىپ, ولاردىڭ ىزەتتى, ءتار­بيە­لى تۇلعالار بولىپ قالىپ­تاسۋى. ستۋدەنتتەر كۇنى ەرتەڭ-اق بىلىكتى مامان اتانىپ, ءون­دى­رىستىك جانە الەۋمەتتىك سالا­لار­دى باسقارۋ جۇيەسىن ءوز قول­دارىنا الادى. سوندىقتان, جاستارعا بارىنشا جاعداي جا­ساۋدى ەلباسىمىز ەجەلدەن اي­تىپ, سوعان ساي جاعداي تۋعى­زىپ كەلەدى. جىل سايىنعى «بو­لاشاق» باعدارلاماسى ار­قى­لى جاستاردىڭ شەت مەملەكەتتەردە جان-جاقتى تەرەڭ ءبىلىم الۋى, استانا قالاسىندا «نازارباەۆ ۋنيۆەرسيتەتىنىڭ» اشىلۋى جاستاردىڭ تالابىن ۇش­تاپ, ءبىلىم كوكجيەگىندە قۇ­لاشىن جايۋىنا جاعداي جاساپ وتىر. «ءۇيى جوقتىڭ كۇيى جوق» دەگەندەي, جوعارى وقۋ ورنىندا وقىپ جۇرگەن كوپتەگەن جاستار باسپانا قيىندىعىن كورىپ جا­تاتىنى جاسىرىن ەمەس. الەۋ­مەتتىك جاعىنان از قامتا­ما­سىز ەتىلگەن توپقا جاتاتىن ستۋدەنتتەر ءۇشىن پاتەر جالداپ تۇرۋ وڭايعا سوقپايدى. وسى ورايدا پرەمەر-ءمينيستردىڭ «ستۋدەنتتىك باسپانا» ماسەلە­سىن كوتەرۋى بارشا ستۋدەنتتەر قاۋىمىن قۋانىشقا بولەدى. سونداي-اق, ستۋدەنتتەردىڭ قو­عامدىق كولىكتەردە كوپ ءجۇ­رەتىنى بارشامىزعا ايان. سەبەبى, ءبىلىم ىزدەگەن جاستار كىتاپحانا, مۇراجاي, سپورت كەشەندەرى, عىلىمي ىزدەنىس جۇمىس­تارىمەن اينالىسۋ ماقسا­تىن­دا قوعامدىق كولىكتەرگە ءجيى ءمى­نۋگە ءماجبۇر. وسى تۇستا ستۋ­دەنت جاستارعا قوعامدىق كو­لىكتە جەڭىلدىكپەن ءجۇرۋ قا­راس­تىرىلسا قۇبا-قۇپ بولارى انىق. ەلباسىنىڭ سارابدال سايا­سا­تىنىڭ, جاستارعا دەگەن جان­اشىرلىعىنىڭ دالەلى – جىل سايىن ستۋدەنتتەر شاكىرتا­قى­سىن ساتىلاپ ءوسىرىپ وتىرۋى دەر ەدىك. جاڭا جىلدىڭ جا­عىم­دى, جانىمىزعا شۋاق توك­كەن جاڭالىعى, ياعني شاكىرت­اقىمىزدىڭ 30 پايىزعا كوتە­رىلگەنى بىلىمگە دەگەن ىنتا-ءجى­گە­رىمىزدى ارتتىرا تۇسكەنى ءسوزسىز. جەتى ماماندىق بويىنشا حالىقارالىق اسين اككرەديتاتسيالاۋ اگەنتتىگىنىڭ سەر­تي­فيكاتىنا يە بولعان ءبىزدىڭ م.اۋەزوۆ اتىنداعى وقمۋ ەلى­مىزدىڭ قارىشتاپ دامۋىنا اتسالىساتىن تالاي جاس دا­رىنداردى دايارلاپ كەلەدى. ءبۇ­گىنگى كۇنى ۋنيۆەرسيتەتىمىزدىڭ كۇندىزگى بولىمىندە 12500 ستۋدەنت ءبىلىم السا, ونىڭ 8504-ءى مەملەكەتتىك گرانت يەگەرى بو­لىپ تابىلادى. ءبىر ءبىزدىڭ ۋني­ۆەرسيتەتتىڭ وزىندە 8504 ستۋدەنت پرەزيدەنت قامقورلى­عى­نا بولەنىپ, تەگىن ءبىلىم الۋ قۇقىعىنا يە بولعان. ەلىنىڭ كەلەشەگى ءۇشىن بارلىق جاع­داي­لاردى جاساپ, قولداپ وت­ىرعان ەلباسىنىڭ ءۇمىتىن اق­تاۋ جولىندا ەسەلى ەڭبەك ەتەتىن وجەت جاستاردىڭ كوبەيە تۇسەتىنى ءسوزسىز. جاقسى اعالارىمىز جاس­تاردىڭ جاعدايىن ويلاستى­رىپ جاتىر. قازىر دە ءبىز ەشتەنەدەن كەمدىك كوردىك دەمەيمىز. جىل سايىن جاعدايىمىز جاق­سارىپ كەلەدى. ءبىزدىڭ بۇگىنگى مىندەت – جاقسى وقىپ, سانالى تاربيە الۋ. ۇكىمەت باسشى­سى­نىڭ مينيسترلىككە “ستۋدەنتتىك باسپانا” باعدارلاماسىن جاساۋدى تاپسىرۋى قۇرداس­تا­رى­مىزدىڭ قۋانىشىنا ۇلا­سىپ جاتىر. زامانبەك ورىنبەكوۆ, م.اۋەزوۆ اتىنداعى وقمۋ, حيميا-تەحنولوگيالىق فاكۋلتەتىنىڭ 3-كۋرس ستۋدەنتى. شىمكەنت.