بەرىلگەن تاپسىرما ورىندالۋى ءتيىس

ەلباسى نۇرسۇلتان نازارباەۆ الماتى قالاسىنىڭ اكىمى باۋىرجان بايبەكتى قابىلدادى. كەزدەسۋ بارىسىندا مەملەكەت باسشىسىنا ب.بايبەك الماتى قالاسىن دامىتۋ جونىندەگى كەڭەستە بەرىلگەن تاپسىرمالاردىڭ ورىندالۋى تۋرالى باياندادى, دەپ حابارلادى پرەزيدەنتتىڭ ءباسپاسوز قىزمەتى. اتاپ ايتقاندا, اكىمدىك ءال-فارابي كوشەسىنەن جوعارىدا ور­نالاسقان قۇرىلىستار قابا­تىن شەكتەۋ جونىندە قاۋلى قابىل­داپ, «مەدەۋ» تاۋلى سپورت كەشە­نى مەن «شىمبۇلاق» تاۋ شاڭعى­سى كۋرورتىنىڭ اۋماعىنا اۆتومو­بيلدەردىڭ كىرۋىنە تىيىم سالدى. بۇل رەتتە, ەكولوگيالىق تازا كولىك تۇرلەرىنە كوشۋدى ىنتالاندىرۋ ماقساتىمەن ەلەكترموبيلدەردىڭ وتۋىنە رۇقسات ەتىلدى. قالانى ساپالى اۋىل شارۋا­شى­لىعى ازىق-ت ۇلىك ونىمدەرىمەن قامتاماسىز ەتۋ اياسىندا كەشەن­دى شارالار جۇزەگە اسىرىلۋدا. ماسەلەن, «اتامەكەن» ۇلتتىق كاسىپ­كەرلەر پالاتاسىنىڭ قولداۋى­مەن وڭىرارالىق كووپەراتسيانى دامىتۋ جۇمىستارى جۇرگىزىلىپ جاتىر. سونىمەن قاتار, كولىك جانە ساۋدا ينفراقۇرىلىمدارىن كەڭەيتۋ ماقساتىمەن نىساندار سالىنۋدا. بۇلار كوكونىستەر باعاسىنىڭ ماۋسىمدىق قۇبىلمالىلىعىن ازايتۋعا مۇمكىندىك بەرەدى. الاتاۋ اۋدانىندا جىلىجاي كەشەنىن سالۋ جونىندەگى جوبا اياقتالىپ كەلەدى, ول سىرتتان اكەلىنەتىن قىزاناق­قا دەگەن سۇرانىستى 75 پايىزعا تومەندەتۋگە مۇمكىندىك بەرەدى. ەل وڭىرلەرىنىڭ قولداۋىمەن بيىل قالادا 800 اۋىل شارۋاشىلىعى جارمەڭكەسىن وتكىزۋ جوسپارلانىپ وتىر. سونداي-اق, الماتى قالا­سى­نىڭ اكىمى «الماتى-2020» باع­دار­لاماسىن جۇزەگە اسىرۋ, پيك-تەردى رەفورمالاۋ, الماتى اگلو­مە­­راتسيالىق بەلدەۋىندە جاڭا جۇ­مىس ورىندارىن اشۋ جونىندە قا­بىلدانىپ جاتقان شارالار تۋرالى باياندادى. سونىمەن قاتار, مەملەكەتتىك ورگانداردىڭ حالىق الدىنداعى ەسەپتىلىگى قامتاماسىز ەتىلدى, نەگىزگى ماسەلەلەر قالا تۇرعىندارىمەن بىرلەسىپ تالقىلاندى, قوعامدىق كەڭەس وتىرىسى وتكىزىلدى. مەملەكەت باسشىسى كەزدەسۋ قورىتىندىسى بويىنشا بىرقاتار ناقتى تاپسىرما بەردى.