اقتوبە قالاسىندا ينتەللەكتۋالدىق بايقاۋ ءوتتى

اقتوبە. 4 مامىر. قازاقستان تاۋەلسىزدىگىنىڭ 25 جىلدىعىنا وراي «قازحرومدا» ەڭ ۇزدىك ءبىلىمپازدار انىقتالدى. بۇل تۋرالى egemen.kz ءتىلشىسى حابارلادى. اقتوبەدەگى مەتاللۋرگتەر مادەنيەت ۇيىندە وتكەن بەسىنشى «شانس» ينتەللەكتۋالدىق بايقاۋىندا اقتوبە, قاراعاندى جانە پاۆلودار وبلىستارىنىڭ بەس كومانداسى باق سىنادى. «قازحرومنىڭ» فيليالدارى – ءدوڭ تاۋ-كەن بايىتۋ كومبيناتى, «كازمارگانەتس» كەن باسقارماسى, اقسۋ جانە اقتوبە فەرروقورىتپا زاۋىتتارىنىڭ جاس زەردەلىلەرىنەن بولەك, ويىنعا العاش رەت كومپانيانىڭ اپپارات باسقارماسىنىڭ وكىلدەرى قاتىستى. ەۋرازيالىق توپ (ERG) قۇرامىنداعى «قازحرومنىڭ» قىزمەتىنە قاتىستى كومپانيانىڭ توپ-مەنەدجەرلەرى جولداعان تاسپا-سۇراقتار مەن ناقتى عىلىم, گەوگرافيا اۋماعىنداعى ساۋالدار قاتىسۋشىلاردىڭ وي ۇشقىرلىعىنا, ونەرپازدىقتارىنانو, بىلىمپازدىقتارىنا, جەدەل شەشىم قابىلداۋلارىنا جانە كوماندالىق رۋحىنا ۇلكەن سىن بولدى. ۇيىمداستىرۋ كوميتەتىنىڭ توراعاسى, ادام رەسۋرستارىن باسقارۋ دەپارتامەنتىنىڭ باستىعى ۆەنەرا مۇحامەدزيانوۆانىڭ ايتۋىنشا, بۇل شارا شىعارماشىلىق پەن زياتكەرلىك الەۋەتتى دامىتىپ, دارىندى جاستاردى انىقتاۋعا, قابىلەت-قارىمىن جەتىلدىرۋ ءۇشىن ۇيىمداستىرىلىپ وتىر. سايىستىڭ بەس كەزەڭىنىڭ قورىتىندىسى بويىنشا اقتوبە فەرروقورىتپا زاۋىتى ەڭ ۇزدىك كوماندا دەپ تانىلدى.  اقسۋ فەرروقورىتپا زاۋىتىنىڭ كومانداسى ەكىنشى ورىندى, ال كومپانيانىڭ اپپپارات باسقارمىسىنىڭ كومانداسى ءۇشىنشى ورىنعا يە بولدى. وتكەن جىلى «قازحروم» كومپانياسى جاستاردىڭ كاسىبي بىلىكتىلىگىن دامىتۋعا جانە شەبەرلىگىن شىڭداۋعا 41 ملن.تەڭگە استام قاراجات جۇمسادى. ساتىبالدى ءساۋىرباي. دەرەك, فوتو: egemen.kz