بۇل تۋرالى ءماجىلىس دەپۋتاتى, اتالعان ۇيىمنىڭ توراعاسى باقتىعوجا ىزمۇحامبەتوۆ كونستيتۋتسيالىق كوميسسيانىڭ ونىنشى وتىرىسىندا ايتتى. ونىڭ سوزىنشە, جاڭا كونستيتۋتسيا جوباسى ەگدە جاستاعى ازاماتتاردىڭ الەۋمەتتىك قاۋىپسىزدىگىن كۇشەيتۋدى كوزدەيدى.
«جاڭا كونستيتۋتسيا جوباسىندا ءاربىر ازاماتتىڭ ەڭ تومەنگى جالاقى مەن زەينەتاقى الۋ قۇقىعىنا, سونداي-اق جاسىنا بايلانىستى, سىرقاتتانعان نەمەسە مۇگەدەكتىك جاعدايىندا الەۋمەتتىك قامسىزداندىرىلۋىنا كەپىلدىك بەرىلەدى. سونىمەن قاتار مەملەكەت الەۋمەتتىك قولداۋدىڭ ءتۇرلى نىساندارىن جانە قايىرىمدىلىقتى دامىتۋعا جاردەمدەسۋ مىندەتىن ءوز موينىنا الادى. بۇل ەگدە جاستاعى ادامدار ءۇشىن قوسىمشا قاۋىپسىزدىك كەپىلدىكتەرىن قالىپتاستىرادى», دەدى باقتىعوجا ىزمۇحامبەتوۆ.
مارات شيبۇتوۆ: اتا زاڭ جوباسى جالپىحالىقتىق رەفەرەندۋمعا شىعارۋعا دايىن
جوباعا ەنگىزىلگەن تاعى ءبىر ماڭىزدى نورما – پرەامبۋلادا تاريحي-مادەني مۇرانى ساقتاۋ جانە ۇلتتىق مادەنيەتتى قولداۋ مەملەكەتتىڭ نەگىزگى قاعيداتتارىنىڭ ءبىرى رەتىندە ايقىندالۋى. بۇل بولاشاق دامۋدى جوسپارلاۋ بارىسىندا اعا بۋىننىڭ جيناقتاعان ءبىلىمى مەن ومىرلىك تاجىريبەسىن كەيىنگى ۇرپاققا جەتكىزۋدەگى ايرىقشا ءرولىن مويىنداۋ دەگەن ءسوز.
دەپۋتاتتىڭ ايتۋىنشا, باسقارۋ جۇيەسىندەگى وزگەرىستەر دە اعا بۋىننىڭ قوعامدىق ومىرگە بەلسەندى ارالاسۋىنا جول اشادى.
«بۇرىنعى كونسۋلتاتيۆتىك قۇرىلىمداردىڭ ورنىنا بارلىق ءوڭىر وكىلدەرى كىرەتىن «حالىق كەڭەسى» قۇرىلادى. بۇل اعا بۋىن وكىلدەرىنىڭ ماڭىزدى مەملەكەتتىك شەشىمدەر مەن زاڭداردى تالقىلاۋعا تىكەلەي قاتىسۋىنا مۇمكىندىك بەرەدى», دەپ اتاپ ءوتتى ول.
كونستيتۋتسيالىق كوميسسيا جاڭا اتا زاڭدا ۆولونتەرلىك قىزمەت مارتەبەسىن بەكىتۋدى قولدادى
سونداي-اق جاڭا كونستيتۋتسيا جوباسىندا كامەلەتكە تولعان, ەڭبەككە قابىلەتتى بالالاردىڭ ەڭبەككە جارامسىز اتا-اناسىنا قامقورلىق جاساۋ مىندەتى كونستيتۋتسيالىق دەڭگەيدە بەكىتىلمەك. بۇل نورما ۇرپاقتار ساباقتاستىعىن جانە وتباسى ىشىندەگى جاۋاپكەرشىلىكتى كۇشەيتۋگە باعىتتالعان.
اتا زاڭ جوباسى ازاماتتاردىڭ جەكە قاراجاتى مەن ومىرىنە قاتىستى قورعاۋ تەتىكتەرىن دە كۇشەيتەدى. مەملەكەت بانكتىك سالىمدار مەن جيناقتاردىڭ ساقتالۋىنا, قارجىلىق وپەراتسيالاردىڭ قۇپيالىعىنا كەپىلدىك بەرەدى.
«جەكە دەرەكتەردى الاياقتىقتان جانە زاڭسىز پايدالانۋدان قورعاۋ, سونىڭ ىشىندە ينتەرنەت كەڭىستىگىندەگى قاۋىپتەردەن ساقتاۋ ارنايى نورما رەتىندە بەكىتىلەدى. بۇل تسيفرلىق تەحنولوگيالاردى ءاردايىم ەركىن پايدالانا بەرمەيتىن, مەملەكەتتىك قىزمەتتەردى الۋ, مەديتسينالىق كومەككە جۇگىنۋ نەمەسە قارجىلىق وپەراتسيالار جاساۋ كەزىندە تاۋەكەلگە ءجيى ۇشىرايتىن ەگدە جاستاعى ازاماتتار ءۇشىن اسا ماڭىزدى», دەپ قوستى ۇيىمنىڭ توراعاسى.
سونىمەن قاتار ارداگەرلەر قاۋىمداستىعى ەكولوگيالىق مادەنيەتتى قالىپتاستىرۋ جانە تابيعاتقا ۇقىپتى قاراۋ قاعيداتىنىڭ كونستيتۋتسيا دەڭگەيىندە بەكىتىلۋىن دە وڭ باعالادى.
