پارلامەنتتىك فورۋم وتىرىسىنا قاتىستى

پارلامەنت سەناتىنىڭ دەپۋتاتتارى قايرات يششانوۆ پەن مۇراتباي جولداسباەۆ «ازيا-ەۋروپا» پارلامەنتتىك ىنتىماقتاستىعى فورۋمىنىڭ 9-شى وتىرىسىنا قاتىستى. شارا موڭعوليانىڭ استاناسى – ۋلان-باتوردا ءوتتى, دەپ حابارلادى سەناتتىڭ ءباسپاسوز قىزمەتى. «ازيا-ەۋروپا» پارلامەنت­تىك ىنتىماقتاستىعى اياسىندا قازاق­ستاندىق دەپۋتاتتار موڭ­عوليا پارلامەنتى ءتور­اعا­سىنىڭ ورىنباسارى ميەەگومبىن ەنحبولدپەن كەزدەسىپ, ەكى ەلدىڭ زاڭ شىعارۋ ورگاندارىنىڭ ىنتىماقتاستىعىن ۇدەتۋدىڭ كەلەشەگىن تالقىلادى. جالپى وتىرىس بارىسىندا موڭعوليا پارلامەنتىنىڭ توراعاسى زاندااحۋگين ەنحبولد موڭعوليا ۇنقاتىسۋدى دامىتۋ جانە ساۋدانى ۇلعايتۋداعى ءوزارا ءىس-قيمىلعا, «ازيا-ەۋروپا» فورۋمى نەگىزگى مىندەتتەرىنىڭ ءبىرى بولىپ تابىلاتىن ەكى قۇرلىقتىڭ ينۆەستيتسيالىق بايلانىستارىنا ۇلەس قوسۋعا ۇمتىلاتىنىنا نازار اۋداردى. كونفەرەنتسيا قورىتىن­دىسى بويىنشا «ازيا-ەۋروپا» پارلامەنتتىك ىنتىماق­تاس­تىعىنىڭ دەكلاراتسياسى قابىل­داندى. وندا قاتىسۋشى ەلدەردىڭ الەمدەگى جانە ايماق­تاعى وزەكتى ماسەلەلەر بويىنشا كەلىسىلگەن قادامدارى كورىنىس تاپتى. شاراعا ءۇندىستان, يتاليا, پاكىستان جانە تايلاند پارلا­مەنت­تەرىنىڭ توراعالارى, 11 ەل­دىڭ, اتاپ ايتقاندا, اۆستراليا, يندونەزيا, فينليانديا, ماجار­­ستان, پولشا, ۆەتنام جانە يس­­پانيا پار­لامەنتتەرى ءتور­اعا­­لارىنىڭ ورىنباسارلارى, سون­داي-اق, 32 ەلدەن جانە ەۋروپارلامەنتتەن 156 دەلەگات قاتىستى.