عالىمدار جارىلعىش زاتتى انىقتايتىن قۇرىلعى ويلاپ تاپتى

استانا. 29 ءساۋىر. ۇلىبريتانيادا عالىمدار جارىلعىش زاتتى انىقتايتىن سكانەر ويلاپ تاپتى. بۇل تۋرالى inform.kz-كە سىلتەمە جاساعان egemen.kz ءتىلشىسى حابارلادى. مامانداردىڭ ايتۋىنشا وسى ارقىلى لاڭكەستىك ارەكەتتەردىڭ الدىن الۋعا بولادى. قازىر جاڭادان ويلاپ تابىلعان قۇرىلعى ارنايى تەكسەرۋدەن ءوتىپ جاتىر. لازەر, كامەرا جانە ەلەكتروندى چيپ ورناتىلعان تۋىندى قاۋىپتى زاتتى جاڭىلماي انىقتايدى. مالىمەتتەر بويىنشا, اۋەجايلار مەن ادام كوپ شوعىرلانعان ورىنداردا قولدانعان وتە ءتيىمدى. سونداي-اق, باقىلاۋدى كۇشەيتكەنگە دە سەپتىگىن تيگىزەدى. لافبورو ۋنيۆەرسيتەتىنىڭ پروفەسسورى دجون تايرەر سكانەردى ەسىككە بەكىتىپ قويعان دۇرىس دەگەن پىكىرىن ءبىلدىردى. سەبەبى, ءدال وسى كەزدە قۇرىلعى جينالعانداردىڭ تۇلا بويىن تولىعىمەن تەكسەرىپ تۇرادى ءارى ەشكىمگە كەدەرگى كەلتىرمەيدى. «سكانەردىڭ ماڭىزى وتە جوعارى. ونى ادامدارعا تيگىزۋدىڭ قاجەتى جوق. ەشكىمنىڭ نازارىنا ىلىكپەيدى. اسىرەسە, لاڭكەستىك ارەكەتىن جۇزەگە اسىرعىسى كەلگەندەر كۇدىكتەنبەيتىن بولادى», – دەدى دجون تايرەر. ايان ءابدۋالي. دەرەك, فوتو: inform.kz.