دەلدالداردىڭ دەگەنى بولىپ تۇر

«ۇيدەگى باعانى بازارداعى نارىق بۇزادى», دەپ حالىق تاۋىپ ايتقان عوي. ارينە, جەرگىلىكتى اكىمدىك ازىق-ت ۇلىكتىڭ باعاسىن تۇراقتاندىرۋدا ۇلكەن جۇمىستار اتقارۋدا. جامبىل وبلىسىندا 33 الەۋمەتتىك ماڭىزى بار ازىق-ت ۇلىك تاۋارلارىن تۇراقتاندىرۋ ماقساتىندا 10 الەۋمەتتىك دۇڭگىرشەك پەن 1 كوممۋنالدىق بازار اشىلعان. وبلىس بويىنشا وتكەن جىلى 345 اۋىلشارۋاشىلىق جارمەڭكەسى وتكىزىلىپ, 1,5 ملرد. تەڭگەگە جۋىق ازىق-ت ۇلىك تاۋارلارى وتكەرىلسە, ازىق-ت ۇلىك بەلدەۋىن قۇرۋ ماقسا­تىندا الماتى قالاسىندا 4 رەت جارمەڭكە وتكىزىلىپ, قۇنى 420 ملن. تەڭگەنى قۇرايتىن 943 توننادان استام اۋىلشارۋاشىلىق تاۋار­لارى وتكەرىلدى. سونداي-اق, استانا قالاسىندا ءبىر اي بويى اۋىلشارۋاشىلىق جارمەڭكەلەرى وتكىزىلىپ, جالپى قۇنى 75 ملن. تەڭگەنى قۇرايتىن 480 توننا ءونىم استانا تۇرعىندارىنا 15-20 پايىز تومەن باعامەن ساتىلدى. قازىر ەلىمىز بويىنشا ەڭ ارزان نان – تارازدا. بۇگىنگى كۇنى الەۋمەتتىك ءبىر بولكە ناننىڭ با­عا­سى 50-55 تەڭگە ارالىعىندا تۇراقتالدى. جىل باسىنان بەرى «كاسىپكەرلەر قامقورلىعى» اكتسيا­سى ۇيىمداستىرىلىپ, الەۋمەتتىك كومەككە ءزارۋ, قامقورلىقتى قاجەت ەتەتىن وتباسىلار مەن زەينەتكەرلەرگە تاراز قالاسىنداعى 5 ازىق-ت ۇلىك دۇكەنى مەن 10 الەۋمەتتىك دۇڭگىر­شەكتەرگە 50 بولكەدەن 350 گرامدىق نان بەرىلىپ, تەگىن تاراتىلۋدا. سونىمەن قاتار, بىلتىرعى جىلى تۇراقتاندىرۋ قورىنداعى 1000 توننا قانت – 175 تەڭگەدەن, 45 توننا وسىمدىك مايى 230 تەڭگەدەن بوساتىلدى. ايتسە دە, جاسىراتىنى جوق, جامبىل وبلىسىنا سولتۇستىك ءوڭىر­لەردەن جەتكىزىلەتىن ۇن باعاسىنىڭ جوعارى بولۋىنا بايلانىستى ءبىرىنشى سۇرىپتى ۇن مەن ودان ءوندى­رىلەتىن نان باعالارى ءوسىپ وتىر. بۇعان تاعى اقش دوللارىمەن ساتىلاتىن جانە ەلىمىزدەن ەكسپورتتالاتىن بيدايدىڭ سىرتتاعى سۇرانىسقا سايكەس باعاسى اسەر ەتۋدە. سونداي-اق, ءسۇت ونىمدەرى باعالارىنىڭ جوعارىلاۋىنا مال شارۋاشىلىعىنداعى ماۋسىم ارالىق كەزەڭدە ءسۇت ءوندىرىسىنىڭ تومەندەۋى سەبەپ بولۋدا. ايتسە دە ازىق-ت ۇلىك باعالا­رىنىڭ كوتەرىلۋىنە الىپساتار­لاردىڭ ارەكەتى كوپ اسەر ەتىپ جات­قانىن اشىق ايتۋ قاجەت. وسىنىڭ ناتيجەسىندە وندىرۋشىدەن كەتكەن تاۋارلار دۇكەندەردە 2 ەسەگە دەيىن جوعارى باعادا ساتىلادى. – ونىڭ باستى سەبەپتەرى ساۋ­دا-ساتتىق سالاسىنداعى جەكەلەگەن كاسىپكەرلەردىڭ تاۋارعا قوس­قان ۇستەمە اقىسىنا جانە ساۋدا ورىندارىن جالعا الۋ قۇنىنا بايلانىستى, – دەيدى جامبىل وب­لىستىق اۋىلشارۋاشىلىعى باسقارماسىنىڭ باسشىسى نۇرجان نۇرجىگىتوۆ. – تاراز قالاسىنداعى «اۋىل بەرەكە» بازارىنداعى كار­توپتىڭ كوتەرمە باعاسى – 40 تەڭگە, بولشەك ساۋدادا كيلوسى 50 تەڭگەدەن ساتىلۋدا. سونداي-اق, پياز­دىڭ كوتەرمە باعاسى – 30, بولشەك ساۋداداعى باعاسى – 45 تەڭگە. ءتىپتى, سول كارتوپ پەن پياز «سمارت», «جاسمين» سەكىلدى ۇلكەن ساۋدا ورتالىقتارىندا 70-80 تەڭ­گەدەن ساۋدالانىپ جاتىر. ءدال وسىنداي جاعداي ەتتىڭ باعاسىنا دا قاتىستى. مىسالى, شارۋالاردىڭ تىرىدەي وتكىزگەن مالدان الىناتىن ەتتىڭ كيلوسى 750-850 تەڭگەنى قۇراسا, ساۋدا ورىندارىندا 1050-1200 تەڭگەنى قۇرايدى. وسىدان كەيىن ءونىمدى ءوندىرۋ­شىدەن گورى اراداعى دەلدالدار كوپ پايدا تابا ما دەگەن ويعا قالا­تىنىڭ انىق. ياعني, ساۋدادا دەلدالداردىڭ دەگەنى بولىپ تۇر. قالاي ايتساق تا, جەرگىلىكتى اكىمدىك ەندى ءوندىرۋشى مەن تۇتىنۋشىنىڭ اراسىن تىكەلەي بايلانىستىراتىن جول ىزدەپ, وسى باعىتتا ارەكەت ەتسە دۇرىس بولار ەدى. ورالحان ءداۋىت, «ەگەمەن قازاقستان»  جامبىل وبلىسى