ءتۇسىندىرۋ جۇمىستارى جۇرگىزىلدى

قوستانايدا ۇلتتىق ەكونوميكا ءمينيسترىنىڭ ورىنباسارى قايىربەك وسكەنباەۆ بولىپ, قازاقستان رەسپۋبليكاسى – «100 ناقتى قادام» ۇلت جوسپارى شەڭ­بەرىندە جەر كودەكسىنە وزگە­رىستەر ەنگىزىلۋىنە بايلانىستى زاڭنامالاردى قولدانۋ نورمالارىن ءتۇسىندىرۋ ماسەلەلەرى بويىنشا كەڭەسكە قاتىستى. وندا قايىربەك ايتباي ۇلى اۋىل شا­رۋاشىلىعىنا پايدالاناتىن جەرلەردى جەكەمەنشىككە بەرۋ تەتىكتەرى, سوعان وراي سالىق زاڭ­دارىنا ەنگىزىلگەن وزگەرىستەر, اۋكتسيونعا تۇسكەن جەر ۋچاسكەلەرىن ساتىپ الۋ قاعيدالارى تۋرالى ايتىپ بەردى. وبلىس اكىمىنىڭ ءبىرىنشى ورىنباسارى عاۋەز نۇرماعانبەتوۆتىڭ ايتۋىنشا, وبلىستا وسى كەزگە دەيىن 45 300 گەكتار جەر جە­كە­­مەن­شىكتىڭ قولىندا, قالعان اۋىلشارۋاشىلىق ماقساتىنداعى 10 100 506 گەكتار ساتىلۋعا جا­رام­دى دەپ ەسەپتەلەدى. جەردىڭ جە­كەمەنشىككە ساتىلۋ تەتىكتەرى تۋ­رالى ماسەلەنى وبلىستاعى اۋىل­شارۋاشىلىق تاۋارلارىن ءون­دىرۋشىلەر, كاسىپكەرلەر تىڭداپ, ءمينيستردىڭ ورىنباسارىنا جانە ونىمەن بىرگە كەلگەن ماماندارعا سۇراقتار بەردى. ولار كوبىنە اۋىلشارۋاشىلىق ماقساتىنداعى جەر ساتىلعاندا ونىڭ باعاسى بونيتەتىنە قاراي ەسكەرىلسە دەگەن تىلەك ايتتى. ءويت­كەنى, ديقاندار قانداي دا كۇتىم بولعانىمەن ءونىم الۋدا جەر­دىڭ تابيعي بونيتەتى باستى كور­سەتكىشتى بەرەتىنىن ايتتى. ۇلتتىق ەكونوميكا ءمينيسترىنىڭ ورىنباسارى قايىربەك وسكەنباەۆ جەرگىلىكتى كاسىپكەرلەر مەن اۋىلشارۋاشىلىق تاۋارلارىن ءون­­­دىرۋشىلەر جانە جۋرناليستەر سۇراق­تارىنا جاۋاپ بەردى. ءنازيرا جارىمبەتوۆا, «ەگەمەن قازاقستان» قوستاناي