بارلىق ءىس-شارا ەل بىرلىگىن ناسيحاتتايدى

جامبىل وبلىسىندا تاۋەلسىزدىكتىڭ 25 جىل­دىعى اياسىندا ۇكىمەتتىك ەمەس ۇيىمدار 13 الەۋ­مەتتىك جوبانى جۇزەگە اسىرۋدى جوس­پارلاۋدا. بۇل تۋرالى وڭىرلىك كوم­مۋنيكاتسيا­لار قىزمەتىندە جامبىل وبلىسى اكىمىنىڭ ورىنباسارى ەرقانات مانجۋوۆ ايتتى. – بىرلىك پەن جاسامپازدىقتىڭ 25 جىلى – قازاقستان رەسپۋبليكاسى تاۋەلسىزدىگىنىڭ 25 جىلدىعىن وتكىزۋدىڭ تۇجىرىمداماسى قابىل­داندى. وڭىردە مەرەكەنى وتكىزۋ جونىندەگى ءىس-شارالاردىڭ جوسپارى ازىرلەنىپ, وبلىستىق دەڭگەيدە 380 ءىس-شارا وتكىزۋ كوزدەلۋدە. تۇجىرىمداماعا سايكەس ءار ايدىڭ ءوز ەرەكشىلىگى بار. مىسالى, قاڭتار ايىنداعى ءىس-شارالارعا «كاسىبي جانە ءتيىمدى مەملەكەت» تاقىرىبىنا باسىمدىلىقتار بەرىلگەن, ال, اقپان ايى – «سالاماتتى ۇلت. سپورتتىق قازاقستان», ناۋرىز ايى – «بولاشاعى ءبىرتۇتاس ەل. ۇلى دالانىڭ داستۇرلەرى», ءساۋىر ايى – «زياتكەرلىك ۇلت. نۇرلى بولاشاق» سياقتى تاعى دا باسقا تاقىرىپتار جۇرگىزىلدى, – دەيدى ەرقانات نۇرباپا ۇلى. سونىمەن قاتار, عىلىمي-تاجىريبەلىك كونفەرەنتسيالار, دوڭگەلەك ۇستەل, زيالى قاۋىم وكىل­دەرىنىڭ جاستارمەن كەزدەسۋلەرى, جاستار اكتسيالارى, قايىرىمدى­لىق اكتسيالارى ارقىلى ەلىمىزدىڭ قول جەتكىزگەن جەتىستىكتەرى پاش ەتى­لەدى. جىل باسىنان بەرى تاۋەل­­سىزدىكتىڭ 25 جىلدىعىنا ار­نال­عان وبلىس اكىمدىگى باسقارما باس­شىلارىنىڭ جاستارمەن كەز­دەسۋلەرى سياقتى بارلىعى 96 ءىس-شارا ۇيىمداستىرىلىپ, 14 مىڭنان استام ادام قامتىلدى. سونىمەن قاتار, وبلىستا مەملەكەتتىك الەۋ­مەتتىك شەڭبەرىندە قازاقستان رەس­پۋبليكاسى تاۋەلسىزدىگىنىڭ 25 جىلدىعىن مەرەكەلەۋ بويىنشا ۇكىمەتتىك ەمەس ۇيىمداردىڭ 13 الەۋمەتتىك جوبالارىن جۇزەگە اسىرۋ جوسپارلانۋدا. – بىرتەكتىلىك پەن بىرلىكتى قام­تاماسىز ەتۋ باعىتى بو­يىن­­شا جۇمىس «ماڭگىلىك ەل» جالپى­ۇلتتىق يدەياسى اياسىندا ىسكە اسىرىلۋدا. ۇلت جوسپارى 100 ناقتى قادامنىڭ 4-ءشى رەفورماسى «بىرتەكتىلىك پەن بىرلىك» قازاقستان حالقى اسسامبلەياسىنىڭ 2025 جىلعا دەيىنگى دامۋ كونتسەپتسياسى, قازاقستاندىق بىرەگەيلىك دامۋمەن قاتار, مادەني ساياسات كونتسەپتسياسى نەگىزىندە جۇزەگە اسادى. ءارتۇرلى الەۋمەتتىك توپتارعا «ماڭگىلىك ەل» جالپىۇلتتىق يدەيا­سى اياسىندا ناسيحاتتاۋ مەن ۇلت جوسپارى 100 ناقتى قادامدى ىسكە اسىرۋ ماڭىزدىلىعىن ءتۇسىندىرۋ ءۇشىن 11 وبلىستىق اقپاراتتىق توپ جانە اۋدانداردا دا وسىنداي توپتار جۇمىس جاسايدى. سونىمەن بىرگە, وبلىستىق قحا جانىنان قۇرىلعان عىلىمي-ساراپتامالىق توپ تا ارالاسۋدا. اعىمداعى جىلدىڭ ءبىرىنشى توقسانى بويىنشا تۇرعىندارمەن 200-دەن اسا كەزدەسۋ وتكىزىپ, 5000-نان اسا ادام قاتىستى. اتالعان توپ «ماڭگىلىك ەل» جالپى ۇلتتىق يدەياسى اياسىندا مادەنيەت جانە سپورت مينيسترلىگىنە («ەل بىرلىگى» جانە «مادەني الەمى جولىنداعى عالامتور») اتتى 2 اۋقىمدى عىلىمي جوبا ۇسىندى. وبلىستىق قازاقستان حالقى اسسامبلەياسىنىڭ ءىس-شارالار جوسپارى بەكىتىلىپ, جۇزەگە اسىرىلۋدا – دەدى بۇل جونىندە وبلىس اكىمىنىڭ ورىنباسارى ەرقانات مانجۋوۆ. «قوعامدىق كەلىسىم» كمم مۋ­­زەيىندە اسسامبلەيا تاريحىنا ارنالعان كورمە اشىلدى. سونىمەن قاتار, وبلىستىق اسسامبلەيا جا­نىن­داعى جۋرناليستەر كلۋبى مەن «اۋليەاتا» قازاق مادەني ورتالىعىنىڭ جاستار عىلىمي-شىعارماشىلىق ورتالىعى بەلسەندى جۇمىستار جۇرگىزۋدە. جالپىعا ورتاق ەڭبەك قوعامى يدەياسىن العا ىلگەرىلەتۋ ماقساتىندا ازىرلەنگەن جۇمىسشى مەن تەح­ني­كالىق ماماندىقتار بەدەلىن ارتتىرۋ بويىنشا اقپاراتتىق-ءتۇسىندىرۋ جۇمىستارىنىڭ ءوڭىر­لىك جوسپارى ازىرلەنىپ بەكىتىلدى. ولار بويىنشا ۇستىمىزدەگى جىلى وبلىستىق دەڭگەيدە 48 ءىس-شارا ۇيىمداستىرىلىپ, وعان 5300-دەن استام ادام قامتىلدى. ورالحان ءداۋىت, «ەگەمەن قازاقستان» جامبىل وبلىسى