قىزىل مياعا كەلگەن قىرعىن

جاقىندا ىسساپارمەن وڭتۇستىك وبلىستارعا جولىم ءتۇستى. سوڭعى كەزدە قىزىل ميانىڭ شەتەلگە ساتىلىپ جاتقانىن ءجيى ەستيتىن ەدىم. سوعان ءىسساپاردا انىق كوزىم جەتتى. قىزىلوردا وبلىسىنىڭ سىرداريا وزەنىنە جاقىن ەلدى مەكەندەردىڭ بىرىندە پىسىقايلار باعالى ءشوپتى ۇلكەن قوراپتى كولىكتەرگە تيەپ, قىتايعا وتكىزىپ جاتىر ەكەن. ودان پايدا تاۋىپ جاتقاندارى دا شامالى. كۇنىنە كولىككە تيەپ, تۇركىستان اسىرىپ ساتقانى ءۇشىن نەبارى 2 000 تەڭگە عانا الادى. ال قىزىل ميانىڭ ۇنتاق رەتىندە وندىرىستە قولدانىلاتىن تامىرىندا گليكوزيد, ساحاروزا, ەفير مايى, مينەرالدى تۇزدار, قىزىل ميا قىشقىلى, كۇردەلى قانتتار جانە كراحمال سياقتى كوپتەگەن دارۋمەندەر بار. وسى قاسيەتتەرىنە بايلانىستى وسكىن مەديتسينا مەن تاماق ونەركاسىبىندە پايدالانىلادى. بۇدان باسقا, ونىڭ جاپىراعى مەن ساباعى ەرتەدەن مال ازىعى رەتىندە دايىندالىپ كەلەدى. جەرگىلىكتى تۇرعىنداردىڭ ايتۋلارىنا قاراعاندا, قىزىل ميا جەردىڭ قۇنارىن ساقتاۋشى دا كورىنەدى. قازىر وسىناۋ وسكىنگە قىرعيداي ءتيىپ, شەتەلگە ساتىپ جاتقان كەساپاتتاردىڭ كەسىرىنەن سوقامەن قوپارىلعان جەرلەر باتپاققا, سور توپىراققا اينالىپ جاتىر. ەڭ قورقىنىشتىسى, اتالمىش وسكىننىڭ ءتاتتى تامىرىن سورىپ كۇنەلتەتىن جاندىكتەر, قۇرت-قۇمىرسقالار جەر بەتىنە شىعىپ, باقشالىق داقىلدار مەن جەمىس اعاشتارىن باۋداي تۇسىرۋدە. ەندى بۇعان شۇعىل شارا قولدانباسا بولمايدى. ەسكەندىر ەرتاي, جۋرناليست قىزىلوردا وبلىسى