اقتوبە. 4 مامىر. اقتوبەگە قىزىلوردا وبلىسىنان 200-گە تارتا دەلەگات كەلدى. بۇل تۋرالى egemen.kz ءتىلشىسى حابارلادى.
ولاردىڭ اراسىندا «ارال تۇز», «سىر مارجانى» سەكىلدى بەلگىلى شارۋاشىلىقتاردىڭ وكىلدەرى بار. قىزىلوردالىق دەلەگاتتاردىڭ 120-سى — ونەرپازدار. ولاردىڭ قاتارىندا قىزىلورداداعى تۇرماعانبەت ىزتىلەۋوۆ اتىنداعى ۇلت اسپاپتار وركەسترى, كامەرالىق حور جانە «توميريس» بي ءانسامبلى ۇجىمدارى, جىراۋلار مەن انشىلەر بار.
ولار قىزىلوردالىق دجەلەگاتسيا وكىلدەرى سالا – سالاعا ءبولىنىپ, اۋماقتىڭ ەكونوميكالىق –الەۋمەتتىك جانە مادەني – سپورتتىق الەۋەتىمەن تانىستى. ونەركاىسىپ سالاسىنىڭ وكىلدەرى قالاداعى بارلىق ينفراقۇرىلىمى جۇرگىزىلگەن يندۋستريالىق ايماقتا, «اقتوبە مۇناي قوندىرعىلارى جانە سورعىلار دايىنداۋ», «ەكوتونباتىس», «نازار ترەيلەر», «كاسپي پليۋس» جاۋاپكەرشىلىگى شەكتەۋلى سەرىكتەستىگى سياقتى ىرگەلى كاسىپورىنداردا بولدى. ال, اۋىل شاراۋشىلىعى سالاسى ماماندارىن «اقتوبە جىلىجاي» جشس-ءنىڭ كوكونىس ءوندىرىسى مەن «اكتەپ»جشس-ءنىڭ مال بورداقىلاۋ الاڭى مەن ەت كومبيناتى قىزىقتىردى
وسى زامانعا مەديتسينالىق قوندىرعىلارمەن جابدىقتالعان «دارۋ» وڭالتۋ ورتالىعىن, وبلىستىق ەرەسەكتەر اۋرۋحانانسىن جانە قۇرىلىسى باستالعان وفتالمالوگيالىق اۋرۋحانا جۇمىسىمەن تانىسقانق قىزىلوردالىقتار وڭىردە مەديتسينالىق كلاستەر جانە مەديتسينالىق تۋريزم قۇرۋ جوباسىنىڭ نەگىزسىز ەمەس ەكەنىنە كوز جەتكىزدى.
قىزىلوردا وبلىسىنىڭ اقتوبەدەگى كۇندەرى اياسىندا «نۇروتان» پارتياسى وبلىستىق فيليالىندا ءوڭىر باسشىسى بەردىبەك ساپارباەۆتىڭ قاتىسۋىمەن دوڭگەلەك ۇستەل ۇيىمداستىرىلدى. دوڭگەلەك ۇستەل بارىسىندا وبلىستاردىڭ اكىمدىكتەرى اراسىندا ءوزارا ىنتىماقتاستىق جانە ايماقارالىق بايلانىستاردى نىعايتۋ جونىندەگى مەموراندۋمعا قول قويىلدى.
دوڭگەلەك ۇستەل بارىسىندا قىزىلوردا وبلىسى اكىمىنىڭ ورىنباسارى سەرىك قوجانيازوۆ پەن اقتوبە وبلىسىنىڭ اكىمىنىڭ ورىنباسارى مۇحتار جۇماعازيەۆ ەكى ءوڭىردىڭ ەكونوميكالىق – الەۋمەتتىك دامۋ باعىتتارىنا توقتالىپ, الداعى ۋاقىتتا قانداي جوبالاردى بىرلەسىپ جۇزەگە اسۋىرۋعا بولاتىنى تۋرالى ويلارىن ورتاعا سالدى. قول قويىلعان مەموراندۋمعا سايكەس الداعى ەكى جىلدىڭ ىشىندە كورشىلەس ەكى وبلىس يمپورت الماستىرۋ مەن اقىرعى تۇتىنۋشىلار ءۇشىن ءونىمدى ارزانداتۋ بويىنشا جۇمىستاردى كۇشەيتپەك, قۇنى 3,3 ميلليارد تەڭگە بولاتىن ءونىمدى تىكەلەي جەتكىزۋ جونىندە 30-دان استام كەلىسىمگە قول قويىلدى.
ال, قىزىلوردالىقتار 2016 جىلدىڭ سوڭىنا دەيىن اقتوبە وبلىسىنا ءوندىرۋشىنىڭ قۇنىمەن 11 مىڭ توننا ازىق ت ۇلىك پەن اۋىل شارۋاشىلىعى ونىمدەرىن جەتكىزبەك بولىپ كەلىستى.
تاحاۋي احتانوۆ اتىنداعى وبلىستىق دراما تەاترىندا قىزىلوردالىق ونەر شەبەرلەرىنىڭ «سىر — الاشتىڭ اناسى» اتتى كونتسەرتىنە اقتوبەلىكتەر كوپ جينالدى عازيزا جۇبانوۆا اتىنداعى وبلىستىق فيلارمونيادا وتكەن تۇرماعامبەت ىزتىلەۋوۆ اتىنداعى ۇلت اسپاپتار وركەسترىنىڭ كونتسەرتى دە كورەرەمەننىڭ كوڭىلىنەن شىقتى. ءسويتىپ, سىر ءوڭىرىنىڭ ونەرپازدارى ەكى كۇن بويى اقتوبە اسپانىن ءان مەن جىرعا بولەدى.
ساتىبالدى ءساۋىرباي.
دەرەك, فوتو: egemen.kz
