زيالى قاۋىم وكىلدەرى جاڭا كينوتۋىندى 
جايلى پىكىرلەرىمەن ءبولىستى
2016 جىلدىڭ 26 ساۋىرىندە استانا قالاسىنداعى «قازاقستان» ورتالىق كونتسەرت زالىندا قازاقستان رەسپۋبليكاسى مادەنيەت جانە سپورت مينيسترلىگىنىڭ تاپسىرىسى بويىنشا تۇسىرىلگەن «جۇلدىزدار توعىسقاندا» كوركەم ءفيلمىنىڭ تۇساۋكەسەرى ءوتتى. اتالمىش كوركەم فيلم ەل تاريحىنداعى ەلەۋلى وقيعالارعا زەر سالىپ, قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ قوعام ءومىرىنىڭ بار سالاسىندا اتقارعان ءرولىن, سونداي-اق مەملەكەت باسشىسىنىڭ ءدۇنيەجۇزىلىك اۋقىمدا ىنتىماقتاستىقتى ارتتىرۋداعى ايرىقشا قىزمەتىن سارالايدى. «جۇلدىزدار توعىسقاندا» ءفيلمى 2016 جىلدىڭ 28 ساۋىرىنەن باستاپ جالپىۇلتتىق پروكاتقا شىعىپ, ەلىمىزدىڭ بارلىق كينوتەاترلارىنان كورسەتىلە باستادى.
وسى ورايدا, ەلىمىزدىڭ زيالى قاۋىم وكىلدەرى رەداكتسياعا حات جولداپ, قالىڭ كورەرمەن قاۋىم ىقىلاسپەن تاماشالاعان «جۇلدىزدار توعىسقاندا» كوركەم ءفيلمى بۇگىنگى جەتكىنشەك ۇرپاقتىڭ بويىنا كۇرەسكەرلىك پەن قايسارلىقتىڭ, تاباندىلىق پەن تەكتىلىكتىڭ, كىسىلىك پەن بەتتىلىكتىڭ, يماندىلىق پەن قايىرىمدىلىقتىڭ ادامعا ءتان عاجايىپ ۇلگىلەرىن سىڭىرەتىندىگىن اتاپ ءوتتى. حاتتا مەملەكەت باسشىسىنا قۋاتتى دا سەرپىندى دامىپ كەلە جاتقان مەملەكەت قۇرۋعا باعا جەتكىزگىسىز ۇلەس قوسقانى ءۇشىن, وتاندىق ءمادەنيەتتى ىلگەرىلەتۋدەگى ەرەكشە قامقورلىعى ءۇشىن وزدەرىنىڭ ريزاشىلىقتارىن ءبىلدىردى.
حاتتا «ءورىسى كەڭ ونەر قاشاندا ادام مەن قوعام اراقاتىناسىن انىقتايتىن ءومىر اقيقاتىنان, زامانا شىندىعىنان باستاۋ الادى. سوندىقتان ادام تاعدىرى انىق, ۋاقىت بوياۋى قانىق ورىلگەن كوركەم تۋىندىنىڭ جۇرەك تەربەپ, ويعا, ساناعا ايرىقشا اسەر ەتەرى داۋسىز.
كۇنى كەشە عانا ەلوردا تورىندە تۇساۋى كەسىلىپ, قالىڭ كورەرمەن قاۋىم ۇلكەن ىقىلاسپەن تاماشالاعان «جۇلدىزدار توعىسقاندا» كوركەم فيلمىنەن سوڭ بىزدەر, ءبىر توپ زيالى قاۋىم وكىلدەرى, ۇلكەن تەبىرەنىس پەن تولقۋ سەزىمىن باستان كەشكەنىمىزدى جەتكىزگىمىز كەلەدى. ءوزىمىز ءومىر ءسۇرىپ جاتقان الامان-قيقۋى قالىڭ كۇردەلى كەزەڭدى بار تىنىس-تىرشىلىگىمەن كوڭىل, وي, سەزىم تارازىسىنا قويىپ, تاۋەلسىزدىك دەيتىن كيەلى دە قاسيەتتى ۇعىمىنىڭ تۇما باستاۋلارىنا ورالعانداي كۇيدە بولدىق. اتالمىش كوركەم لەنتاعا ەلباسى ءومىرىنىڭ تاريحي ۇزىكتەرىمەن قوسا, حالقىمىزدىڭ باسىنان وتكەرگەن, وتكەرىپ كەلە جاتقان تاۋەلسىزدىك ەسىمدى ۇلى داۋىرىندەگى تاعىلىمدى تاراۋلارى ارقاۋ بولعان. ءفيلمدى كورىپ وتىرىپ, تاريح دەيتىن عۇلاما كورنەكتى تۇلعالاردى قالاي سومداسا, كورنەكتى تۇلعالار دا ءوز كەزەگىندە تاريحتىڭ باعىتى مەن باعدارىن وڭ جولعا سولاي بۇرىپ, ەل مەن جەر تاعدىرىنا سولاي ىقپال ەتەتىنىن تاعى ءبىر مارتە جۇرەگىمىزبەن سەزىندىك, وي-سانامىزبەن ۇعىنا تۇستىك.
وسىعان دەيىنگى ءساتتى ءتۇسىرىلگەن رۇستەم ابدىراشەۆ فيلمدەرىنىڭ زاڭدى جالعاسىنداي كورىنەتىن ەلباسى حاقىنداعى كينوەپوپەيانىڭ بۇل جولعى ءفيلمى رەسەيدىڭ حالىق ءارتيسى, ەسىمى جۇرتشىلىققا جاقسى تانىس سەرگەي سنەجكين سەكىلدى اتاقتى ورىس كينوگەرىنە بەرىلگەنى دۇرىس بولعان. كينو زالىنان ريزا سەزىممەن شىققان كورەرمەندەردى كوردىك. الىپ ەكراننان تۋعان ەلىنىڭ تاعدىرىن ويلاپ, ارقيلى ساتتە ءارالۋان كۇي كەشكەن ەلباسى رولىندەگى بەرىك ايتجانوۆقا ريزا بولدىق.
كوركەمدىكتىڭ كۇشى, قۋاتى دەگەنىمىز وسى عوي. قيىن دا كۇردەلى تاريحي تۇستاردىڭ ءوزى قيۋىن تاۋىپ, كورەرمەن جۇرەگىنە جول تارتقان.
ءبىر سوزبەن ايتار بولساق, كوركەم فيلم كورەرمەن كوڭىلىنەن شىقتى. ءبىز دە «ونەر – ءومىردىڭ ايناسى» دەگەن قاناتتى سوزبەن قاناتتانىپ قايتتىق...
ۇستىمىزدەگى جىلى قازاقستان تاۋەلسىزدىگى تۋىنىڭ جەلبىرەگەنىنە 25 جىل تولادى.
«جۇلدىزدار توعىسقاندا» ءفيلمى ەل تاۋەلسىزدىگىنىڭ وسىناۋ شيرەك عاسىر ىشىندە باسىپ وتكەن «سوقتىقپالى – سوقپاقتى» جولىن كورەرمەن جادىندا قايتا جاڭعىرتىپ, نۇرسۇلتان نازارباەۆ ەسىمدى ەل باقىتىنا تۋعان ۇلت باسشىسىنىڭ جان دۇنيەسىن تانۋعا, ونىڭ ءارالۋان كۇردەلى تاريحي ءسات-ساعاتتاردا قابىلداعان تاريحي شەشىمدەرىن باعالاۋعا, جان-جاقتى بايىپتاۋعا كومەكتەسەر كوركەم تۋىندى بيىگىنە كوتەرىلگەن. فيلم بۇگىنگى جەتكىنشەك ۇرپاقتىڭ بويىنا كۇرەسكەرلىك پەن قايسارلىقتىڭ, تاباندىلىق پەن تەكتىلىكتىڭ, كىسىلىك پەن بەتتىلىكتىڭ, يماندىلىق پەن قايىرىمدىلىقتىڭ ادامعا ءتان عاجايىپ ۇلگىلەرىن ەگەرى انىق», دەلىنگەن.
ۇجىمدىق حاتقا نۇرلان ورازالين, قۋانىش سۇلتانوۆ, مىرزاتاي جولداسبەكوۆ, انەس ساراي, ءاسانالى ءاشىموۆ, ايمان مۇساقوجاەۆا, قايرات بايبوسىنوۆ, الماس الماتوۆ, ەسكەندىر حاسانعاليەۆ, بيبىگۇل تولەگەنوۆا, مايرا مۇحامەدقىزى, تولەۋبەك الپيەۆ, ەسمۇقان وباەۆ, اسقار بورىباەۆ, التىناي اسىلمۇراتوۆا, تۇرسىنبەك نۇرقاليەۆ, ءسابيت ورازباەۆ, اقان ابدۋاليەۆ جانە تاعى باسقا زيالى قاۋىم وكىلدەرى قول قويعان.
«ەگەمەن-اقپارات»
جايلى پىكىرلەرىمەن ءبولىستى
2016 جىلدىڭ 26 ساۋىرىندە استانا قالاسىنداعى «قازاقستان» ورتالىق كونتسەرت زالىندا قازاقستان رەسپۋبليكاسى مادەنيەت جانە سپورت مينيسترلىگىنىڭ تاپسىرىسى بويىنشا تۇسىرىلگەن «جۇلدىزدار توعىسقاندا» كوركەم ءفيلمىنىڭ تۇساۋكەسەرى ءوتتى. اتالمىش كوركەم فيلم ەل تاريحىنداعى ەلەۋلى وقيعالارعا زەر سالىپ, قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ قوعام ءومىرىنىڭ بار سالاسىندا اتقارعان ءرولىن, سونداي-اق مەملەكەت باسشىسىنىڭ ءدۇنيەجۇزىلىك اۋقىمدا ىنتىماقتاستىقتى ارتتىرۋداعى ايرىقشا قىزمەتىن سارالايدى. «جۇلدىزدار توعىسقاندا» ءفيلمى 2016 جىلدىڭ 28 ساۋىرىنەن باستاپ جالپىۇلتتىق پروكاتقا شىعىپ, ەلىمىزدىڭ بارلىق كينوتەاترلارىنان كورسەتىلە باستادى.
وسى ورايدا, ەلىمىزدىڭ زيالى قاۋىم وكىلدەرى رەداكتسياعا حات جولداپ, قالىڭ كورەرمەن قاۋىم ىقىلاسپەن تاماشالاعان «جۇلدىزدار توعىسقاندا» كوركەم ءفيلمى بۇگىنگى جەتكىنشەك ۇرپاقتىڭ بويىنا كۇرەسكەرلىك پەن قايسارلىقتىڭ, تاباندىلىق پەن تەكتىلىكتىڭ, كىسىلىك پەن بەتتىلىكتىڭ, يماندىلىق پەن قايىرىمدىلىقتىڭ ادامعا ءتان عاجايىپ ۇلگىلەرىن سىڭىرەتىندىگىن اتاپ ءوتتى. حاتتا مەملەكەت باسشىسىنا قۋاتتى دا سەرپىندى دامىپ كەلە جاتقان مەملەكەت قۇرۋعا باعا جەتكىزگىسىز ۇلەس قوسقانى ءۇشىن, وتاندىق ءمادەنيەتتى ىلگەرىلەتۋدەگى ەرەكشە قامقورلىعى ءۇشىن وزدەرىنىڭ ريزاشىلىقتارىن ءبىلدىردى.
حاتتا «ءورىسى كەڭ ونەر قاشاندا ادام مەن قوعام اراقاتىناسىن انىقتايتىن ءومىر اقيقاتىنان, زامانا شىندىعىنان باستاۋ الادى. سوندىقتان ادام تاعدىرى انىق, ۋاقىت بوياۋى قانىق ورىلگەن كوركەم تۋىندىنىڭ جۇرەك تەربەپ, ويعا, ساناعا ايرىقشا اسەر ەتەرى داۋسىز.
كۇنى كەشە عانا ەلوردا تورىندە تۇساۋى كەسىلىپ, قالىڭ كورەرمەن قاۋىم ۇلكەن ىقىلاسپەن تاماشالاعان «جۇلدىزدار توعىسقاندا» كوركەم فيلمىنەن سوڭ بىزدەر, ءبىر توپ زيالى قاۋىم وكىلدەرى, ۇلكەن تەبىرەنىس پەن تولقۋ سەزىمىن باستان كەشكەنىمىزدى جەتكىزگىمىز كەلەدى. ءوزىمىز ءومىر ءسۇرىپ جاتقان الامان-قيقۋى قالىڭ كۇردەلى كەزەڭدى بار تىنىس-تىرشىلىگىمەن كوڭىل, وي, سەزىم تارازىسىنا قويىپ, تاۋەلسىزدىك دەيتىن كيەلى دە قاسيەتتى ۇعىمىنىڭ تۇما باستاۋلارىنا ورالعانداي كۇيدە بولدىق. اتالمىش كوركەم لەنتاعا ەلباسى ءومىرىنىڭ تاريحي ۇزىكتەرىمەن قوسا, حالقىمىزدىڭ باسىنان وتكەرگەن, وتكەرىپ كەلە جاتقان تاۋەلسىزدىك ەسىمدى ۇلى داۋىرىندەگى تاعىلىمدى تاراۋلارى ارقاۋ بولعان. ءفيلمدى كورىپ وتىرىپ, تاريح دەيتىن عۇلاما كورنەكتى تۇلعالاردى قالاي سومداسا, كورنەكتى تۇلعالار دا ءوز كەزەگىندە تاريحتىڭ باعىتى مەن باعدارىن وڭ جولعا سولاي بۇرىپ, ەل مەن جەر تاعدىرىنا سولاي ىقپال ەتەتىنىن تاعى ءبىر مارتە جۇرەگىمىزبەن سەزىندىك, وي-سانامىزبەن ۇعىنا تۇستىك.
وسىعان دەيىنگى ءساتتى ءتۇسىرىلگەن رۇستەم ابدىراشەۆ فيلمدەرىنىڭ زاڭدى جالعاسىنداي كورىنەتىن ەلباسى حاقىنداعى كينوەپوپەيانىڭ بۇل جولعى ءفيلمى رەسەيدىڭ حالىق ءارتيسى, ەسىمى جۇرتشىلىققا جاقسى تانىس سەرگەي سنەجكين سەكىلدى اتاقتى ورىس كينوگەرىنە بەرىلگەنى دۇرىس بولعان. كينو زالىنان ريزا سەزىممەن شىققان كورەرمەندەردى كوردىك. الىپ ەكراننان تۋعان ەلىنىڭ تاعدىرىن ويلاپ, ارقيلى ساتتە ءارالۋان كۇي كەشكەن ەلباسى رولىندەگى بەرىك ايتجانوۆقا ريزا بولدىق.
كوركەمدىكتىڭ كۇشى, قۋاتى دەگەنىمىز وسى عوي. قيىن دا كۇردەلى تاريحي تۇستاردىڭ ءوزى قيۋىن تاۋىپ, كورەرمەن جۇرەگىنە جول تارتقان.
ءبىر سوزبەن ايتار بولساق, كوركەم فيلم كورەرمەن كوڭىلىنەن شىقتى. ءبىز دە «ونەر – ءومىردىڭ ايناسى» دەگەن قاناتتى سوزبەن قاناتتانىپ قايتتىق...
ۇستىمىزدەگى جىلى قازاقستان تاۋەلسىزدىگى تۋىنىڭ جەلبىرەگەنىنە 25 جىل تولادى.
«جۇلدىزدار توعىسقاندا» ءفيلمى ەل تاۋەلسىزدىگىنىڭ وسىناۋ شيرەك عاسىر ىشىندە باسىپ وتكەن «سوقتىقپالى – سوقپاقتى» جولىن كورەرمەن جادىندا قايتا جاڭعىرتىپ, نۇرسۇلتان نازارباەۆ ەسىمدى ەل باقىتىنا تۋعان ۇلت باسشىسىنىڭ جان دۇنيەسىن تانۋعا, ونىڭ ءارالۋان كۇردەلى تاريحي ءسات-ساعاتتاردا قابىلداعان تاريحي شەشىمدەرىن باعالاۋعا, جان-جاقتى بايىپتاۋعا كومەكتەسەر كوركەم تۋىندى بيىگىنە كوتەرىلگەن. فيلم بۇگىنگى جەتكىنشەك ۇرپاقتىڭ بويىنا كۇرەسكەرلىك پەن قايسارلىقتىڭ, تاباندىلىق پەن تەكتىلىكتىڭ, كىسىلىك پەن بەتتىلىكتىڭ, يماندىلىق پەن قايىرىمدىلىقتىڭ ادامعا ءتان عاجايىپ ۇلگىلەرىن ەگەرى انىق», دەلىنگەن.
ۇجىمدىق حاتقا نۇرلان ورازالين, قۋانىش سۇلتانوۆ, مىرزاتاي جولداسبەكوۆ, انەس ساراي, ءاسانالى ءاشىموۆ, ايمان مۇساقوجاەۆا, قايرات بايبوسىنوۆ, الماس الماتوۆ, ەسكەندىر حاسانعاليەۆ, بيبىگۇل تولەگەنوۆا, مايرا مۇحامەدقىزى, تولەۋبەك الپيەۆ, ەسمۇقان وباەۆ, اسقار بورىباەۆ, التىناي اسىلمۇراتوۆا, تۇرسىنبەك نۇرقاليەۆ, ءسابيت ورازباەۆ, اقان ابدۋاليەۆ جانە تاعى باسقا زيالى قاۋىم وكىلدەرى قول قويعان.
«ەگەمەن-اقپارات»
