بايكەرلەردىڭ بىرلىك شەرۋى

وسكەمەندە ءوڭىر بايكەرلەرى قازاقستان حالقىنىڭ بىرلىگى كۇنىنە ارنالعان ەرەكشە شوۋ ۇيىمداستىردى. وسكەمەن, سەمەي جانە ريددەر قالالارىنىڭ بايكەرلەرى اتالعان شارانى جاڭا ماۋسىمنىڭ اشىلۋىنا ارناپ وتىر. شاراعا قاتىسۋشىلار وبلىس ورتا­لى­عىنىڭ تۇرعىندارىنا موتوشوۋ ارقىلى قايتالانباس شەبەرلىك ادىستەرىن كورسەتتى. ءوڭىر ورتالىعىنىڭ ورتالىق كوشەلەرىمەن ءجۇرىپ وتكەن 80-گە جۋىق شىعىسقازاقستاندىق بايكەرلەر كولونناسى مەرەكەلىك شەرۋىن كومسومولدار ارالىندا اياقتادى. بايكەرلەر وتىرعان موتوتسيكلدەر اراسىنان اتى اڭىزعا اينالعان «Harley-Davidson» ماركاسىنان باستاپ كونە «ۋرالعا» دەيىنگى ءتۇرلى بايك تۇلپارلارىن كورۋگە بولادى. شوۋ اياسىندا قىزىقتى بايقاۋلار ءوتىپ, وعان كورەرمەندەر دە قاتىس­تى. ولاردىڭ اراسىندا, بايك-مادەنيەتكە قىزىعۋشىلىق تانىت­قان قىزدار دا بار. ۇيىم­داستى­رۋشىلاردىڭ ايتۋىنشا, جاڭا ماۋسىمدى اشۋ – بايكەرلەر ءۇشىن عانا ەمەس, موتوتسيكلدى ۇناتاتىن بارلىق اۋەسقويلار ءۇشىن اتاۋلى مەرەكە. بيىل بۇل مەرەكەنىڭ بىرلىك كۇنىمەن تۇسپا-تۇس كەلۋى بەكەر ەمەس. بايكەرلەر قاۋىمى قا­زاقستاندىقتاردىڭ ىنتىماعى مەن تاتۋلىعى بەرىك بولۋىن تىلەيدى. كوپتەگەن بايكەرلەر بۇرىننان موتوونەرگە ماشىقتانعان بولسا-داعى, بۇل شەرۋگە العاش رەت قاتىسۋشىلار دا كەزدەسەدى. جىل وتكەن سايىن بايكەرلەردىڭ تاماشا شوۋىنا ىقىلاس تانىتۋشىلار قاتارى ارتىپ كەلەدى. بايك-شوۋ سوڭىندا بايقاۋ جەڭىمپازدارى ماراپاتتالدى. دۋمان اناش, «ەگەمەن قازاقستان» وسكەمەن