قازاقستان رەسپۋبليكاسى مادەنيەت جانە سپورت مينيسترلىگىنىڭ بۇيرىعى  №3 

2016 جىلعى 8 قاڭتار, استانا قالاسى «ءدىنتانۋ ساراپتاماسىن جۇرگىزۋ قاعيدالارىن بەكىتۋ تۋرالى» قازاقستان رەسپۋبليكاسى مادەنيەت جانە سپورت ءمينيسترىنىڭ 2014 جىلعى 30 جەلتوقسانداعى № 162 بۇيرىعىنا وزگەرىستەر مەن تولىقتىرۋ ەنگىزۋ تۋرالى «نورماتيۆتىك قۇقىقتىق اكتىلەر تۋرالى» 1998 جىلعى 24 ناۋرىزداعى قازاقستان رەسپۋبليكاسى زاڭىنىڭ 43-1-بابى 1-تارماعىنا سايكەس بۇيىرامىن: 1. «ءدىنتانۋ ساراپتاماسىن جۇرگىزۋ قاعيدالارىن بەكىتۋ تۋرالى» قازاقستان رەسپۋبليكاسى مادەنيەت جانە سپورت ءمينيسترىنىڭ 2014 جىلعى 30 جەلتوقسانداعى № 162 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ رەەسترىندە № 10184 تىركەلگەن, «ەگەمەن قازاقستان» گازەتىندە 2015 جىلعى 19 مامىرداعى № 91 (28569) جاريالانعان) مىناداي وزگەرىستەر مەن تولىقتىرۋ ەنگىزىلسىن: كورسەتىلگەن بۇيرىقپەن بەكىتىلگەن ءدىنتانۋ ساراپتاماسىن جۇرگىزۋ قاعيدالارىنىڭ: 2-تارماعى مىناداي رەداكتسيادا جازىلسىن: «2. دىنتانۋ ساراپتاماسىنىڭ (بۇدان ءارى – ساراپتاما) جۇرگىزىلۋىن قازاقستان رەسپۋبليكاسىنىڭ مادەنيەت جانە سپورت مينيسترلىگىنىڭ ءدىن ىستەرى كوميتەتى (بۇدان ءارى – ۋاكىلەتتى ورگان) قامتاماسىز ەتەدى.»; مىناداي مازمۇنداعى 8-1-تارماقپەن تولىقتىرىلسىن: «8-1. ساراپتاما جۇرگiزۋ مەرزىمى وسى قاعيدالاردىڭ 11-تارماعىندا قاراستىرىلعان جاعدايلاردا 30 (وتىز) كۇنتىزبەلىك كۇنگە ۇزارتىلادى. ۋاكىلەتتى ورگان ساراپتاما جۇرگىزۋ مەرزىمىن ۇزارتقاننان كەيىن, وسى قاعيدالاردىڭ 11-تارماعىندا قاراستىرىلعان سۇراۋ سالۋلار جولداعان كۇننەن باستاپ 3 ء(ۇش) جۇمىس كۇنى ىشىندە ءوتىنىش بەرۋشىگە جازباشا حابارلايدى.»; 10-تارماق مىناداي رەداكتسيادا جازىلسىن: «10. ۋاكىلەتتى ورگان ساراپشىعا (ساراپشىلارعا, ساراپشىلار توبىنىڭ مۇشەلەرىنە) وبەكت بويىنشا ساراپتاما جۇرگىزۋ ءۇشىن سۇراقتار تىزبەسىن ۇسىنادى.»; 2. قازاقستان رەسپۋبليكاسى مادەنيەت جانە سپورت مينيسترلىگىنىڭ ءدىن ىستەرى كوميتەتىنە بەلگىلەنگەن زاڭنامالىق تارتىپتە: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى مەملەكەتتىك تىركەۋدەن كەيىن ون كۇنتىزبەلىك كۇن ىشىندە «ادىلەت» اقپاراتتىق-قۇقىقتىق جۇيەسىنە جانە مەرزىمدى باسپا باسىلىمدارىنا رەسمي جاريالاۋ ءۇشىن وسى بۇيرىقتىڭ ەلتاڭبالى مورمەن كۋالاندىرىلعان قاعازداعى داناسىنىڭ كوشىرمەسى قوسا بەرىلەتىن ەلەكتروندىق جەتكىزگىشتەگى كوشىرمەلەرىن جولداۋدى; 3) وسى بۇيرىقتى رەسمي جاريالانعاننان كەيىن قازاقستان رەسپۋبليكاسى مادەنيەت جانە سپورت مينيسترلىگىنىڭ ينتەرنەت-رەسۋرستارىندا ورنالاستىرۋدى; 4) وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ءىس-شارالاردى ورىنداعاننان كەيىن ون جۇمىس كۇنى ىشىندە قازاقستان رەسپۋبليكاسى مادەنيەت جانە سپورت مينيسترلىگىنىڭ زاڭ قىزمەتى دەپارتامەنتىنە ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن مادەنيەت جانە سپورت ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇننەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ مادەنيەت جانە سپورت ءمينيسترىنىڭ مىندەتىن اتقارۋشى م.ءازىلحانوۆ بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 9 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13028 بولىپ ەنگىزىلدى.