توي كويلەگىنىڭ ءادىبى – مىڭ جۇمىرتقا
قىتاي ديزاينەرى كۋن نين جەر كۇنى قۇرمەتىنە مىڭ جۇمىرتقادان قالىڭدىقتىڭ توي كويلەگىن تىگىپ شىققان.
مودەلەر بۇل كيىم ۇلگىسىن بەيجىڭدەگى ورىنداۋشىلىق ونەر ۇلتتىق ورتالىعىندا كورسەتكەن. كۋن نين مۇنى جاساۋعا ەكى كۇنىن ارناپتى. بىراق كويلەكتى تىگۋ بارىسىندا جۇمىرتقالاردىڭ جارىلىپ كەتكەنى-كەتپەگەنى تۋرالى مالىمەت جوق.
تەرلەگىشتىگى وزىنە سور بولىپ تۇر
اقش-تىڭ فلوريدا شتاتىندا تۇراتىن 28 جاستاعى دجۋلي رەيدكە سيرەك كەزدەسەتىن دياگنوز – ءوز بويىنان اققان تەردەن اللەرگيا الىپ, «تۇنشىعىپ» قالاتىن ناۋقاسقا ۇشىراعان.
وسىعان بايلانىستى ايەل ەندى ءوز ۇيىنەن قارعا ادىم سىرتقا شىعا الماي قالعان. دارىگەرلەر مۇنىڭ اۋتويممۋندىق اۋرۋ ەكەنىن, بىلايىنشا اتى «حولينەرگيالىق ەسەكجەم» دەپ اتالاتىنىن ايتادى. ايەلدىڭ تەرىسى ءسال نارسەگە بولا تەرلەي سالاتىن وتە سەزىمتال بولىپ شىقتى. «مەنىڭ ءومىرىم – ازاپ ءومىر» دەيدى ول سوندىقتان. اۋرۋى سەبەپتى جۇمىستى دا قويۋعا تۋرا كەلگەن.
مارقۇم مامان – ماتچ تورەشىسى
فۋتبولدان نيگەريا چەمپيوناتىنىڭ پرەمەر-ليگاسىندا كەزەكتى ماتچقا قايتىس بولىپ كەتكەن مامان تورەشى ەتىپ تاعايىندالعان.
ەلدىڭ فەدەراتسياسى قازىر داعدارىستىڭ شارىقتاۋ شەگىنە جەتىپتى. جەرگىلىكتى سوتتىڭ شەشىمىمەن باسشى بولىپ ورىنتاققا وتىرعان كريس دجيۆا وسى تۇستا جەكە بەدەلىن كوتەرۋ ماقساتىندا ۇلتتىق چەمپيوناتتىڭ كەزەكتى تۋرى تورەشىلەر بريگاداسىن ءوزى تاعايىنداپتى. ول ەت قىزۋىمەن 22 قاڭتاردا تەست تاپسىرۋ كەزىندە كەنەت ءولىپ كەتكەن اربيتر ۋەيل اكينسانيانى «ۆارري ۆۋلۆز» جانە «گيۆا» كوماندالارى اراسىنداعى ويىنعا قازىلىق ەتۋگە بەلگىلەپ جىبەرىپتى.
مىسىق بوسانۋ ءۇشىن دارىگەرگە كەلگەن
تۇرىكتىڭ بيتليس دەگەن قالاسىندا جۇكتى مىسىق بوسانۋ ءۇشىن وتباسى دەنساۋلىق ساقتاۋ ورتالىعىنا ءوزى كەلگەن.
جانۋار جاي كەلىپ قويا سالماعان, مەديتسينالىق مەكەمە ەسىگىن تىرنالاي بەرگەن. مىسىقتى قولدارىنا الىپ تەكسەرگەن دارىگەرلەر ونىڭ ءوز بەتىنشە تۋا المايتىنىن انىقتاعان. سوسىن ورتالىق قىزمەتكەرلەرى جاقىن ماڭداعى ۆەتەرينارلىق كلينيكاعا حابارلاسىپ, حايۋاندى سوندا جەتكىزىپ بەرگەن. ال ۆەتەرينارلار كوپ ۇزاماي كەسىپ الۋ جولىمەن مىسىقتى بوساندىرىپ العان. ناتيجەسىندە دۇنيەگە دەندەرى ساۋ ءتورت مىسىق بالاسى كەلگەن.
موناحتار توبەلەسىنە سەبەپشى – ساداقا
قىتايدا ءدىن قىزمەتكەرلەرى قايىر-ساداقانى ءوزارا ءبولىسۋ كەزىندە كەلۋشىلەردىڭ تۇرعاندارىنا قاراماستان, ءبىر-بىرلەرىمەن توبەلەسكەن.
جەلىگە تاراپ كەتكەن ۆيدەودا موناحتاردىڭ ءبىر-بىرلەرىنە قالاي تارپا باس سالىپ, جۇدىرىق الا جۇگىرگەندەرى كورسەتىلگەن. ادەپكىدە ولار وزدەرىن وزدەرى اجىراتپاقشى بولادى. بىراق شامالارى كەلمەي بارا جاتقاسىن, كەلۋشىلەردى دە كومەككە شاقىرعان. ال توبەلەسكە الدەكىمدەردىڭ ساداقا رەتىندە بەرىپ كەتكەن اقشاسى سەبەپكەر بولعان.
سيام ەگىزدەرىنىڭ بەتى ءبىر بولىپ شىقتى
ءۇندىستاننىڭ شىعىسىنداعى اۋرۋحانالاردىڭ بىرىندە دەنەلەرى بولەك بولعانىمەن, بەتتەرى ورتاق سيام ەگىزدەرى تۋىلدى.
بىراق ولار جارىق دۇنيەگە كەلگەننەن كەيىن بار-جوعى 6 مينۋت قانا ءومىر سۇرگەن. دارىگەرلەر نارەستەلەردى كەسىپ الاردىڭ الدىندا ولاردىڭ سيام ەگىزدەرى ەكەنىن بىلگەن. ال سىرتقى كەلبەتتەرىن تەك جارىپ العاننان كەيىن عانا كورگەن.
اپتانىڭ ەكى كۇنى عانا جۇمىس
ۆەنەسۋەلا مەملەكەتتىك قىزمەتكەرلەرى ۇيىمدار مەن كاسىپورىنداردا ەلەكتر قۋاتىن ۇنەمدەۋ ماقساتىندا ەندى اپتاسىنا ەكى كۇن عانا جۇمىس ىستەيتىن بولىپ وتىر.
ەلدىڭ ۆيتسە-پرەزيدەنتى اريستوبۋلو يستۋريس وسىنى حابارلاي وتىرىپ, جۇمىس كۇندەرىنىڭ دۇيسەنبى مەن سەيسەنبى كۇندەرىنە بەلگىلەنگەنىن دە ايتتى. بۇدان بۇرىن بيلىك جۇمانى جۇمىس جاسامايتىن كۇن رەتىندە جاريالاعان بولاتىن.
كوپ الدىندا وتىنسە دە كەشىرمەدى
ابۋ-دابي تەلەارناسىندا جۇرگىزۋشى دجوردج كاراداحي ايەلى وپاسىزدىق جاسادى دەگەن كۇدىكپەن اجىراسىپ كەتكەن مىسىرلىق ەرلى-زايىپتىلاردى تاتۋلاستىرا المادى.
تىكەلەي ەفيردە جۇرگەن حابارعا قاتىسقان ايەل بەتىنە نيكاب كيىپ كەلىپ, ءوزىنىڭ جاس جىگىتپەن تەلەفون ارقىلى ىستەگەن ارەكەتى ءۇشىن كۇيەۋىنەن كەشىرىم سۇراعان. بىراق ونىڭ مۋحامماد ەسىمدى كۇيەۋى ايەلىنە ءوزىن ميلليونداعان جۇرتتىڭ كوز الدىندا ماسقارالاعانى ءۇشىن ەندى مۇلدەم كەشىرمەيتىنىن ايتىپ, ءۇزىلدى-كەسىلدى قارسىلىق بىلدىرگەن.
اقپارات اگەنتتىكتەرىنىڭ ماتەريالدارى نەگىزىندە دايىندالدى.
قىتاي ديزاينەرى كۋن نين جەر كۇنى قۇرمەتىنە مىڭ جۇمىرتقادان قالىڭدىقتىڭ توي كويلەگىن تىگىپ شىققان.
مودەلەر بۇل كيىم ۇلگىسىن بەيجىڭدەگى ورىنداۋشىلىق ونەر ۇلتتىق ورتالىعىندا كورسەتكەن. كۋن نين مۇنى جاساۋعا ەكى كۇنىن ارناپتى. بىراق كويلەكتى تىگۋ بارىسىندا جۇمىرتقالاردىڭ جارىلىپ كەتكەنى-كەتپەگەنى تۋرالى مالىمەت جوق.
تەرلەگىشتىگى وزىنە سور بولىپ تۇر
اقش-تىڭ فلوريدا شتاتىندا تۇراتىن 28 جاستاعى دجۋلي رەيدكە سيرەك كەزدەسەتىن دياگنوز – ءوز بويىنان اققان تەردەن اللەرگيا الىپ, «تۇنشىعىپ» قالاتىن ناۋقاسقا ۇشىراعان.
وسىعان بايلانىستى ايەل ەندى ءوز ۇيىنەن قارعا ادىم سىرتقا شىعا الماي قالعان. دارىگەرلەر مۇنىڭ اۋتويممۋندىق اۋرۋ ەكەنىن, بىلايىنشا اتى «حولينەرگيالىق ەسەكجەم» دەپ اتالاتىنىن ايتادى. ايەلدىڭ تەرىسى ءسال نارسەگە بولا تەرلەي سالاتىن وتە سەزىمتال بولىپ شىقتى. «مەنىڭ ءومىرىم – ازاپ ءومىر» دەيدى ول سوندىقتان. اۋرۋى سەبەپتى جۇمىستى دا قويۋعا تۋرا كەلگەن.
مارقۇم مامان – ماتچ تورەشىسى
فۋتبولدان نيگەريا چەمپيوناتىنىڭ پرەمەر-ليگاسىندا كەزەكتى ماتچقا قايتىس بولىپ كەتكەن مامان تورەشى ەتىپ تاعايىندالعان.
ەلدىڭ فەدەراتسياسى قازىر داعدارىستىڭ شارىقتاۋ شەگىنە جەتىپتى. جەرگىلىكتى سوتتىڭ شەشىمىمەن باسشى بولىپ ورىنتاققا وتىرعان كريس دجيۆا وسى تۇستا جەكە بەدەلىن كوتەرۋ ماقساتىندا ۇلتتىق چەمپيوناتتىڭ كەزەكتى تۋرى تورەشىلەر بريگاداسىن ءوزى تاعايىنداپتى. ول ەت قىزۋىمەن 22 قاڭتاردا تەست تاپسىرۋ كەزىندە كەنەت ءولىپ كەتكەن اربيتر ۋەيل اكينسانيانى «ۆارري ۆۋلۆز» جانە «گيۆا» كوماندالارى اراسىنداعى ويىنعا قازىلىق ەتۋگە بەلگىلەپ جىبەرىپتى.
مىسىق بوسانۋ ءۇشىن دارىگەرگە كەلگەن
تۇرىكتىڭ بيتليس دەگەن قالاسىندا جۇكتى مىسىق بوسانۋ ءۇشىن وتباسى دەنساۋلىق ساقتاۋ ورتالىعىنا ءوزى كەلگەن.
جانۋار جاي كەلىپ قويا سالماعان, مەديتسينالىق مەكەمە ەسىگىن تىرنالاي بەرگەن. مىسىقتى قولدارىنا الىپ تەكسەرگەن دارىگەرلەر ونىڭ ءوز بەتىنشە تۋا المايتىنىن انىقتاعان. سوسىن ورتالىق قىزمەتكەرلەرى جاقىن ماڭداعى ۆەتەرينارلىق كلينيكاعا حابارلاسىپ, حايۋاندى سوندا جەتكىزىپ بەرگەن. ال ۆەتەرينارلار كوپ ۇزاماي كەسىپ الۋ جولىمەن مىسىقتى بوساندىرىپ العان. ناتيجەسىندە دۇنيەگە دەندەرى ساۋ ءتورت مىسىق بالاسى كەلگەن.
موناحتار توبەلەسىنە سەبەپشى – ساداقا
قىتايدا ءدىن قىزمەتكەرلەرى قايىر-ساداقانى ءوزارا ءبولىسۋ كەزىندە كەلۋشىلەردىڭ تۇرعاندارىنا قاراماستان, ءبىر-بىرلەرىمەن توبەلەسكەن.
جەلىگە تاراپ كەتكەن ۆيدەودا موناحتاردىڭ ءبىر-بىرلەرىنە قالاي تارپا باس سالىپ, جۇدىرىق الا جۇگىرگەندەرى كورسەتىلگەن. ادەپكىدە ولار وزدەرىن وزدەرى اجىراتپاقشى بولادى. بىراق شامالارى كەلمەي بارا جاتقاسىن, كەلۋشىلەردى دە كومەككە شاقىرعان. ال توبەلەسكە الدەكىمدەردىڭ ساداقا رەتىندە بەرىپ كەتكەن اقشاسى سەبەپكەر بولعان.
سيام ەگىزدەرىنىڭ بەتى ءبىر بولىپ شىقتى
ءۇندىستاننىڭ شىعىسىنداعى اۋرۋحانالاردىڭ بىرىندە دەنەلەرى بولەك بولعانىمەن, بەتتەرى ورتاق سيام ەگىزدەرى تۋىلدى.
بىراق ولار جارىق دۇنيەگە كەلگەننەن كەيىن بار-جوعى 6 مينۋت قانا ءومىر سۇرگەن. دارىگەرلەر نارەستەلەردى كەسىپ الاردىڭ الدىندا ولاردىڭ سيام ەگىزدەرى ەكەنىن بىلگەن. ال سىرتقى كەلبەتتەرىن تەك جارىپ العاننان كەيىن عانا كورگەن.
اپتانىڭ ەكى كۇنى عانا جۇمىس
ۆەنەسۋەلا مەملەكەتتىك قىزمەتكەرلەرى ۇيىمدار مەن كاسىپورىنداردا ەلەكتر قۋاتىن ۇنەمدەۋ ماقساتىندا ەندى اپتاسىنا ەكى كۇن عانا جۇمىس ىستەيتىن بولىپ وتىر.
ەلدىڭ ۆيتسە-پرەزيدەنتى اريستوبۋلو يستۋريس وسىنى حابارلاي وتىرىپ, جۇمىس كۇندەرىنىڭ دۇيسەنبى مەن سەيسەنبى كۇندەرىنە بەلگىلەنگەنىن دە ايتتى. بۇدان بۇرىن بيلىك جۇمانى جۇمىس جاسامايتىن كۇن رەتىندە جاريالاعان بولاتىن.
كوپ الدىندا وتىنسە دە كەشىرمەدى
ابۋ-دابي تەلەارناسىندا جۇرگىزۋشى دجوردج كاراداحي ايەلى وپاسىزدىق جاسادى دەگەن كۇدىكپەن اجىراسىپ كەتكەن مىسىرلىق ەرلى-زايىپتىلاردى تاتۋلاستىرا المادى.
تىكەلەي ەفيردە جۇرگەن حابارعا قاتىسقان ايەل بەتىنە نيكاب كيىپ كەلىپ, ءوزىنىڭ جاس جىگىتپەن تەلەفون ارقىلى ىستەگەن ارەكەتى ءۇشىن كۇيەۋىنەن كەشىرىم سۇراعان. بىراق ونىڭ مۋحامماد ەسىمدى كۇيەۋى ايەلىنە ءوزىن ميلليونداعان جۇرتتىڭ كوز الدىندا ماسقارالاعانى ءۇشىن ەندى مۇلدەم كەشىرمەيتىنىن ايتىپ, ءۇزىلدى-كەسىلدى قارسىلىق بىلدىرگەن.
اقپارات اگەنتتىكتەرىنىڭ ماتەريالدارى نەگىزىندە دايىندالدى.
