ناقتى شەشىمدەر كوشباسشىسى

كەشە «نۇر وتان» حدپ استانا قالالىق فيليالىنىڭ ءحىV ەسەپ بەرۋ-سايلاۋ كونفەرەنتسياسى ءوتتى. ەلورداداعى سارىارقا, ەسىل, الماتى اۋداندارىندا وتكەن ەسەپ بەرۋ كونفەرەنتسيالارىنان سايلانعان نۇروتاندىق بەلسەندى دەلەگاتتار الدىمەن فيليالدىڭ ەسەپ بەرىلىپ وتىرعان كەزەڭىندە اتقارىلعان جۇمىستارمەن تانىستى. ول جايىندا باياندامانى «نۇر وتان» حدپ استانا قالالىق في­ليا­لى توراعاسىنىڭ ءبىرىنشى ورىن­باسارى ءامىرحان راحىمجانوۆ جا­سادى. جىلدان جىلعا پارتياعا ءمۇ­­شەلەردىڭ سانى ارتىپ, باس­تاۋىش پارتيا ۇيىمدارىنىڭ دا قاراسى مولايعانىن ايتقان ول ناقتى مى­ناداي سانداردى العا تارتتى. اتاپ ايتقاندا, 2011 جىلدىڭ 1 قاڭ­تا­رىن­دا قالاداعى پارتيا ءمۇ­شەلەرى­نىڭ سانى 30 054-كە جەتكەن. بۇل دەگەنىمىز, وتكەن جىلى پارتيا قا­تارى قالا بويىنشا 9 571 ادامعا وسكەنىن كورسەتەدى. سو­نىمەن ق­ا­تار, وتكەن جىلى پارتيا قاتارى­نان ءتۇرلى سەبەپتەرمەن 3 063 ادام شىعارىلعان. ولاردىڭ باسىم ءبو­لىگى پارتيا جارعىسىن ورىندا­ماۋ بويىنشا شىعارىلسا, 0,6 پايىزى پارتيادان كوررۋپتسيالىق قارەكەت­تەرى ءۇشىن الاستالعان. ەلباسىنىڭ سارابدال ساياساتى ارقاسىندا بىزدەر جاڭا بيىكتەردى باعىندىرۋدا­مىز, دەگەن ءامىرحان راقىمجانوۆ العا قويعان ماقساتتارعا جەتۋ ءۇشىن پارتيا مۇشەلەرى قوعامنىڭ قوزعاۋشى كۇشى بولۋى ءتيىس دەپ وي تۇيىندەدى. كونفەرەنتسيانى باسىنان ايا­عى­نا دەيىن قالا اكىمى يمانعالي تاس­ماعامبەتوۆ جۇرگىزىپ وتىرسا, ونىڭ جۇمىسىنا پارلامەنت سە­ناتىنىڭ توراعاسى قاسىم-جو­مارت توقاەۆ قا­تىناسىپ, ءسوز ءسوي­لەدى. ول ءوز سوزىندە «نۇر وتان» پارتياسى­نىڭ استانا­لىق فيليا­لىنىڭ مۇشە­لەرىن قازاق­ستان رەس­پۋبليكاسىنىڭ تۇڭ­عىش پرە­­زي­دەنتى نۇرسۇلتان نازار­باەۆتىڭ وكى­لەتتىگىن ۇزارتۋ ءجونىن­دەگى رە­فە­رەن­دۋمدى وتكىزۋ باستاما­سىن قول­داۋعا شاقىردى. «از عانا مەر­زىم ىشىندە پارتيامىز­دىڭ ءتور­اعا­­س­ى, تۇڭ­­عىش پرەزيدەنتىمىز – ەل­ب­اسى نۇر­س­ۇلتان نازار­باەۆ­تىڭ ەرىك-جىگەرى مەن ساياسي كورەگەن­دىگى­نىڭ ار­قا­سىندا ەڭسەرگەن اسۋلارى­مىز كوپ. قول جەتكىزگەن جەتىستىك­تەردىڭ سىرى – پرەزيدەنتى­مىز­دىڭ كورەگەن­دىك, جاسامپاز ستراتە­گيا­سىندا. بۇل ستراتەگيا ەڭ الدى­مەن حالىقتىڭ ىرىسىن مولايتىپ, بىرلىگىن نىعاي­تۋعا, ۇلت­تىق مۇددە­مىزدى قورعاۋعا با­عىتتال­عان. ياعني, بولا­شاق دا­مۋى­مىزدىڭ بىردەن-ءبىر كەپىلى. ءتورت­كۇل دۇنيە اس­تانانى ساياسي, ەكونوميكا­لىق جانە ءدىني ما­ڭىزى زور ءىرى ور­تا­لىق رەتىندە بىلەدى. قا­زاق ەلى مەن ەلباسىنىڭ بەدەلىن اس­قاق­تات­قان ەقىۇ ءسامميتى­نىڭ جو­عا­رى دەڭگەيدە وتكەنى سونى تاعى ءبىر ايشىقتادى. مەملەكەت باس­شىسى استانانى ەلدىڭ تىرەگى, ءۇي­لە­سىم مەن بىرلىكتىڭ ۇيىتقىسى, اقىل مەن كۇش-قايراتتىڭ التىن دىڭگەگى دەپ سانايدى», – دەدى سەنات توراعاسى. بۇگىن تورتكۇل دۇنيەنىڭ وتانى­مىزدى دامىعان, ەكونوميكاسى تۇ­راق­تانعان ەل رەتىندە مويىنداۋى جانە ەلىمىزدىڭ ازاماتتىق قوعام قۇرۋ جولىنىڭ وڭ باعاسىن الىپ, بەلدى-بەلدى حالىقارالىق ۇيىم­دار­عا توراعالىق ەتۋ قۇرمەتىنە يە بولىپ وتىرعانى ۇلتتىق سانامىز­دى ناعىز ەگەمەندىك دەڭگەيگە جەتكىزۋگە ءتيىس, دەگەن دە ويىن جەتكىزدى قاسىم-جومارت كەمەل ۇلى. جانە ول ەلدەگى بارلىق جەتىستىكتىڭ ۇلت كوشباسشىسىنىڭ ەسىمىمەن تىعىز بايلانىستى ەكەنىن باسا ايتتى. كونفەرەنتسياعا قاتىسۋشىلار جيىندا پارتيانىڭ الداعى بولا­تىن ءXIIى سەزىنە دەلەگاتتار سايلاۋمەن قاتار, «نۇر وتاننىڭ» قا­لالىق في­ليالىنىڭ توراعاسىن دا ايقىندا­دى. ءسويتىپ, كونفە­رەن­­تسيا­عا قاتىسۋ­شى 237 دەلەگات يمانعا­لي تاس­ما­عامبەتوۆتىڭ كانديداتۋرا­سىن ءبىر­اۋىز­دان قولدادى. ال پار­تيانىڭ ەلوردالىق فيليالى ءتور­اع­اسىنىڭ ءبىرىنشى ورىنباسارى بو­لىپ ءامىر­حان راقىمجانوۆ قاي­تا سايلاندى. جالپى, كونفەرەنتسيانىڭ كۇن تارتىبىنە 8 ماسەلە شىعارىلىپ, ولاردىڭ بارلىعى بويىنشا تيىسىنشە تىڭداۋلار بولدى جانە شەشىمدەر قابىلداندى. انار تولەۋحانقىزى. استانا.