تاراز. 3 مامىر. جامبىل وبلىستىق دەنە شىنىقتىرۋ جانە سپورت باسقارماسىنىڭ باستاماسىمەن قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان «اۋلا ويىندارى» مەن «كوشە ويىندارىنىڭ» ەكى كەزەڭى ءوتتى. بۇل تۋرالى egemen.kz ءتىلشىسى حابارلادى.
اۋلا ويىندارى جارىستىڭ قالاشىق, لاڭگى, اسىق اتۋ, قاشپا دوپ جانە سەكىرمەك تۇرلەرى بويىنشا وتكىزىلدى.
ءبىرىنشى كەزەڭ – ىرىكتەۋ (اۋلا, كوشە, اۋىل دەڭگەيىندەگى جەڭىمپازداردى انىقتاۋ) ويىندارى 10 ناۋرىز – 10 ءساۋىر ارالىعىندا وتكىزىلدى. ەكىنشى كەزەڭ – اۋداندىق, قالالىق (اۋدان, قالا دەڭگەيىندەگى جەڭىمپازداردى انىقتاۋ) جارىستار 10 – 20 ءساۋىر ارالىعىندا ءوتتى. ءۇشىنشى كەزەڭ – فينال (وبلىس دەڭگەيىندەگى جەڭىمپازداردى انىقتاۋ) 6 مامىر كۇنى وتكىزىلەدى. وبلىستىق جارىستارعا تاراز قالاسىنىڭ جانە اۋدانداردىڭ قۇراما كوماندالارى قاتىسادى.
جالپى جارىستىڭ اۋىلدىق جەردە وتكەن ءبىرىنشى كەزەڭىنە 13 مىڭنان استام سپورتشى قاتىستى. اۋداندىق, قالالىق ىرىكتەۋ جارىستارىنا (ەكىنشى كەزەڭى) 2,5 مىڭنان استام سپورتشى باق سىناستى. ال وبلىستىق ىرىكتەۋ جارىسىنا 150-گە جۋىق سپورتشىنىڭ قاتىسۋى جوسپارلانۋدا.
كوشە ويىندارىنىڭ وبلىس چەمپيوناتى جارىستىڭ ستريتبول, كروسسفيت, نارودنىي جيم, ستريت ۆوركاۋت تۇرلەرى بويىنشا وتكىزىلدى.
جارىستىڭ اۋداندىق ىرىكتەۋ كەزەڭىنە 1700 جۋىق سپورتشى قاتىستى. ال وبلىستىق ىرىكتەۋ جارىسىنا 500-دەن استام سپورتشىنىڭ قاتىسۋى جوسپارلانۋدا.
جارىستى وتكىزۋدىڭ نەگىزگى ماقساتى – وبلىس تۇرعىندارىن, وڭىن ىشىندە جاستار اراسىندا بۇقارالىق قول جەتىمدى سپورت تۇرلەرىمەن اينالىسۋعا, جاستاردى ەسىرتكىدەن, شىلىم تارتۋدان, ىشىمدىككە جانە كومپيۋتەر ويىنداردىڭ قۇمارلىقتان باس تارتۋعا شاقىرا وتىرىپ, جاستار اراسىندا سالاۋاتتى ءومىر سالتىن ناسيحاتتاۋ, جاستاردى وتانسۇيگىشتىككە, پاتريوتتىق سەزىمگە جانە ۇلتجاندىلىققا تاربيەلەۋ.
ورالحان ءداۋىت.
دەرەك, فوتو: egemen.kz
