جەتى ايدا ارداگەرلەرگە ءۇي سالىپ بەردى

ءسويتىپ, ۇلى وتان  سوعى­سى­نا قاتىسقان مايدانگەر اتالار جاڭا جىلدىڭ الدىندا قونىس تويلا­رىن تويلادى. وبلىس اكى­مى با­قىت­جان ساعىنتاەۆ وتكەن جىلعى 9 ما­مىردا ۋادە ەتكەن سوزىندە تۇر­دى. وبلىس ورتا­لى­عىندا پاي­دا­لانۋعا بەرىلگەن تۇر­عىن ءۇيدىڭ پاتەر كىلتتەرىن 108  ارداگەرگە ءوز قولىمەن سال­تا­ناتتى تۇردە تابىس ەتتى. جاڭا تۇرعىن ءۇيدى سالۋ ءۇش­ىن وبلىستىق بيۋدجەتتەن 460,8 ميلليون تەڭگە ءبولىندى. ءۇيدىڭ ءبىرىنشى قاباتىندا ارداگەرلەرگە ار­نال­عان مەديتسينالىق ورتال­ىق,  از­ىق-ت ۇلىك ونىمدەرىن ساتا­تىن ءدۇ­كەن جۇمىس ىستەيدى. بۇل جەردە  اتا-اجەلەردىڭ باسقو­سىپ, اڭگى­مە-دۇكەن قۇراتىن دەم­الىس ءبول­مەلەرى بار. ارداگەرلەر شاحمات, توعىزقۇمالاق, دوي­بى ويناپ, دوم­بىرا, بايان سەكىلدى مۋزى­كا­لىق اسپاپتاردا ءان شىرقاۋعا مۇمكىندىك الدى. جو­عارى قابات­تارعا ەش قيىن­دىق­سىز كوتەرىلۋى ءۇشىن قازىرگى زامان تالابىنا ساي جابدىق­تال­عان ءليفتى جۇمىس ىستەيدى. قار­تايعان شاقتارىندا قول­­دا­رىن جىلى سۋعا مالعىزا­تىن جاي­لى پاتەرلەرگە قول جەتكىزگەن ارداگەرلەر مازان مۋسين, نيكولاي گارۋسوۆ, الەكساندر سۇل­تانعازيندەر  يگى تىلەكتەر اي­تىپ, باتالارىن بەردى. پاتەر كىلتىنە يە بولعانداردىڭ ءبىرى – بايا­ن­اۋىلدىق تاۋەكەل ءابجانوۆ اقسا­قال ەلبا­سىنىڭ جانە وب­لىس باس­شىلى­عى­نىڭ قامقور­لىق­تارىنا ارداگەرلەر دە ءار­قاشان ساپتا ەكە­نىن قۋا­نىشتى كوڭىل-كۇيمەن جەتكىزدى. فاريدا بىقاي, پاۆلودار.